Mmla'n 23:5 - NYANMIƐN NDƐ'N 1998

⁵ Afin i nun nga amun fin Ezipt lɔ amun ´ba'n, kɛ be `fa aliɛ nin nzue be `kpa amun atin nan be `sɔ amun nun'n, b'a yo-mɛn i sɔ. Be tuli Bɛɔr i wa Balaam b'ɔ o Pɛtɔr'n Mezopotami mɛn'n nun lɔ'n, kɛ ɔ wa bo amun sannzan. I ti be mɛnnin i sika.

Mmla'n 23:5 ပူးပေါင်းရင်းမြစ်များ

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

Neemi 13:2

yɛlɛ kɛ laa kɛ Izraɛlfuɛ'm be ´ba'n, b'a kpa-man be atin, b'a man-man be aliɛ nin nzue. I kpa'n bɔ Moabfuɛ'm be mannin Balaam sika kɛ ɔ bo be sannzan, sanngɛ sannzan sɔ'n Nyanmiɛn man ɔ kacili muae .

Jue Mun 73:1

Jue nga ti Azaf liɛ. I waan: Nanwlɛ, Anannganman yo Izraɛl i kpa. Ɔ yo be nga be anwlɛn'n nun ti weiin'n be kpa kusu.

Nyanndra Mun 26:2

Sannzan nga sran ɔ'a yo-man like fi bɔ be bo i'n, ɔ ti ngbɛn. I wafa'n ti kɛ anunman b'ɔ tu kɔ lelele ɔ tran-man like su'n sa .

Zeremi 31:3

I waan: «Anannganman'n fin mmua lɔ lele ɔ wa yili i wun kleli min.» Ɔ seli min kɛ: «Klolɛ nga n fa klo wɔ'n, ɔ lɛ-man kpɛbo. N tɛ di wɔ nɛnnɛn kɛ ɔ ´yo nan w'a mantan min'n ti.

Ezekiɛl 16:8

N sinnin ɔ́ wun lɛ, n ´nian-an, a si yasua-a ɔ yo ye yɛ n fali min tralɛ dan'n n katali ɔ́ wun-ɔn, b'a wun-man ɔ́ wun kplɛn'n kun. N tali nda kɛ n su kpɔci-man wɔ e nin wɔ e trali aenguɛ. Kpɛkuun yɛ a yoli min liɛ-ɔ.› » Anannganman Nyanmiɛn'n yɛ ɔ kan sɔ-ɔ.

Mise 6:5

Min sran mun, akunndan nga Balak b'ɔ ti Moab famiɛn'n buli i amun wun'n, nin ndɛ nga Bɛɔr i wa Balaam fa tɛli i su'n, man amun wla kpɛn su. Sunmanlɛ nga kɛ amun fɛ i Sitim lele be fa juli Gilgal bɔ n ko sunmannin amun'n, man amun wla kpɛn su. Amun wla kpɛn su kɛ ɔ ´yo nan amu'an wun aklunye nga m bɔbɔ min Anannganman n yoli amun'n ti .»

Malasi 1:2

Anannganman wan yoo: «N klo amun.» Kpɛkuun amun usa kɛ yoo: «?Klolɛ kpa nga ɔ waan a klo ye'n, nguɛ yɛ ɔ kle kɛ a klo e nin-ɔn?» Yɛ Anannganman kusu se be kɛ yoo: «?Nán Zakɔb i niaan bian yɛlɛ Ezau? Sanngɛ n kloli Zakɔb sa

Kalɛ 22:35

Anannganman i anz'n seli Balaam kɛ: «Ɔ li a nin sran sɔ mun amun `wɔ. Sanngɛ ndɛ nga n se wɔ kɛ a kan'n yɛ kan-an.» Yɛ Balaam nin Balak i awlo lɔ sran dan'm be ɔli-ɔ.

Kalɛ 22:5

Famiɛn'n ɔ yili sran kɛ be `ko yia Bɛɔr i wa Balaam b'ɔ o Pɛtɔr lɔ'n kɛ ɔ bla. Pɛtɔr klɔ'n ɔ o Efrat nzue ba'n i nuan. I waan be `se i kɛ: «Nvle kun fin Ezipt lɔ bali. I nun sran'm be sɔnnin kpa, be de asiɛ wunmuan'n. Be tranwlɛ'n wo mín liɛ'n i wun koko kpa .

Kalɛ 24:9

Be ti kɛ asɔmɔli mun sa, be koto, kpɛkuun b'a la. ?Wan yɛ ɔ kwla mian be kɛ be jaso-ɔ? Izraɛlfuɛ mun, man sran ng'ɔ yra amun nguan'n ɔ nyan muae klanman, yɛ sran ng'ɔ bo amun sannzan'n, man nyrɛnnɛn tɔ i su .› »

Rɔmfuɛ Mun 11:28

Kɛ e niɛn i bue kun'n, e wun kɛ jasin fɛ'n bɔ Zuif'm b'a fa-man su'n ti Nyanmiɛn nin be buli. I sɔ'n yoli amun muae sa. Sanngɛ kɛ e niɛn i bue kun ekun bɔ e wun wafa nga Nyanmiɛn fa sran'n, e wun kɛ be nannan'm be ti'n, be ti Nyanmiɛn i anwlɛn su sran.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

Rɔmfuɛ Mun 9:13

Afin be klɛli kɛ: «N klo Zakɔb, sanngɛ n kpɔ Ezau .»

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

Mmla'n 2:29

Like nga Ezau i osu nunfuɛ bɔ be tran Seir'n nin Moabfuɛ bɔ be tran Ar mɛn'n nun'n be yo mannin ye'n, i kunngba'n yɛ e waan a `yo man ye-ɔ. I liɛ'n, e ´kpɛ Zurdɛn'n e ´kpɛn lika nga Anannganman e Nyanmiɛn'n fa mannin ye'n nun.»

Mmla'n 33:3

Anannganman klo Izraɛl akpasua-akpasua be sufuɛ mun. Ɔ sasa be bɔ be ti i liɛ mlɔnmlɔn'n, ɔ sasa be bɔ be trɛn i bo lɛ kɛ be ´ti i ndɛ'n.

Mmla'n 4:37

Ɔ kloli amun nannan mun, yɛ ɔ buli be osu nunfuɛ'm be akunndan sieli, i wunmiɛn b'ɔ lɛ i'n ti ɔ yili amun Ezipt lɔ fiteli.

Zozie 24:10

M'an kplin-man Balaam su ɔ man ɔ yaci ko yrali amun nguan nan m'an de amun Balak sa nun .