Mmla'n 23:18 - NYANMIƐN NDƐ'N 1998

¹⁸ Nán Izraɛl yasua fi bo tekle. Bla'm be kusu nán man be bo tekle.

Mmla'n 23:18 ပူးပေါင်းရင်းမြစ်များ

1 Famiɛn Mun 14:24

Yasua wie'm bɔ be si tekle be o mɛn'n nun. Nvle nga Anannganman fuannin be be bɔbɔ be nyrun'n, be tete sa bɔ be yoli'n yɛ be niannin be su be yoli-ɔ.

Jue Mun 22:16

Min konviabo'n ɔ'a wu kee, min taaman'n ɔ'a mantan min nuan'n klun lɔ kpan. W'a fa min a sie ndia'n i wun koko .

Nyanndra Mun 26:11

Kɛ alua'n kpu gua b'ɔ sɛ i sin di i ekun'n, kɛ sinnglinfuɛ'n kusu ti sɔ-ɔ. I sinnzin sa ng'ɔ yo be'n, ɔ flan be nun yo i ekun.

Ezai 61:8

Afin min Anannganman n klo sa nga be yo i i nuan su'n. N ciliɛ yɛlɛ awie'n nin sa tɛtɛ'm be yolɛ'n. Like nga amun yo'n, m ´man amun i ti akatua ng'ɔ nin i fata'n. E nin amun e ´tra aenguɛ kun b'ɔ ti anannganman.»

Ezekiɛl 16:33

Be tua blɔdɛ bla'm be kwlaa be kalɛ, sanngɛ ɔ liɛ'n, wɔ yɛ a cɛ ɔ soman'm be like-ɔ. A tuali be kalɛ kɛ ɔ ´yo nan b'a ba nan be nin wɔ b'a la'n ti.

Saun Yolɛ 18:22

Nán man amun nin amun wiengu yasua kun be la kɛ be nin bla be fa la'n sa. I sɔ'n ti tete like dan .

Saun Yolɛ 19:29

Kɛ ɔ ko yo nan ɔ mma mmla'm b'a yo-man finfin'n ti, nán kle be tekle silɛ. Sɛ ɔ yo sɔ-ɔ, ɔ cɛ-man nan klɔfuɛ'm b'a nian su b'a yo nan ɔ'a sa nvle wunmuan'n.

Saun Yolɛ 20:13

Sɛ sran yasua kun nin i wiengu sran yasua kun be la kɛ yasua nin bla be fa la'n sa'n, wuun be nnyɔn'n b'a yo sa tɛ dan. Ɔ man i ti ɔ fata kɛ be kun be. Be bɔbɔ yɛ be kunndɛli bé wie nin-ɔn.

Saun Yolɛ 7:16

Sɛ sran kun yi i klun klo bo kun yolɛ i su tɛ man min'n, sɛ wie kusu-ɔ, ɔ tali min nda wie yɛ ɔ yi su tɛ man min'n, tɛ sɔ'm be nnɛn'n, be `di i bue kun cɛn kunngba nga be yili tɛ'n i nun'n, kpɛkuun kɛ i aliɛ'n cɛn'n, be `di i bue kun ng'ɔ ka lɛ'n ekun.

Mise 1:7

I amuɛn'm be kwlaa be nun ´wie bubu. Sa tɛ junman nga i nunfuɛ'm be dili'n i nuan ninnge nga be nyɛnnin i'n, be ´to be guɛ i sin nun. Amuɛn nga be sili tekle yɛ be toli be'n, n ´saci be. Afin i sɔ amuɛn mun'n, tekle bɔ be sili'n, i nuan sika yɛ be fa toli be-ɔ. Ɔ man ninnge sɔ'm be kusu be ´yo tekle uflɛ silɛ nuan akatua.» Anannganman'n yɛ ɔ kan sɔ-ɔ.

Abakik 1:13

Kusu wɔ bɔ a ti saun'n, a kwla nian-man sa tɛ'n. Sɛ be yo sran wie tɛtɛ'n, a kwla tran-man lɛ a fa-man ɔ nyinma a niɛn-mɛn i sa ngbɛn. ?Yɛ wuun nguɛ ti yɛ a nian sa tɛ yofuɛ sɔ'm be aeliɛ'n, bɔ a tɛ-man be su nin-ɔn? ?Kɛ klunwifuɛ'm be ´tra be bɔ be ti nanwlɛfuɛ mun bɔ be ´nunkun be'n, nguɛ ti yɛ a kan-man ndɛ nin-ɔn?

Malasi 1:14

Anannganman b'ɔ sie mɛn wunmuan'n waan: «Gblɛfuɛ nga nnɛn yasua kpa kun wo i nnɛn'm be nun bɔ nnɛn tukpacɛfuɛ nga ɔ'a yo kokloo kain'n yɛ ɔ ti like yɛ ɔ fa man min'n , i yako! Afin n ti famiɛn dan kun, min dunman'n yo sro mɛn wunmuan'n nun!»

Matthieu 7:6

Nán an fa ninnge ng'ɔ ti Nyanmiɛn liɛ'n man alua mun, yɛ nán an fa amun nɛnnglɛnman'n gua kɔkɔti'm be bo man be tiatia be su nan be kpɛ bé nyin amún su be tɔ amún su.»

Mmla'n 12:6

Amún tɛ nga be yra be nnɛn'n kɔlikɔli'n, nin amun sraka mun, nin amun blusu mun, nin amun fie su ninnge klikli mun, nin nda talɛ nuan ninnge mun, nin amun klun klo ninnge nga amun ´fa man'n, ɔ nin amun nannin mun, nin amun bua mun, nin amun boli mun nnɛn sɔ'm be talua ba mun, lɛ yɛ amun `fa be bla-a.

Mmla'n 22:21

man be fɛ i wɔ i si i sua'n nyrun lɔ, nan klɔ'n sufuɛ'm be `finfin i yɛbuɛ be `kun i. Kɛ b'ɔ o i si awlo lɔ bɔ tekle yɛ ɔ bo'n, b'ɔ yo tete sa Izraɛl mɛn'n nun'n, i ti man ɔ wu. Amun `tu sa tɛ'n amun afiɛn kɛ ng'ɔ o lɛ'n sa.

Mmla'n 23:21

Aofuɛ mun yɛ sɛ be usa afɛ amun sa nun'n, amun se be kɛ be su i bo-ɔ. Sanngɛ sɛ amun niaan Izraɛlfuɛ'm be usa afɛ amun sa nun'n, amun lɛ-man atin se-man be kɛ be su i bo. I liɛ'n, Anannganman amun Nyanmiɛn'n ɔ ´yo man junman kwlaa nga amun ´di i lika nga amun ´ko fɛ i lɔ'n nun'n, ɔ ´yo ye amún sa nun.

Filipfuɛ Mun 3:2

An `sasa amún wun be bɔ be ti kɛ alua sa bɔ be yo sa tɛtɛ'n, bɔ be wla klɛn bé kplo'n su ngbɛn'n be lika.

2 Piɛr 2:22

Sa nga be yoli'n, ɔ man nyanndra nga be bu se kɛ: «Alua'n ɔ'a sɛ i sin a ko di like ng'ɔ kpuli'n.», yɛ: «Kɔkɔti'n bɔ be wunnzinnin i'n ɔ'a sɛ i sin a ko bo i nnɔtiɛ'n ekun'n .», ɔ ti nanwlɛ.

Sa nglô yile 22:15

Be nga be ti kɛ alua sa'n, be nin baefuɛ mun'n, nin bian nin bla kunndɛfuɛ mun'n, nin sran kunfuɛ mun'n, nin amuɛn sɔfuɛ mun'n, nin be kwlaa nga be bua ato'n, bɔ be yo gblɛgblɛ sa mun'n, be lika liɛ'n yɛlɛ klɔ'n sin lɔ.