Mmla'n 23:21 - NYANMIƐN NDƐ'N 1998

²¹ Aofuɛ mun yɛ sɛ be usa afɛ amun sa nun'n, amun se be kɛ be su i bo-ɔ. Sanngɛ sɛ amun niaan Izraɛlfuɛ'm be usa afɛ amun sa nun'n, amun lɛ-man atin se-man be kɛ be su i bo. I liɛ'n, Anannganman amun Nyanmiɛn'n ɔ ´yo man junman kwlaa nga amun ´di i lika nga amun ´ko fɛ i lɔ'n nun'n, ɔ ´yo ye amún sa nun.

Mmla'n 23:21 ပူးပေါင်းရင်းမြစ်များ

Bo Bolɛ 28:20

Zakɔb tali nda, i waan: «Sɛ Nyanmiɛn nin min o nun'n, sɛ ɔ yo man n nanti ye'n, sɛ ɔ man min aliɛ n di'n, sɛ ɔ man min tralɛ n wla'n,

Zɔb I Nyrɛnnɛn Wunlɛ 22:27

Sɛ a srɛ i nan a jran su'n, ɔ ´tɛ wɔ su. Kpɛkuun like nga a kannin kɛ a ´yo mɛn i'n, wuun a su yo.

Jue Mun 116:18

Ninnge nga n tali nda kɛ n ´yo be m ´man Anannganman'n, n ´yo be i nvlefuɛ'm be nyrun.

Jue Mun 15:5

Sɛ be fɛ sika i sa nun'n, ɔ se-man kɛ be su i bo. Sɛ be waan be ´cɛ i like nan ɔ `tɔn sran nga ɔ'a yo-man sa'n i suɛn'n, ɔ kplin-man su . Sran ng'ɔ yo kɛ nga sa titi'n, ɔ su tɔ-man le nan kɛ ɔ ´yo-ɔ ɔ'a yo.

Jue Mun 50:14

Yi min asenna tɛ'n man min, yɛ fualɛ nga a fua kleli min bɔ like fi nun-man n sin'n kɛ a ´yo like wie man min'n, yiɛ i nuan.

Jue Mun 56:12

N lafi Nyanmiɛn su, srɛ kun-man min. ?Nguɛ like bɔ cɛ yɛ klɔ sran'n kwla yo min-ɔn?

Jue Mun 61:8

Ee Nyanmiɛn, man ɔ sie lika'n yɛ ɔ tran ɔ nyrun lɛ tititi. Ɔ klun-ufue b'ɔ wie-man le'n ti, sɛsɛ i.

Jue Mun 76:11

Sɛ sran'm be fa ya sɛ, i agualiɛ su'n, wɔ yɛ a nyan nyrun be ya falɛ sɔ'n nun-ɔn. Be nga be ko nyan bé ti ɔ́ ya liɛ bɔ a fa nun'n, be ´di cɛn be man wɔ.

Ezipt Lɔ Tulɛ'n 22:24

Sɛ min nvle'n i nunfuɛ kun b'ɔ ti yalɛfuɛ'n ɔ wa usa bosia ɔ sa nun'n, nán yo i kɛ sran bɔ sran sika wo i su'n sa, nán se i kɛ ɔ su i bo.

Ezekiɛl 18:8

Sɛ ɔ bo sran bosia, ɔ kunndɛ-man asubo. Ɔ yo-man sa ng'ɔ ti-mɛn i nuan su'n. Sɛ ɔ ´di jɔlɛ'n, o bu ndɛ nanwlɛ, ɔ jran-man sran sin.

Zonas 1:16

Srɛ dan kpa kunnin mmeli'n i kanfuɛ mun Anannganman ti nan b'a yi sraka b'a mɛn i nan b'a ta nda kɛ be ´yo like be mɛn i.

Zonas 2:9

Sran nga amuɛn bɔ be bɔn-man like'n yɛ be sɔ be'n, be bɔbɔ man a kwla si-man be aunnvuɛ.

Matthieu 5:33

«An tili i ekun kɛ be kan kleli laafuɛ'm be kɛ: ‹Nán ta nda ngbɛn, sanngɛ nda nga a ta e Min Nyanmiɛn'n, yiɛ i nuan.›

Mmla'n 14:29

nan Levifuɛ'm bɔ be lɛ-man asiɛ'n wie kɛ amun liɛ'n sa'n, nin aofuɛ nga be sike amun'n, nin aika ba mun, ɔ nin angboti bla nga be o amun klɔ'n su'n, be wa fa wie be `di nan be ku `yi. Nan Anannganman amun Nyanmiɛn'n kusu ɔ'a yo nan like kwlaa nga amun yo'n ɔ'a yo ye'n ti.

Mmla'n 15:3

Sɛ sran'n ti aofuɛ'n, i liɛ amun kwla miɛn i kɛ ɔ tannin i kalɛ'n, sanngɛ amun niaan'm be liɛ'n, amun `yaci cɛ be.

Mmla'n 23:18

Nán Izraɛl yasua fi bo tekle. Bla'm be kusu nán man be bo tekle.

Mmla'n 23:22

Sɛ a ta Anannganman i nda kɛ a ´cɛ i like wie'n, nán man ɔ cɛ nan w'a yiɛ i nuan. Sɛ ɔ'a yo-man sɔ'n, Anannganman ɔ Nyanmiɛn'n ɔ usa wɔ nun, kpɛkuun wuun sa tɛ yɛ w'a yo i lɛ-ɔ.

1 Samiɛl 20:16

Zonatan nin David osu'n be tatali be wun nda. Zonatan waan: «Man Anannganman nin David kpɔfuɛ'm be nyɛn.»