Mmla'n 22:8 - NYANMIƐN NDƐ'N 1998

⁸ Sɛ amun kplan sua uflɛ'n, amun kplan talɛ kaan kun i ti su aunngban fawlɛ i nuan su tɛɛn man ɔ sin yiɛ i. Ɔ'a yo-man sɔ'n, sɛ sran wie flo lɔ tɔ ɔ wu'n, kpɛkuun be ´se kɛ wɔ yɛ a kunnin i-ɔ.

Mmla'n 22:8 ပူးပေါင်းရင်းမြစ်များ

2 Samiɛl 11:2

Le kun nnɔsua wia'n nun David jasoli i bɛ'n su, ɔ ɔli i sua'n i ti gbagblagba'n su lɔ, ɔ ɔli nanti-nantilɛ kanngan. Kɛ ɔ o nglo lɔ'n, ɔ ´nian-an, bla kun su wunnzin. Bla sɔ'n ti klanman kpa.

Ezipt Lɔ Tulɛ'n 22:6

Sɛ sran kun man i wiengu kun sika annzɛ like kpa wie kɛ ɔ `sie, nan awiefuɛ kun wa wua sika sɔ'n annzɛ like sɔ'n sran'n i sua'n nun'n, sɛ be tra awiefuɛ'n, man ɔ yi sika'n annzɛ like'n i wunsu kpɛ nnyɔn fa mɛn i fuɛ'n.

Ezai 22:1

Sa b'ɔ ´ju Kongo nga be wun aolia nun ninnge'm be lɔ'n i su'n. ?Zerizalɛmfuɛ mun, nguɛ ti yɛ amun kwlakwla amun fu sua'm be su-ɔ,

Zeremi 19:13

«Zerizalɛm awlo mun nin Zida famiɛn'm be awlo mun be wa yo fiɛn kɛ Tɔfɛt lika'n sa. Sua nga be fu bé ti su lɔ be yra ansans man nzraama mun bɔ be gua nzan man ninnge mun'n, be kwlakwla be ´yo fiɛn .»

Ezekiɛl 3:18

Sɛ n se sa tɛ yofuɛ kun kɛ ɔ su wa wu'n, sɛ w'a kan kle-mɛn i'n, sɛ w'a se-mɛn i kɛ ɔ kaci i nzuɛn tɛ'n nan ɔ'a fite nun'n, sa tɛ yofuɛ sɔ'n ɔ ´wu i sa tɛ'n nun. Sɛ ɔ wu i sa tɛ'n nun kusu'n, e nin wɔ e lɛ i.

Ezekiɛl 3:20

Sɛ sran kpa kun yaci sa kpakpa'm be yolɛ nan ɔ yo sa tɛtɛ mun'n, n ´suɛ i bo aya, kpɛkuun ɔ ´wu. Sɛ w'a se-mɛn i kɛ ɔ `kaci i sa'n, ɔ ´wu i sa tɛ nun. I sa kpakpa ng'ɔ yoli be laa'n, mín wla su kpɛn-man bé su kun. Yɛ wɔ yɛ e nin wɔ e lɛ i-ɔ.

Matthieu 10:27

Ndɛ nga n kan kle amun aosin nun'n, an `kɛn wia nun, yɛ ndɛ nga be tu i aswre kle amun'n, an `ko bo i ndolo.

Marc 2:4

Kɛ sran'm be ti be kwla fɛ-mɛn i wlu-man sua lɔ'n, be kpali sua'n i lika nga Jésus o lɛ'n i ndɛnman sɛsɛsɛ, nan b'a fa tɛ nga bubuwafuɛ'n la nun'n b'a jrɛ i toklo sɔ'n nun.

Sa nga bé yôli'n 10:9

Kɛ aliɛ cɛnnin'n, be fali atin'n. Kɛ be ´mantan klɔ nuan lɔ'n, wuun Piɛr kusu ɔ'a fu sua i ti gbagblagba'n su kɛ ɔ ko koko yalɛ kle Nyanmiɛn. Kɛ ɔ ´yo sɔ'n, wuun wia'n su wa jran.

Rɔmfuɛ Mun 14:13

I sɔ'n ti'n, nán man e kan e wiengu wun ndɛ kun, sanngɛ an `bu akunndan, nán an yo sa ng'ɔ saci amun niaan b'ɔ man ɔ ´yo sa tɛ'n.

1 Korɛntfuɛ Mun 10:32

Nán an saci Grɛk mun nin Zuif mun, nin Nyanmiɛn i Asɔnun'n.

Mmla'n 22:7

Sɛ ɔ waan a fɛ i mma mun'n, a ko fa be sanngɛ yaci be nin'n i nun man ɔ wɔ. Sɛ a yo sɔ'n, ɔ wun ɔ ´jɔ wɔ fɔuun yɛ ɔ nguan nyanman'n ɔ ´yo tɛnndɛn.

Mmla'n 22:9

Nán fa like uflɛ ta ɔ vinyi fie nun, sɛ ɔ'a yo-man sɔ'n, fie'n nun ninnge'n ngba ´yo Anannganman liɛ, i vinyi mma o, i like nga a fa tali i vinyi fie'n nun'n nin o.

Filipfuɛ Mun 1:10

I sɔ'n nun, amun ´wun like nga be ti kpa'm be wlɛ, yɛ Krist balɛ cɛn nun'n be su wun-man sa tɛ kaan sa amún wun, ɔ man be su kputu-man amun.

1 Tɛsalonikfuɛ Mun 5:22

an `nian amun wun sa tɛtɛ'n kwlaa be lika.

1 Samiɛl 9:25

Be fɛli i sraka yiwlɛ lika'n sɔ'n su lɔ jrali, nan ɔ nin Samiɛl b'a koko yalɛ sua'n i ti gbagblagba'n su.