Mmla'n 21:18 - NYANMIƐN NDƐ'N 1998

¹⁸ Sɛ sran kun i wa'n i nyin ti kekle'n, bɔ i nyin yi-man sran'n, bɔ i si nin i nin be kan ndɛ kle i-ɔ ɔ ti-man'n, bɔ be tu i fɔ-ɔ ɔ fa-man'n,

Mmla'n 21:18 ပူးပေါင်းရင်းမြစ်များ

2 Samiɛl 7:14

N ´yo i si, ɔ ´yo mín wa. Sɛ ɔ yo sa tɛ'n, n ´tu i fɔ, n ´fa ngble m ´bo i kɛ be fa bo sran'n sa,

Ezipt Lɔ Tulɛ'n 20:12

Bu ɔ́ si nin ɔ nin be sran, kɛ ɔ ´yo nan ɔ nguan nyanman'n ɔ'a yo tɛnndɛn mɛn nga min Anannganman Nyanmiɛn n fa man wɔ'n i nun'n ti .

Ezipt Lɔ Tulɛ'n 21:15

Sran ng'ɔ bo i si annzɛ i nin'n, man be kun i.

Ezipt Lɔ Tulɛ'n 21:17

Sran ng'ɔ bo i si annzɛ i nin i sannzan'n, man be kun i.»

Nyanndra Mun 1:8

Mín wa, ndɛ nga ɔ́ si kan kle wɔ'n, sie ɔ́ su tie. Fɔ nga ɔ́ nin tu wɔ'n, nán se kɛ a ti-man.

Nyanndra Mun 13:24

Sran ng'ɔ fa-man ngble kɛn-mɛn i wa'n, wuun klolɛ yɛ ɔ klo-mɛn i-ɔ. Sran ng'ɔ klo i wa'n, ɔ jrɛnjrɛn-mɛn i fɔ tulɛ'n wun.

Nyanndra Mun 15:5

Ba ng'ɔ si-man ngwlɛlɛ'n, i si tu i fɔ-ɔ ɔ bu-mɛn i ndɛ. Sran nga be ´tu i fɔ b'ɔ ´kplin su lɛ'n, wuun ɔ ti ngwlɛlɛfuɛ.

Nyanndra Mun 19:18

Blɛ nga a bli ɔ́ wa'n ɔ tɛ yo ye'n, tu i fɔ. Sanngɛ nán fa ya bo i kun i.

Nyanndra Mun 20:20

Sran kun ng'ɔ bo i si nin i nin be sannzan'n, i bɔbɔ'n ɔ wa wun kɛ ɔ su wu blɛblɛblɛ kɛ kannin wie b'ɔ su nuan aosin nun'n sa.

Nyanndra Mun 22:15

Sinnzin'n wo bakan'n i nun. Nyantiaan'n yɛ ɔ tu i-ɔ.

Nyanndra Mun 28:24

Sran kun nga bɔ ɔ wua i si nin i nin b'ɔ se kɛ: «N kpa'n, nguɛ sa tɛ yɛ n yoli'n,» i sɔ sran'n nin kodiawiefuɛ'n be ti kun.

Nyanndra Mun 29:17

Tu ɔ́ wa'n i fɔ. Sɛ a tu i fɔ'n, wɔ anwlɛn'n ɔ ´tɔ ɔ nun yɛ ɔ klun ´jɔ.

Nyanndra Mun 30:11

Sran wie o lɛ'n, sannzan yɛ ɔ bo i si-ɔ, i nin i wun ndɛ tɛtɛ'n yɛ ɔ kan-an.

Nyanndra Mun 30:17

Sran nga b'ɔ sri i si'n, bɔ i nyin yi-mɛn i nin'n, kuankuan'm be ´fiti i nyinma'n, kpɛkuun anunman nyin'n i mma'm be ´di i.

Ezai 1:2

Nyanmiɛn su lɔ lika'n, tie! Asiɛ, sie ɔ su kpa! Afin Anannganman su ijɔ. I waan: N tali ba wie mun, b'a nyin, sanngɛ b'a jaso min wun.

Ezai 1:5

?Amun bɔ amun jin nyin kekle yolɛ'n su sa tititi'n, ninfan yɛ be fin amun like-ɔ ɔ yo ye ekun-ɔn? Amún ti'm be kwlaa be su ti kannin ngunmin kokoko. Yɛ amun keje amun wun-ɔn ɔ yo-man ye kun.

Zeremi 31:18

N tili kokolɛ nga Efraim koko se kɛ: ‹A tuli ye fɔ. A tuli ye fɔ kɛ be tu nannin gbanflɛn bɔ i nyin yi-man sran'n i fɔ'n sa. Fa e sa é sin ɔ́ wun, yo man e sa é sin, afin Anannganman, wɔ yɛ a ti e Nyanmiɛn-ɔn.

Zeremi 5:23

sanngɛ amun ti amun liɛ nvle kun bɔ amun ti-man lowa, amún nyin ti kekle. Sa'n i kan-an, wuun amu'an kaci amun sin, amun yɛ an ´kɔ lɛ.›

Zeremi 5:3

Anannganman kusu nanwlɛ'n yɛ ɔ klo i-ɔ. A boli be sanngɛ nán be ndɛ-ɔ. Ɔ waan a ´wiewie be, sanngɛ b'a bua-man nun. Be yoli nyin kekle, be waan nán be yɛ be ko sa be sin be ko ba-a.

Ezekiɛl 22:7

Ɔ lɔ'n, be yo siɛ nin niɛn be finfin. Be yo aofuɛ'm be tɛtɛ. Be bo aika ba nin angboti bla'm be akpo.

Ezekiɛl 24:13

Zerizalɛm, w'a yo fiɛn ɔ́ sa sukusuku'm be yolɛ'n ti. Min waan n ´yo ɔ saun, sanngɛ w'a kplin-man su. I ti nin-ɔn, a su kwla yo-man saun lele san n ´tu min ya dan'n n gua wɔ su.

Saun Yolɛ 19:3

Man amún nyin yi amún si nin amún nin. Mín wunmiɛn-delɛ-cɛn'n nun'n, nán amun di junman. Min yɛ n ti Anannganman amun Nyanmiɛn nin-ɔn.

Saun Yolɛ 21:9

Sɛ min nyrun jranfuɛ kun i wa bla bo tekle saci i bɔbɔ i dunman'n, wuun i si'n yɛ ɔ'a saci i dunman-an. I sɔ'n ti ɔ fata kɛ be yrɛ i sɔ ba bla liɛ'n mɔnnɛn mɔnnɛn.

Mmla'n 21:19

man i si nin i nin be trɛ i nan be fɛ i be wɔ klɔ'n su kpɛnngbɛn'm be ja su klɔ'n i anuan'n nun lɔ ndɛ kanwlɛ lɔ.

Mmla'n 27:16

«Sran ng'ɔ bu-mɛn i si nin i nin be sran'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Mmla'n 8:5

Ɔ man sɛ Anannganman tu amun fɔ'n, man amun wun i wlɛ kɛ ɔ yo i kɛ sran su tu i wa fɔ sa.

1 Samiɛl 3:13

N seli i kɛ nyrɛnnɛn nga n ´fa yi i awlofuɛ'm bé su'n, be ´ka nun titi, afin kɛ i mma'm be yoli min finfin'n, ɔ tili, sanngɛ ɔ'a tu-man be fɔ.