Mmla'n 21:23 - NYANMIƐN NDƐ'N 1998

²³ nán man i fuɛn'n ka waka'n su lɛ. Amun `ka lɛ be `sie i le kunngba'n nun, afin sran nga be bo i kɔmin'n, wuun Nyanmiɛn boli i sannzan. Ɔ man nán amun fa saci asiɛ nga Anannganman amun Nyanmiɛn'n ɔ'a fa man amun'n .

Mmla'n 21:23 ပူးပေါင်းရင်းမြစ်များ

2 Samiɛl 21:10

Aza i wa bla Rizpa fali bajɛ ng'ɔ wla'n sɛli i yɛbuɛ'n su. Ɔ trannin lɛ ɔrz i kpɛlɛ blɛ'n nun lele nzue'n i tɔlɛ blɛ nun. Wia nun ɔ fuan anunman mun ɔ man be tran-man fuɛn'm be su. Yɛ kɔnguɛ ɔ fuan blo nnɛn'm be kusu.

2 Samiɛl 21:6

Man be fɛ i osu nun sran nso be man e man e bo be kɔmin Anannganman nyrun Gibea lɔ kan Anannganman fɛ i sieli famiɛn'n b'ɔ trannin lɛ laa'n.» Famiɛn'n waan: «N wa fa be m man amun.»

2 Famiɛn Mun 10:8

Sunmanfuɛ kun ko kan kleli Zei kɛ: «Be fali famiɛn'n i mma'm bé ti mun bali.» Yɛ Zei waan: «Amun `tian be nuan kwle nnyɔn klɔ'n i anuan'n nun lele ainman.»

Ezekiɛl 39:12

Izraɛlfuɛ'm be ´sie be kɛ ɔ ´yo nan mɛn'n ɔ'a yo saun'n ti. Yɛ i sɔ'n ɔ ´di anglo nso.

Saun Yolɛ 18:25

I sɔ fiɛn liɛ'n, ɔ sacili be mɛn'n, ɔ man min nin mɛn sɔ'n i nunfuɛ mun y'a nyɛn i lele san n ´kan bé bo be mɛn sɔ'n nun.

Kalɛ 25:4

Anannganman seli Moiz kɛ: «Tra Izraɛl kpɛnngbɛn nga be o Izraɛlfuɛ'm bé su'n be kwlaa, man be kpɛ bé nyin wia'n su lɔ, yɛ man be bo be kɔmin min nyrun. Kɛ ɔ ko yo sɔ liɛ'n, n ´gua min ya dan nga n fɛli amún wun'n i ase.»

Jean 19:31

Zuif'n be ko srɛli Pilat kɛ ɔ yo man be bubu be nga be boboli be'n bé ja'n nan be yi be waka'n su, afin cɛn sɔ'n ti ya cɛn. Ya cɛn'n yɛ Zuif'm be fa buabua bé wun-ɔn, yɛ be klo-man kɛ be `yaci be lɛ man wunmiɛn-delɛ-cɛn'n to be lɛ yɛlɛ kɛ wunmiɛn-delɛ-cɛn kun sɔ'n ti bé cɛn dan.

Rɔmfuɛ Mun 9:3

Afin sɛ Nyanmiɛn bo n sannzan bɔ min nin Krist e bu nan n niaan'm bɔ min nin be e ti nvle kun'n be nyan bé ti'n, n ´se Nyanmiɛn kɛ ɔ yo n sɔ .

1 Korɛntfuɛ Mun 16:22

Sɛ sran kun klo-man e Min'n, man Nyanmiɛn bo i sannzan. Maranata! (E Min'n ´ba!)

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

Mmla'n 25:19

I sɔ'n ti'n, amun wa ju mɛn nga Anannganman amun Nyanmiɛn'n ɔ'a fa man amun'n i nun lɔ. Cɛn nga Anannganman amun Nyanmiɛn'n yo man amun di alaje amun kpɔfuɛ nga be mantan amun lɛ'n bé sa nun'n, amun `nunnun Amalɛk i osu'n mɛn'n nun. Nán be bo bé su be di jɔlɛ kun. Nán amun wla fi ndɛ nga.

Mmla'n 4:21

Amun dunman nun ti Anannganman fali ya mín wun. Ɔ tali nda kɛ n su kpɛ-man Zurdɛn nzue ba'n nan n su ju-man mɛn klanman bɔ ɔ'a fa man amun'n nun lɔ.

Mmla'n 7:26

Tete like b'ɔ nunnunlɛ yɛ ɔ nin i fata'n, nán amun fa sie amun sua'm be nun, sɛ ɔ yo sɔ-ɔ, be ´nunnun amun wie kɛ i sa. Amun `bu ninnge sɔ mun kɛ be ti fiɛn, nán amun bu be like mlɔnmlɔn, be nin nunnunlɛ yɛ ɔ fata-a.

Zozie 7:12

Sɛ be ka sa nga be yoli'n su'n, be su kwla jran-man be kpɔfuɛ'm be nyrun kun. Be ´wanndi sa tititi, sɛ amu'an saci-man ninnge nga n seli amun kɛ nán amun fa'n, n su jran-man amún sin kun.

Zozie 8:29

Be boli Ai famiɛn'n i kɔmin waka kun su. Ɔ kali lɛ lele nnɔsua. Kɛ wia'n tɔli'n, Zozie man be yili i fuɛn'n, be to yili i anuan nga be fa wlu klɔ nun lɔ'n i wun lɔ, nan b'a fa yɛbuɛ kpanngban b'a guɛ i su. Yɛbuɛ sɔ'n tɛ o lɛ ndɛ.