Mmla'n 23:16 - NYANMIƐN NDƐ'N 1998

¹⁶ Sɛ sran wie i kanga'n ɔ wanndi ɔ ba amun mɛn'n nun wa'n nan ɔ wa talo amun'n, nán amun trɛ i mɛn i min'n.

Mmla'n 23:16 ပူးပေါင်းရင်းမြစ်များ

Ezipt Lɔ Tulɛ'n 22:21

Nán amun yo angboti bla nin aika'm be tɛtɛ.

Ezipt Lɔ Tulɛ'n 23:9

Nán kle aofuɛ bɔ be tran amun afiɛn'm be yalɛ. Afin amun si aofuɛ yolɛ'n i nun ndɛ'n kwlaa yɛlɛ kɛ amun bɔbɔ amun yoli aofuɛ Ezipt mɛn'n nun lɔ.»

Nyanndra Mun 22:22

Nán nian kɛ yalɛfuɛ'n lɛ-man sran'n ti de i wun ninnge mun. Sran b'ɔ lɛ-man wie'n, bɔ sɛ jɔlɛ diwlɛ lɔ be su di i ndɛ kwlɛ'n nán jran bé sin.

Zeremi 7:6

sɛ an yo-man aofuɛ nin aika ba, ɔ nin angboti bla'm be tɛtɛ'n, sɛ an yaci sran nga b'a yo-man sa'm be kunlɛ lika nga nun wa'n,

Zakari 7:10

Nán an kle aika mma nin bla nga be ti angboti'm be yalɛ. Nán an kle aofuɛ nin yalɛfuɛ'm be yalɛ. Nán amun bu amun wiengu wun akunndan tɛ.»

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Jacques 2:6

Sanngɛ amun liɛ'n, an bu-man yalɛfuɛ'm be sran. ?Nán anyanbeunfuɛ mun yɛ be mianmian amun be fa amun kɔ jɔlɛ difuɛ'm be ja su nin-ɔn?