Mmla'n 22:22 - NYANMIƐN NDƐ'N 1998

²² Sɛ yasua kun kunndɛ bla kun b'ɔ lɛ bian'n nan be ko fite bé su'n, man be kun be sran nnyɔn'n, bian ng'ɔ kunndɛ bla'n nin o, bla'n nin o. Amun `tu sa tɛ'n Izraɛl mɛn'n nun kɛ ng'ɔ o lɛ'n sa.

Mmla'n 22:22 ပူးပေါင်းရင်းမြစ်များ

2 Samiɛl 11:5

Bat-seba wa wunnzɛli yɛ ɔ sunmannin sran kɛ ɔ ko se David kɛ ɔ'a wunnzɛ.

Ezekiɛl 16:38

Fɔ nga be fa tu bla nga be kunndɛ bian bé wun bo'n, nin nga be gua mmoja ase'n yɛ n ´fa tu wɔ-ɔ. Ɔ wunnɛn'n kwlaa ɔ ´yo mmoja, afin n ´fa ya, yɛ n ´tu min klunngbɔ'n ɔ su .

Saun Yolɛ 20:10

Sɛ sran kun kunndɛ i wiengu kun yi'n, ɔ fata kɛ be kun be nnyɔn'n bɔ be yoli sa'n .

Matthieu 5:27

«Amun tili i kɛ be seli kɛ: ‹Nán kunndɛ bla ɔ́ yi bo annzɛ bian ɔ́ wun bo .›

Matthieu 5:28

Sanngɛ n liɛ'n, n ´kan kle amun kɛ, sran kwlaa ng'ɔ wun bla kun b'ɔ bu i kunndɛlɛ akunndan i anwlɛn nun'n, wuun ɔ'a kunndɛ bla sɔ'n.

1 Korɛntfuɛ Mun 6:9

An si-man kɛ Nyanmiɛn su sie-man sa tɛtɛ yofuɛ'm be mlɔnmlɔn? Nán an laka amun wun, afin bla annzɛ bian kunndɛfuɛ mun, nin amuɛn sɔfuɛ mun, nin yasua bɔ be kunndɛ bla be yi bo annzɛ bla bɔ be kunndɛ bian be wun bo'n, nin yasua bɔ be kunndɛ be wiengu yasua'n,

Mmla'n 17:7

Sɛ ɔ ti i kunlɛ'n, lalofuɛ'm be yɛ be `dun mmua fin i yɛbuɛ nan sran'm be kwlaa b'a fin i wie-ɔ. Amun `yi sa tɛ'n amun afiɛn kɛ ng'ɔ o lɛ'n sa.

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.