Mmla'n 23:11 - NYANMIƐN NDƐ'N 1998

¹¹ Sɛ amun nun kun i wun nzue gua kɔnguɛ'n, wuun fiɛn ɔ'a kɛn i, nán man ɔ tran amun ngblaliɛ'n nun lɛ, man ɔ fite.

Mmla'n 23:11 ပူးပေါင်းရင်းမြစ်များ

Jue Mun 51:7

Nian, sa tɛ nun yɛ be wuli min-ɔn, afin sa tɛ nun yɛ min nin wunnzɛli min-ɔn .

Ezekiɛl 36:25

N ´fa nzue klengle kpa n gua amún su, yɛ amun ´yo yɛiin. N ´salo amun fiɛn'n kwlaa yɛ n ´yi amun amuɛn sɔlɛ nzuɛn'n.

Saun Yolɛ 11:25

Sran kwlaa nga b'ɔ sua nnɛn sɔ'm be fuɛn'n, man ɔ kpu i wun tralɛ mun. I kusu kɛ ɔ ko suɛ i sɔ'n, lele b'ɔ ´fa ju nnɔsua'n, wuun fiɛn tɛ o i wun.

Saun Yolɛ 14:9

I cɛn nso'n su'n, ɔ `yi i wun ndrɛ mun ekun, ɔ `yi be ngba'n: i ti nin o, i akanza nin o, i nyinma sin ndrɛ nin o. I sin ɔ `kpu i wun ninnge mun nan ɔ `fa nzue wunnzin. Kɛ ɔ ko yo i sɔ'n, wuun i wun ɔ'a sa.

Saun Yolɛ 15:11

Sɛ loliɛfuɛ'n ɔ'a wunnzin-mɛn i sa nun'n, sran kwlaa ng'ɔ fɛ sa kɛn i'n, ɔ fata kɛ i sɔfuɛ'n kpu i wun tralɛ mun, yɛ man i bɔbɔ'n wunnzin. Sanngɛ lele b'ɔ ´fa ju nnɔsua'n, wuun ɔ tɛ o fiɛn'n nun.

Saun Yolɛ 15:13

Sɛ i sɔ loliɛ liɛ'n ko wie b'ɔ bu-man nzue kun'n, bɔ loliɛ sɔ'n i ti yɛ ɔ ti kɛ sran'n o fiɛn nun'n, sɛ ɔ ko kpɛ'n, man ɔ minndɛ le mɔcuɛ kun nan fiɛn'n ɔ'a tu i wun. I cɛn nso'n su'n, ɔ `kpu i wun ninnge mun. Ɔ `fa nzue nga be ko sɛli i nzue ti kun nun'n ɔ `wunnzin. Kɛ ɔ ko yo i sɔ'n, wuun fiɛn'n ɔ'a tu i wun.

Saun Yolɛ 15:16

Sɛ sran yasua kun i wun nzue ɔ gua sa ngbɛn'n, ɔ fata kɛ i bɔbɔ wunmuan'n ɔ wunnzin, sanngɛ lele'n b'ɔ ´fa ju nnɔsua'n, wuun ɔ tɛ o fiɛn'n nun.

Saun Yolɛ 15:5

Sran nga b'ɔ ko kɛn i sɔ bɛ liɛ'n, wuun ɔ'a kan fiɛn. I sɔ'n ti ɔ fata kɛ ɔ kpu i wun tralɛ mun yɛ ɔ wunnzin, sanngɛ lele b'ɔ ´fa ju nnɔsua'n, wuun ɔ tɛ o fiɛn'n nun.

Saun Yolɛ 22:6

sran ng'ɔ kɛn i sɔ ninnge liɛ mun'n, i lele b'ɔ ´fa ju nnɔsua'n, wuun fiɛn tɛ o i wun. A ´wun kɛ i nuan ɔ ´kan ninnge nga be mannin min'n wie'n, wuun i bɔbɔ wunmuan'n ɔ'a wunnzin.

Matthieu 3:11

N liɛ'n, n yo amun batɛm nzue'n nun kɛ an `kaci amun nzuɛn'n, sanngɛ sran ng'ɔ o siɛn b'ɔ su ba'n, ɔ lɛ tinmin tra min. Min nin i ngbabua'n i sualɛ fata-man. I liɛ'n, ɔ wa fa Nyanmiɛn Wawɛ'n nin sin yo amun batɛm.

Mmla'n 23:10

Sɛ amun nin amun kpɔfuɛ mun amun ´ko kun'n nan sɛ amun kpɛ amun ngblaliɛ'n, nán amun yo man like fiɛn wie fi kan amun.

Mmla'n 23:12

Nnɔsua nun'n, man ɔ sa nzue wunnzin, kɛ wia'n ko tɔ'n, wuun ɔ su sɛ i sin ba.

Hébreu 10:22

I sɔ'n ti'n, man e fa é wun mantan Nyanmiɛn. Kɛ e ´yo sɔ'n, nán man akunndan tɛ tran e klun, man e lafi i su kpa, afin ɔ man é wun sa'n b'ɔ man e klun titi ye'n ɔ wieli, yɛ ɔ fa nzue klengle wunnzinnin e .

1 Piɛr 3:21

Nzue sɔ'n ti batɛm b'ɔ man amu'an nyan amún ti ndɛ'n i nzɔliɛ. Nán kɛ ɔ wunnzin amun wunnɛn'n su fiɛn-ɔn, sanngɛ ɔ man e srɛ Nyanmiɛn kɛ nán man e klun titi ye kun. Jésus-Krist i cɛnlɛ'n ti yɛ e nyannin é ti-ɔ.