Mmla'n 22:21 - NYANMIƐN NDƐ'N 1998

²¹ man be fɛ i wɔ i si i sua'n nyrun lɔ, nan klɔ'n sufuɛ'm be `finfin i yɛbuɛ be `kun i. Kɛ b'ɔ o i si awlo lɔ bɔ tekle yɛ ɔ bo'n, b'ɔ yo tete sa Izraɛl mɛn'n nun'n, i ti man ɔ wu. Amun `tu sa tɛ'n amun afiɛn kɛ ng'ɔ o lɛ'n sa.

Mmla'n 22:21 ပူးပေါင်းရင်းမြစ်များ

Bo Bolɛ 34:7

Kɛ Zakɔb i mma yasua'm be fin blo lɔ bali bɔ be tili sa nga Sisɛm yoli'n, ɔ'a yo-man be fɛ mlɔnmlɔn. Afin wafa nga Sisɛm nin Zakɔb i wa bla'n be lali'n, nán i atin su-ɔ. Ɔ ti tete yɛ ɔ'a bo i Izraɛl mɛn'n nun-ɔn, i ti be fali ya dan kpa.

Bo Bolɛ 38:24

Anglo ko yo nsan kun sinnin kpɛkuun be wa seli Zida kɛ: «Ɔ sewi Tamar yoli i wun kɛ tekle bla sa, ɔ nin bian be lali nan ɔ'a wunnzɛ.» Zida waan: «Be `fɛ i be bla, be `trɔ i wun sin man ɔ wu.»

Saun Yolɛ 19:29

Kɛ ɔ ko yo nan ɔ mma mmla'm b'a yo-man finfin'n ti, nán kle be tekle silɛ. Sɛ ɔ yo sɔ-ɔ, ɔ cɛ-man nan klɔfuɛ'm b'a nian su b'a yo nan ɔ'a sa nvle wunmuan'n.

Saun Yolɛ 20:2

ɔ `kan ndɛ yɛ mun kle Izraɛlfuɛ mun. I waan: «Sɛ Izraɛlfuɛ kun, sɛ wie kusu-ɔ aofuɛ wie b'ɔ tran Izraɛl wa'n ɔ fɛ i wa kun ko yi tɛ man amuɛn nga be flɛ i Mɔlɔk'n, ɔ fata kɛ be kun i sɔ sran liɛ'n. Man mɛn mma'm be finfin i yɛbuɛ be kun i.

Saun Yolɛ 21:9

Sɛ min nyrun jranfuɛ kun i wa bla bo tekle saci i bɔbɔ i dunman'n, wuun i si'n yɛ ɔ'a saci i dunman-an. I sɔ'n ti ɔ fata kɛ be yrɛ i sɔ ba bla liɛ'n mɔnnɛn mɔnnɛn.

Saun Yolɛ 24:16

Sran kwlaa nga i nuan tɛ to min'n, ɔ fata kɛ be kun i: man Izraɛlfuɛ'm be toto yɛbuɛ be fin i be kun i. Sɛ ɔ ti aofuɛ o, sɛ ɔ ti Izraɛl ba o, kɛ i nuan tɛ ɔ'a to min'n, i ti be `kun i.

Saun Yolɛ 24:23

Sa nga Anannganman waan Izraɛlfuɛ'm be yo'n, Moiz kan kleli be. Be kusu be niannin su be yoli i su sa'n. Ɔ man be fali ba yasua'n be ɔli nanmue'n i sin lɔ. Be finfinnin i yɛbuɛ nan b'a kun i.

1 Korɛntfuɛ Mun 5:13

Be bɔ be nin ye ti-man kun'n, Nyanmiɛn yɛ ɔ nin be lɛ i-ɔ. An `kan sa tɛ yofuɛ'n i bo amun nun lɛ .

Mmla'n 13:10

Amun `finfin i sɔ sran'm be yɛbuɛ be `kun be. Sran nga be lɛkɛ i'n yɛ ɔ dun mmua fin be yɛbuɛ-ɔ, yɛ sran'm be nian su finfin be wie kun be.

Mmla'n 13:5

Anannganman amun Nyanmiɛn'n yɛ amun `su i-ɔ. Amun nyin `yi i, amun `fɛ i mmla'm bé su, amun `tie i aniɛn'n, amun `su i, yɛ amun `fa amún wun mɛntɛn i kpa.

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 17:5

sɛ ɔ ti yasua o, sɛ ɔ ti bla o, amun `fɛ i wɔ klɔ'n i anuan nun lɔ, nan amun `finfin i yɛbuɛ man ɔ wu.

Mmla'n 17:7

Sɛ ɔ ti i kunlɛ'n, lalofuɛ'm be yɛ be `dun mmua fin i yɛbuɛ nan sran'm be kwlaa b'a fin i wie-ɔ. Amun `yi sa tɛ'n amun afiɛn kɛ ng'ɔ o lɛ'n sa.

Mmla'n 19:19

sa nga i waan ɔ ´tɔn i niaan'n i suɛn nan be `fa yo i'n, yɛ be `fa yo i bɔbɔ-ɔ. Amun `yo man sa tɛ'n tu amun afiɛn kɛ ng'ɔ o lɛ'n sa.

Mmla'n 21:21

Kpɛkuun man klɔ'n su sran'm be kwlaa be finfin i yɛbuɛ be kun i. Amun `tu sa tɛ'n amun afiɛn kɛ ng'ɔ o lɛ'n sa. Izraɛlfuɛ'm be kwlaa be ´ti, kpɛkuun srɛ ´kun be.

Mmla'n 22:22

Sɛ yasua kun kunndɛ bla kun b'ɔ lɛ bian'n nan be ko fite bé su'n, man be kun be sran nnyɔn'n, bian ng'ɔ kunndɛ bla'n nin o, bla'n nin o. Amun `tu sa tɛ'n Izraɛl mɛn'n nun kɛ ng'ɔ o lɛ'n sa.

Mmla'n 22:24

amun `fa be sran nnyɔn'n be wɔ klɔ'n i anuan'n nun lɔ, amun `finfin be yɛbuɛ man be wu. Talua'n i kunlɛ liɛ'n, i bo yɛlɛ kɛ ɔ'a kpan-man man klɔ'n nunfuɛ'm b'a ti-man. Yasua'n i liɛ'n yɛlɛ kɛ ɔ'a sokpa i wiengu kun i bla'n bɔ ɔ'a trɛ i ase'n. Amun `tu sa tɛ'n amun afiɛn kɛ ng'ɔ o lɛ'n sa.

Jɔlɛ Difuɛ Mun 19:23

Bian'n fiteli gua su lɔ nan ɔ'a se be kɛ: «Aniaan mun, n ´srɛ amun kpa ti-ɔ, nán amun yo sa tɛ nga. Kɛ bɔ bian'n ɔ'a wlu min awlo'n ti, nán amun bo tete nga.

Jɔlɛ Difuɛ Mun 20:10

nan e ka Izraɛl akpasua'n su sran'm be ngba. Kɛ e ka sran blu'n, e `yi sran kun, kɛ e ka sran ya'n, e `yi sran blu, kɛ e ka sran akpi'n, e `yi sran ya, kɛ e ka sran akpi blu'n (10.000), e `yi sran akpi. I sɔ sran'm be ´ko kunndɛ like diwa blɛ nzrafuɛ nga b'a yia yɛ'n. Kɛ be ju wa cɛ'n, e ´tu Bɛnzamɛn klɔ nga be flɛ i Gibea'n i nunfuɛ'm be fɔ tete bɔ be boli i Izraɛl nvle nun'n ti.»

Jɔlɛ Difuɛ Mun 20:5

Gibeafuɛ'm be jasoli mín wun. Be wa bo sin yiali sua nga n la nun'n kɔnguɛ. Kunlɛ li yɛ be waan be ´kun min-ɔn. Be nin min soman'n be lali kekle nun lele ɔ wuli.

Jɔlɛ Difuɛ Mun 20:6

N fali min soman'n, n kpɛkpɛli i nun, n fɛli i nnɛn'n n ko cɛcɛli Izraɛl nvle'n kwlaa nun afin sa nga be yoli'n ti tɛ. Be boli tete Izraɛl nvle'n nun.