Mmla'n 23:15 - NYANMIƐN NDƐ'N 1998

¹⁵ Man amun ngblaliɛ'n yo saun, afin Anannganman amun Nyanmiɛn'n nin amun yɛ ɔ o lɛ-ɔ. I yɛ ɔ sasa amun-ɔn, i yɛ ɔ yo man amun nyan kwlalɛ amun kpɔfuɛ'm bé su-ɔ. Sɛ ɔ wun like ng'ɔ yo-man nyɛnmɛn'n, ɔ ´jaso amún sin.

Mmla'n 23:15 ပူးပေါင်းရင်းမြစ်များ

Jue Mun 78:65

Kpɛkuun e min'n wa jasoli kɛ sran b'ɔ su lafi yɛ ɔ'a jaso sa, ɔ jasoli kɛ safunyrɛn wie bɔ ɔ'a nɔn nzan ɔ'a bo yɛ ɔ'a titi i nyin su sa.

Ezai 12:6

Siɔnfuɛ mun, amun klun b'ɔ ti jɔwa'n nin amun wun b'ɔ kpaja amun'n ti, amun `bo sro. Afin Izraɛl Nyanmiɛn'n b'ɔ wo amun afiɛn'n ɔ ti kpli!

Ezai 33:21

Lɛ yɛ Anannganman wa kle e kɛ ɔ ti dan sakpa nin-ɔn. Nzue ba kanngan mun nin nzue ba dandan'm be ´tran lɛ. Mmeli bɔ be fa tɛbua be fa kan'n be su sin-man be su. Mmeli ngbli-ngbli'm be su sin-man lɛ.

Saun Yolɛ 26:12

E nin amun e ´nanti. N ´yo amun Nyanmiɛn, yɛ amun kusu amun ´yo min sran.

Abdias 1:14

?Ɔ fata kɛ be nga be ´wanndi'n, amun ko sa anngɔnda'm be su kun be? ?I sɔ nyrɛnnɛn blɛ liɛ'n be nga be fin nun fiteli'n, ɔ fata kɛ amun tra be fa man be kpɔfuɛ mun?

Abakik 1:13

Kusu wɔ bɔ a ti saun'n, a kwla nian-man sa tɛ'n. Sɛ be yo sran wie tɛtɛ'n, a kwla tran-man lɛ a fa-man ɔ nyinma a niɛn-mɛn i sa ngbɛn. ?Yɛ wuun nguɛ ti yɛ a nian sa tɛ yofuɛ sɔ'm be aeliɛ'n, bɔ a tɛ-man be su nin-ɔn? ?Kɛ klunwifuɛ'm be ´tra be bɔ be ti nanwlɛfuɛ mun bɔ be ´nunkun be'n, nguɛ ti yɛ a kan-man ndɛ nin-ɔn?

Sofoni 3:17

Anannganman amun Nyanmiɛn'n jin amun sin. Ɔ lɛ wunmiɛn, ɔ ´yo man amun ´kwla. I klun ti jɔwa dan amun wun, klolɛ b'ɔ klo amun'n ti, amun ´sin amun osu laa'n nun. Amun dunman nun ɔ ´bo sro, ɔ ´si able

Kalɛ 5:3

Sɛ ɔ wie yasua o, sɛ bla o, man be kan bé bo, kɛ ɔ ´yo nan nanmue bɔ min Nyanmiɛn'n n wo nun'n ɔ'a yo-man fiɛn'n ti.

Mmla'n 23:16

Sɛ sran wie i kanga'n ɔ wanndi ɔ ba amun mɛn'n nun wa'n nan ɔ wa talo amun'n, nán amun trɛ i mɛn i min'n.

1 Samiɛl 30:15

David seli i kɛ: «Yaci ko kle ye kan alɛ kunfuɛ sɔ'm be o'n.» Yɛ Eziptfuɛ'n seli i kɛ: «Sɛ a ta min nda Nyanmiɛn dunman nun kɛ a su kun-man min'n nan a su fa-man min ko wlɛ-mɛn min min i sa nun'n, n ´ko kle wɔ kan be o'n.»