Mmla'n 23:8 - NYANMIƐN NDƐ'N 1998

⁸ Sanngɛ nán amun yo Edɔmfuɛ'm be finfin. Be ti amun niaan. Nán amun yo Eziptfuɛ'm be finfin, afin be sikeli amun i nun bɔ amun trannin be mɛn'n nun lɔ'n.

Mmla'n 23:8 ပူးပေါင်းရင်းမြစ်များ

Bo Bolɛ 25:25

Klikli'n i wunnɛn'n ti zoun. I wun ndrɛ kpa'n sa ɔ waan tralɛ nga be fa nnɛn ndrɛ be yo nin-ɔn. I sɔ'n ti be flɛli i kɛ Ezau .

Bo Bolɛ 25:26

I osu b'ɔ cɛ kan'n yɛ be wuli i niaan bian nin-ɔn. I sa'n ɔ lɛ Ezau i ja sin nanndi'n nun. I sɔ'n ti be flɛli i kɛ Zakɔb. Kɛ be ´wu be'n, wuun Izaak ɔ'a di afuɛ ablesiɛn.

1 Famiɛn Mun 3:1

Salomɔn jali Ezipt famiɛn'n i wa bla kun, ɔ man ɔ yoli i sia. Kɛ be jali'n, ɔ fali bla'n ɔli David klɔ lɔ, afin i blɛ sɔ nun'n, wuun ɔ nian wie-mɛn i bɔbɔ i famiɛn sua liɛ'n, ɔ nin Anannganman i sua'n, ɔ nin talɛ ng'ɔ sin yia Zerizalɛm'n be kplan.

Ɛsdras 9:1

I sin Izraɛl famiɛn i awlo lɔ sran dandan'm be wa seli min kɛ: «Nyanmiɛn nyrun jranfuɛ mun, nin Levifuɛ mun, nin Izraɛlfuɛ'm be nin nvle nga be tran mɛn nga nun wa'n, ngbaciɛ ɔ'a tran-man be afiɛn, afin tete like nga Kanaanfuɛ nin Ɛtfuɛ, nin Ferezfuɛ, nin Zɛbisfuɛ, nin Amɔnfuɛ, nin Moabfuɛ, nin Eziptfuɛ, nin Amɔrfuɛ'm be yo'n i wie yɛ be yo-ɔ,

Ezipt Lɔ Tulɛ'n 22:20

Nán amun kle aofuɛ'm be yalɛ, yɛ nán amun bo be akpo, afin man amun wla kpɛn su kɛ amun yoli aofuɛ Ezipt mɛn'n nun lɔ wie.

Saun Yolɛ 19:34

Amun `trɛ i nun kɛ wie-ɔ ɔ ti amun niaan wie sa. Amun `klo i kɛ amun fa klo amun bɔbɔ amun wun'n sa. Nán amun wla fi kɛ amun bɔbɔ amun yoli aofuɛ'n wie Ezipt mɛn'n nun lɔ. Min yɛ n ti Anannganman amun Nyanmiɛn nin-ɔn.

Abdias 1:10

«Kɛ bɔ yɛ amun fɛnnin amun niaan Zakɔb i anunman'm bé bo ninnge'n, bɔ amun yoli be tɛtɛ'n, i ti amun kusu nyannzuɛn ´kun amun lele san amun ´wie nunnun weiin.

Mmla'n 10:19

I sɔ'n ti, amun kusu amun `klo aofuɛ mun, afin amun bɔbɔ amun yoli aofuɛ Ezipt mɛn'n nun lɔ.

Mmla'n 23:7

Ɔ mɛn i ti'n, sɛ Amɔnfuɛ nin Moabfuɛ sɔ'm be wun ´jɔ be o, sɛ be ´di alaje o, nán man i sɔ'n ɔ mian amun sa nan kɛ ɔ ´yo-ɔ ɔ'a yo-ɔ.

Mmla'n 23:9

Sɛ nvle nnyɔn sɔ'm be nunfuɛ o amun mɛn'n nun'n, be anunman sian'm be kwla wlu Anannganman i nvle'n nun.

1 Samiɛl 30:11

Be ko toli Eziptfuɛ kun blo lɔ nan b'a fɛ i b'a blɛ David. Be mɛnnin i kpaun ɔ dili, be mɛnnin i nzue ɔ nɔnnin.