Mmla'n 21:21 - NYANMIƐN NDƐ'N 1998

²¹ Kpɛkuun man klɔ'n su sran'm be kwlaa be finfin i yɛbuɛ be kun i. Amun `tu sa tɛ'n amun afiɛn kɛ ng'ɔ o lɛ'n sa. Izraɛlfuɛ'm be kwlaa be ´ti, kpɛkuun srɛ ´kun be.

Mmla'n 21:21 ပူးပေါင်းရင်းမြစ်များ

2 Samiɛl 18:17

Be fali Absalɔm saka'n be yili i kunman dan kun nun bo'n nun lɔ. Be guɛli i su yɛbuɛ kwle dan kpa kun. Kɛ ɔ ´yo sɔ'n, wuun Izraɛlfuɛ'm b'a wanndi b'a ɔ be tranwlɛ kunngun'm be nun.

Ezipt Lɔ Tulɛ'n 21:17

Sran ng'ɔ bo i si annzɛ i nin i sannzan'n, man be kun i.»

Nyanndra Mun 30:17

Sran nga b'ɔ sri i si'n, bɔ i nyin yi-mɛn i nin'n, kuankuan'm be ´fiti i nyinma'n, kpɛkuun anunman nyin'n i mma'm be ´di i.

Saun Yolɛ 20:2

ɔ `kan ndɛ yɛ mun kle Izraɛlfuɛ mun. I waan: «Sɛ Izraɛlfuɛ kun, sɛ wie kusu-ɔ aofuɛ wie b'ɔ tran Izraɛl wa'n ɔ fɛ i wa kun ko yi tɛ man amuɛn nga be flɛ i Mɔlɔk'n, ɔ fata kɛ be kun i sɔ sran liɛ'n. Man mɛn mma'm be finfin i yɛbuɛ be kun i.

Saun Yolɛ 20:27

Sɛ yasua kun annzɛ kusu bla kun nin wunmiɛn be ijɔ'n, sɛ wie kusu-ɔ ɔ ti wunnzue yifuɛ'n, ɔ fata kɛ be kun i. Be `finfin i yɛbuɛ be `kun i. I bɔbɔ yɛ ɔ kunndɛli i wun wie nin-ɔn.»

Saun Yolɛ 24:14

«Amun `fɛ i sɔ sran liɛ'n be `fite ɔ nanmue'n i sin lɔ! Nan be nga bɔ kɛ ɔ ´kpɛ min nzowa be tili'n, be `fa be sa be sie i ti'n su, nan Izraɛlfuɛ'm be `toto yɛbuɛ be `fin i be `kun i.

Saun Yolɛ 24:16

Sran kwlaa nga i nuan tɛ to min'n, ɔ fata kɛ be kun i: man Izraɛlfuɛ'm be toto yɛbuɛ be fin i be kun i. Sɛ ɔ ti aofuɛ o, sɛ ɔ ti Izraɛl ba o, kɛ i nuan tɛ ɔ'a to min'n, i ti be `kun i.

Kalɛ 15:25

Man min nyrun jranfuɛ'n ɔ yo like ng'ɔ fata kɛ ɔ yo nan m'an yaci Izraɛlfuɛ nga be yiali'n be kwlaa bé sa m'an cɛ be'n, kpɛkuun n ´yaci bé wun sa'n n ´cɛ be, afin sanvuɛsa-a, yɛ kusu b'a yi i ti tɛ nga be yrɛ i nnɛn'n kɔlikɔli'n nin n kpatalɛ tɛ'n.

Kalɛ 15:35

Anannganman seli Moiz kɛ: «Man be fɛ i ngblaliɛ'n nun fite nan sran'm be kwlaa be `finfin i yɛbuɛ nan ɔ wu.»

Kalɛ 15:36

Be fali ndɛ nga Anannganman kannin'n su nan b'a fa sran sɔ'n ngblaliɛ'n nun lɔ b'a fite nan b'a ko finfin i yɛbuɛ b'a kun i.

1 Korɛntfuɛ Mun 5:13

Be bɔ be nin ye ti-man kun'n, Nyanmiɛn yɛ ɔ nin be lɛ i-ɔ. An `kan sa tɛ yofuɛ'n i bo amun nun lɛ .

Mmla'n 13:12

Kɛ ɔ ko yo sɔ'n, Izraɛlfuɛ'm be kwlakwla be ´ti, kpɛkuun srɛ ´kun be sa tɛ kɛ nga sa i yolɛ nun amun afiɛn.

Mmla'n 13:5

Anannganman amun Nyanmiɛn'n yɛ amun `su i-ɔ. Amun nyin `yi i, amun `fɛ i mmla'm bé su, amun `tie i aniɛn'n, amun `su i, yɛ amun `fa amún wun mɛntɛn i kpa.

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 17:5

sɛ ɔ ti yasua o, sɛ ɔ ti bla o, amun `fɛ i wɔ klɔ'n i anuan nun lɔ, nan amun `finfin i yɛbuɛ man ɔ wu.

Mmla'n 17:7

Sɛ ɔ ti i kunlɛ'n, lalofuɛ'm be yɛ be `dun mmua fin i yɛbuɛ nan sran'm be kwlaa b'a fin i wie-ɔ. Amun `yi sa tɛ'n amun afiɛn kɛ ng'ɔ o lɛ'n sa.

Mmla'n 21:20

Nan be `se klɔ'n su kpɛnngbɛn'm be kɛ: «E wa nga i nyin ti kekle, i nyin yi-man sran, wlaka nin nzanboɛ'n yɛ i waan be fa mɛn i-ɔ.»

Mmla'n 22:21

man be fɛ i wɔ i si i sua'n nyrun lɔ, nan klɔ'n sufuɛ'm be `finfin i yɛbuɛ be `kun i. Kɛ b'ɔ o i si awlo lɔ bɔ tekle yɛ ɔ bo'n, b'ɔ yo tete sa Izraɛl mɛn'n nun'n, i ti man ɔ wu. Amun `tu sa tɛ'n amun afiɛn kɛ ng'ɔ o lɛ'n sa.

Mmla'n 22:24

amun `fa be sran nnyɔn'n be wɔ klɔ'n i anuan'n nun lɔ, amun `finfin be yɛbuɛ man be wu. Talua'n i kunlɛ liɛ'n, i bo yɛlɛ kɛ ɔ'a kpan-man man klɔ'n nunfuɛ'm b'a ti-man. Yasua'n i liɛ'n yɛlɛ kɛ ɔ'a sokpa i wiengu kun i bla'n bɔ ɔ'a trɛ i ase'n. Amun `tu sa tɛ'n amun afiɛn kɛ ng'ɔ o lɛ'n sa.