Mmla'n 22:9 - NYANMIƐN NDƐ'N 1998

⁹ Nán fa like uflɛ ta ɔ vinyi fie nun, sɛ ɔ'a yo-man sɔ'n, fie'n nun ninnge'n ngba ´yo Anannganman liɛ, i vinyi mma o, i like nga a fa tali i vinyi fie'n nun'n nin o.

Mmla'n 22:9 ပူးပေါင်းရင်းမြစ်များ

Saun Yolɛ 19:19

Amun `di mmla yɛ'm bé su ekun: nnɛn nga amun ta be'n, nga bɔ be wafa ti ngunmin ngunmin'n, nán amun yo man be fu be wiengu. Ninnge nga be ti-man wafa kun'n, nán amun lua be fie kunngba'n su. Tralɛ nga be fa jese wafa nnyɔn yɛ be wuli'n, nán amun wla.

Matthieu 6:24

«Sran kun i min kwla yo-man nnyɔn, san ɔ ´kpɔ kun yɛ ɔ ´klo kun, ɔ ´fɛ i wun mantan kun yɛ ɔ ´yo kun finfin. An kwla yo-man Nyanmiɛn i sran nan amun kunngba'n amu'an yo sika'n i klofuɛ.

Matthieu 9:16

Sran fi fa-man tannin sin uflɛ bɔ be nian kpu-mɛn le'n ta-man tralɛ nvuɛn nun, afin sɛ be fa ta nun sɔ'n, ɔ ´cuɛn-cuɛn tannin nvuɛnfuɛ'n ɔ ´titi, yɛ i titilɛ'n ɔ ´yo tɛ tra laa'n.

Rɔmfuɛ Mun 11:6

Nán sa nga be yoli'n ti yɛ ɔ fali be sɔ-ɔ, sanngɛ i klun-ufue'n ti yɛ ɔ yoli sɔ-ɔ. Afin sɛ like nga be yo'n ti yɛ ɔ fali be'n, wuun nán i klun-ufue'n ti-ɔ.

2 Korɛntfuɛ Mun 1:12

Sa nga ti yɛ e di é nuan'n yɛ: e si e klun lɔ kpa kɛ nantilɛ wafa nga e fa nanti mɛn nun'n, e nanti i sɔ kpa amun nyrun tra su. E nuan nun ti-man nnyɔn-nnyɔn, Nyanmiɛn man e di nanwlɛ. Nán klɔ sran ngwlɛlɛ bɔ e si'n ti yɛ man e yo sɔ-ɔ, sanngɛ Nyanmiɛn yɛ ɔ jran é sin yɛ man e yo sɔ-ɔ.

2 Korɛntfuɛ Mun 11:3

Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

Mmla'n 22:8

Sɛ amun kplan sua uflɛ'n, amun kplan talɛ kaan kun i ti su aunngban fawlɛ i nuan su tɛɛn man ɔ sin yiɛ i. Ɔ'a yo-man sɔ'n, sɛ sran wie flo lɔ tɔ ɔ wu'n, kpɛkuun be ´se kɛ wɔ yɛ a kunnin i-ɔ.

Jacques 3:10

Nyanmiɛn manmanlɛ'n nin amuɛnnwua'n be fin nuan kunngba sɔ'n nun. N niaan mun, nán man ɔ yo sɔ.