Mmla'n 21:3 - NYANMIƐN NDƐ'N 1998

³ Kpɛkuun man klɔ ng'ɔ mantan fuɛn'n i koko'n i su kpɛnngbɛn'm be fa nannin bla kun bɔ be nian fa di-man junman le, bɔ be nian sie-mɛn i kɔmin su waka le'n.

Mmla'n 21:3 ပူးပေါင်းရင်းမြစ်များ

Zeremi 31:18

N tili kokolɛ nga Efraim koko se kɛ: ‹A tuli ye fɔ. A tuli ye fɔ kɛ be tu nannin gbanflɛn bɔ i nyin yi-man sran'n i fɔ'n sa. Fa e sa é sin ɔ́ wun, yo man e sa é sin, afin Anannganman, wɔ yɛ a ti e Nyanmiɛn-ɔn.

Kalɛ 19:2

amun `kan kle Izraɛlfuɛ'm be kɛ be `kunndɛ nannin bla ɔkwlɛ bɔ lɛ fi nun-mɛn i wun b'ɔ nian sua-man kɔmin su waka le'n,

Mmla'n 10:8

I blɛ sɔ'n nun yɛ Anannganman sieli Levi akpasua'n sufuɛ'm be ngunmin kɛ be `sua i alaka nin-ɔn. I waan be jrɛn i nyrun be `su i. Yɛ i waan be `fɛ i dunman'n be yra sran'm be nguan. Lele ndɛ be tɛ di i sɔ junman mun.

Mmla'n 21:2

man amun klɔ kpɛnngbɛn mun nin jɔlɛ difuɛ'm be wɔ be ko sunnzun kan fuɛn'n la lɛ'n nin klɔ nga be mantan lɛ'n be afiɛn'n.

Mmla'n 21:4

Man klɔ'n i su sran kpɛnngbɛn'm be fa nannin bla sɔ'n be wɔ nzue ba wie nuan. Man ɔ yo nzue ba bɔ i nun nzue'n wie-man nun, bɔ kusu be nian di-mɛn i nuan su fie le'n. Kpɛkuun man be fin i kɔmin su like be bu i.

Filipfuɛ Mun 2:8

Kɛ ɔ kacili i wun sran sɔ'n, ɔ yoli i wun aenvuɛ, ɔ yoli anyiyiɛfuɛ lele ɔ fa wuli, waka'n su yɛ ɔ wuli-ɔ.

1 Samiɛl 6:7

Amun `yo kakaklolo uflɛ kun. Amun `fa nannin ta nnyɔn bɔ be nian di-man junman le'n amun `fa be minnda kakaklolo'n. Amun `ti bé sin ba mun nan amun `fa be mma sɔ mun sa bé sin be tuin'n nun lɔ.