Mmla'n 23:6 - NYANMIƐN NDƐ'N 1998

⁶ Sanngɛ Anannganman amun Nyanmiɛn'n, kɛ b'ɔ klo amun'n ti ɔ'a kplin-man Balaam su. Sannzan bɔ be waan Balaam ɔ bo'n, ɔ'a bo-man. Sanngɛ Anannganman amun Nyanmiɛn'n man ɔ yrɛli i nuan klanman mannin amun. Afin Anannganman amun Nyanmiɛn'n ɔ klo amun .

Mmla'n 23:6 ပူးပေါင်းရင်းမြစ်များ

2 Samiɛl 12:31

Ɔ fali klɔ'n nun sran mun bali Izraɛl. Ɔ fa be wlali plɔtrɔ nun: wie'm be dili waka junman, wie'm be kpacili yɛbuɛ, wie'm be kpɛli waka, wie'm be kpɛli bliki. Amɔnfuɛ'm be klɔ'n kwlaa su ɔ yoli be sɔ. Yɛ ɔ nin i sonja'm be sali bé sin Zerizalɛm-ɔ.

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

2 Samiɛl 8:2

David kwlali Moabfuɛ mun. Ɔ man be lali asiɛ wun. Ɔ man be lali be ngbinngbin nun. Yɛ ɔ fali nyanman kun sie i kpalɛ kun, yɛ kpalɛ nnyɔn. Be kwlaa nga be la lɛ'n, ɔ kunnin be. I sin ɔ sie i kpɛ nsan su, be kwlaa nga be la lɛ ɔ yacili be lɛ. Moabfuɛ'm be suli David, be tua lapo be mɛn i.

Ɛsdras 9:12

I ti nán amun fa amun mma bla'm be man be mma yasua mun, yɛ nán amun ja be mma bla mun man amun mma yasua mun. Nán amun bu be anyanbeun nin be alaje bɔ be di'n i like. I liɛ'n, amun ´nyan fanngan, amun ´di mɛn nga nun ninnge kpakpa mun. Yɛ mɛn sɔ'n ´yo amun osu nunfuɛ'm be liɛ tititi.›

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Mise 6:5

Min sran mun, akunndan nga Balak b'ɔ ti Moab famiɛn'n buli i amun wun'n, nin ndɛ nga Bɛɔr i wa Balaam fa tɛli i su'n, man amun wla kpɛn su. Sunmanlɛ nga kɛ amun fɛ i Sitim lele be fa juli Gilgal bɔ n ko sunmannin amun'n, man amun wla kpɛn su. Amun wla kpɛn su kɛ ɔ ´yo nan amu'an wun aklunye nga m bɔbɔ min Anannganman n yoli amun'n ti .»

Kalɛ 24:10

Balak fali Balaam i wun ya tɛtɛ kpa, ɔ boli ndɛ kplo, i sin ɔ seli Balaam kɛ: «N yiali wɔ kɛ a wa bo min kpɔfuɛ'm be sannzan kpɛkuun nian, i kpɛ nsan yɛ, muae klanman yɛ a bo a man be-ɔ.

Mmla'n 7:8

Sanngɛ kɛ Anannganman klo amun'n ti'n, yɛ aenguɛ ng'ɔ nin amun nannan'm be trali'n i su bɔ i waan ɔ ´nian'n ti, ɔ yili amun Ezipt lɔ fiteli. Kɛ ɔ ´yo sɔ'n, wuun amun wo kanga nun, i tinmin bɔ be jrɛn i nyrun ɔ yo-man ye'n ti, ɔ deli amun Ezipt famiɛn'n i sa nun.