Mmla'n 23:17 - NYANMIƐN NDƐ'N 1998

¹⁷ Man ɔ tran amún wun lɛ, man ɔ sike lika ng'ɔ klo kɛ ɔ sike lɛ'n, man ɔ tran klɔ ng'ɔ klo kɛ ɔ ´tran su'n su. Nán amun yo i tɛtɛ.

Mmla'n 23:17 ပူးပေါင်းရင်းမြစ်များ

1 Famiɛn Mun 14:24

Yasua wie'm bɔ be si tekle be o mɛn'n nun. Nvle nga Anannganman fuannin be be bɔbɔ be nyrun'n, be tete sa bɔ be yoli'n yɛ be niannin be su be yoli-ɔ.

1 Famiɛn Mun 15:12

Ɔ kannin be nga be si tekle'n be bo mɛn sɔ'n nun, yɛ ɔ guali amuɛn nga i nannan'm be yoli'n be kwlakwla be blo .

1 Famiɛn Mun 22:46

Zozafat i wun ndɛ'n i onga'n, ɔ nin ninnge ng'ɔ fa yakpa yoli be'n, ɔ nin alɛ ng'ɔ kunnin be'n, i kwlakwla ti klɛwa Zida famiɛn'm bé wun ndɛ fluwa'n nun.

2 Famiɛn Mun 23:7

Ɔ bubuli yasua bɔ be si tekle ɔ nin bla bɔ be wu tralɛ be man waka nga be sɔ i'n bé sua bɔ be mantan Anannganman i sua'n mun.

Zɔb I Nyrɛnnɛn Wunlɛ 36:14

Kpɛkuun b'a kpɛ kpo b'a wu be gbanflɛn'n nun kɛ tekle bofuɛ'm be fa wu'n sa.

Nyanndra Mun 2:16

I liɛ'n, a su yaci-man bla wie lɛ ɔ su lakalaka-man wɔ. Bla nuan nun ndɛ nɛnkɛn-nɛnkɛn wie su lakalaka-man wɔ.

Ndɛ Nga Nyanmiɛn I Nuan Ijɔfuɛ Oze Kannin'n 4:14

Ɔ man amun mma mmla nga be sili tekle'n, n su yo-man be sa fi, amun sewi nga be kunndɛli be wiengu'm bé wun mun'n, n su yo-man be sa fi. Amun yɛ e nin amun y'a nyɛn i-ɔ. Afin amun yasua'm be bɔbɔ yɛ amun cuɛn mmla'm be kɔ klɛ nun, yɛ ninnge nga amun fa man amuɛn mun'n yɛ amun nin tekle nga be o sua'm be nun'n be di-ɔ. Be bu be nyanndra be se kɛ: «Nvle nga ngwlɛlɛfuɛ nun-man nun'n, i sɔ nvle liɛ'n ti mlinfuɛ.»

Saun Yolɛ 19:29

Kɛ ɔ ko yo nan ɔ mma mmla'm b'a yo-man finfin'n ti, nán kle be tekle silɛ. Sɛ ɔ yo sɔ-ɔ, ɔ cɛ-man nan klɔfuɛ'm b'a nian su b'a yo nan ɔ'a sa nvle wunmuan'n.

1 Korɛntfuɛ Mun 6:9

An si-man kɛ Nyanmiɛn su sie-man sa tɛtɛ yofuɛ'm be mlɔnmlɔn? Nán an laka amun wun, afin bla annzɛ bian kunndɛfuɛ mun, nin amuɛn sɔfuɛ mun, nin yasua bɔ be kunndɛ bla be yi bo annzɛ bla bɔ be kunndɛ bian be wun bo'n, nin yasua bɔ be kunndɛ be wiengu yasua'n,

Mmla'n 22:21

man be fɛ i wɔ i si i sua'n nyrun lɔ, nan klɔ'n sufuɛ'm be `finfin i yɛbuɛ be `kun i. Kɛ b'ɔ o i si awlo lɔ bɔ tekle yɛ ɔ bo'n, b'ɔ yo tete sa Izraɛl mɛn'n nun'n, i ti man ɔ wu. Amun `tu sa tɛ'n amun afiɛn kɛ ng'ɔ o lɛ'n sa.

Mmla'n 22:29

man sran ng'ɔ nin i be lali'n, ɔ `fa jɛtɛ mma ablenun man talua'n i si'n. Man ɔ `ja bla'n. Kɛ ɔ nin i lali kekle nun'n ti, kɛ b'a ja lɛ'n yɛ b'a ja-a, ɔ yaci i-ɔ ɔ yo-man ye.

1 Timote 1:10

nin bla nin bian kunndɛfuɛ mun, nin yasua nga be kunndɛ be wiengu yasua'n, nin be nga be tra sran ndɔlɛ'n, nin atofuɛ mun, nin be nga be tɔn sran suɛn'n, ɔ nin be kwlaa nga be yo sa nga b'ɔ nin sa nga be kle be kɛ be yo'n ɔ ti-man kun'n.

Jɔlɛ Difuɛ Mun 19:22

Be o lɛ be bo nzɛmunndɛ kpɛkuun klɔ nun sran finfinfuɛ'm b'a bo b'a sin b'a yia sua'n. Kɛ be ´ti'n, be su bobo anuan'n. Be seli bian kpɛnngbɛn bɔ i liɛ yɛlɛ sua'n kɛ: «Bian nga a sikeli i'n, fɛ i fite wa man e nin i e la.»