Mmla'n 23:7 - NYANMIƐN NDƐ'N 1998

⁷ Ɔ mɛn i ti'n, sɛ Amɔnfuɛ nin Moabfuɛ sɔ'm be wun ´jɔ be o, sɛ be ´di alaje o, nán man i sɔ'n ɔ mian amun sa nan kɛ ɔ ´yo-ɔ ɔ'a yo-ɔ.

Mmla'n 23:7 ပူးပေါင်းရင်းမြစ်များ

Bo Bolɛ 25:30

Ɔ seli Zakɔb kɛ: «Zakɔb, yaci man n di wɔ akpesi nyrun zoun nga wie, m'an fɛ ngboko.» (I ti yɛ be flɛli i kɛ Edɔm nin-ɔn.)

Bo Bolɛ 46:7

Ɔ fɛli i mma yasua mun nin i anunman yasua mun, ɔ nin i mma yasua mun nin i anunman mmla mun. Ɔ fɛli i osu wunmuan'n.

Bo Bolɛ 47:12

Zozɛf niannin i si nin i niaan'm bé nuan su mannin be like diwa.

Bo Bolɛ 47:27

Izraɛl trannin Ezipt lɔ. Kɛ ɔ wo Ezipt lɔ'n ɔ trannin Gozɛn akpasua'n su. Ɔ nin i fuɛ'm be nyannin asiɛ. Be wuli ba kpanngban. Be trɛli kpa.

Bo Bolɛ 47:6

Ezipt mɛn wunmuan'n yɛ ɔ o lɛ-ɔ, nian lika ng'ɔ ti kpa'n nan fa be sie nun. Gozɛn akpasua'n yɛ ɔ o lɛ-ɔ, man be tran nun. Sɛ a nian nan sran nanndoliɛfuɛ o be nun'n, man be nian min nnɛn'm be su.»

1 Famiɛn Mun 11:25

Rɛzɔn yoli Siri'n i famiɛn. Blɛ ng'ɔ ti famiɛn sɔ'n, ɔ kpɔli Izraɛlfuɛ mun Salomɔn i nyin su. Ɔ kleli be yalɛ kɛ Adad kusu fa kleli be yalɛ'n sa.

Ɛsdras 9:12

I ti nán amun fa amun mma bla'm be man be mma yasua mun, yɛ nán amun ja be mma bla mun man amun mma yasua mun. Nán amun bu be anyanbeun nin be alaje bɔ be di'n i like. I liɛ'n, amun ´nyan fanngan, amun ´di mɛn nga nun ninnge kpakpa mun. Yɛ mɛn sɔ'n ´yo amun osu nunfuɛ'm be liɛ tititi.›

Jue Mun 105:23

Yɛ Izraɛl bali Ezipt mɛn'n nun-ɔn. Zakɔb tu ko trannin Kam mɛn'n nun.

Ezipt Lɔ Tulɛ'n 22:21

Nán amun yo angboti bla nin aika'm be tɛtɛ.

Ezipt Lɔ Tulɛ'n 23:9

Nán kle aofuɛ bɔ be tran amun afiɛn'm be yalɛ. Afin amun si aofuɛ yolɛ'n i nun ndɛ'n kwlaa yɛlɛ kɛ amun bɔbɔ amun yoli aofuɛ Ezipt mɛn'n nun lɔ.»

Saun Yolɛ 19:34

Amun `trɛ i nun kɛ wie-ɔ ɔ ti amun niaan wie sa. Amun `klo i kɛ amun fa klo amun bɔbɔ amun wun'n sa. Nán amun wla fi kɛ amun bɔbɔ amun yoli aofuɛ'n wie Ezipt mɛn'n nun lɔ. Min yɛ n ti Anannganman amun Nyanmiɛn nin-ɔn.

Malasi 1:2

Anannganman wan yoo: «N klo amun.» Kpɛkuun amun usa kɛ yoo: «?Klolɛ kpa nga ɔ waan a klo ye'n, nguɛ yɛ ɔ kle kɛ a klo e nin-ɔn?» Yɛ Anannganman kusu se be kɛ yoo: «?Nán Zakɔb i niaan bian yɛlɛ Ezau? Sanngɛ n kloli Zakɔb sa

Kalɛ 20:14

Kɛ be tɛ o Kadɛs lɛ'n, Moiz sunmannin sran kɛ be `ko se Edɔm famiɛn'n kɛ: «Tie ɔ niaan Izraɛlfuɛ'm be ndɛ nga be kan'n. A si afɛ'n kwlaa nga e fɛli'n.

Mmla'n 10:19

I sɔ'n ti, amun kusu amun `klo aofuɛ mun, afin amun bɔbɔ amun yoli aofuɛ Ezipt mɛn'n nun lɔ.

Mmla'n 23:8

Sanngɛ nán amun yo Edɔmfuɛ'm be finfin. Be ti amun niaan. Nán amun yo Eziptfuɛ'm be finfin, afin be sikeli amun i nun bɔ amun trannin be mɛn'n nun lɔ'n.