Mmla'n 21:16 - NYANMIƐN NDƐ'N 1998

¹⁶ cɛn nga yasua'n ɔ ´fɛ i sa nun ninnge mun ´man i mma mun'n, ɔ lɛ-man atin ɔ fa-man aja ng'ɔ ti ba yasua kpɛnngbɛn'n i liɛ'n ɔ fa man-man bla ng'ɔ klo i'n i wa liɛ'n.

Mmla'n 21:16 ပူးပေါင်းရင်းမြစ်များ

Bo Bolɛ 25:31

Zakɔb tɛli i su kɛ: «Sɛ a ´wun kɛ m ´man wɔ wie'n, wuun w'a yo wɔ awuliɛ kpɛnngbɛn'n i atɛ mín sa nun.»

1 Be Nyoliɛ 26:10

Oza b'ɔ ti Mɛrari osu'n nunfuɛ'n wuli ba nnan. I mma'm bé su kpɛn'n yɛlɛ Simri. Nán i yɛ ɔ ti i si i wa klikli nin-ɔn, sanngɛ ɔ fɛli i sieli bé su kpɛn.

1 Be Nyoliɛ 5:2

Zida yɛ ɔ nyannin nyrun dan i niaan'm be nun-ɔn, i osu nunfuɛ'm be nun kun yɛ ɔ yoli kpɛnngbɛn nin-ɔn, sanngɛ Zozɛf yɛ ɔ nyannin ba klikli'n i aja nin-ɔn .

2 Be Nyoliɛ 21:3

Bé si Zozafat mannin be jɛtɛ ufue kpanngban, nin sika ɔkwlɛ kpanngban, ɔ nin ninnge kpakpa wie mun ekun. Yɛ ɔ fali be sieli klɔ nga be sili bé wun Zida mɛn nun'n be su. Zɔram liɛ'n, ɔ fɛli i kɛ i yɛ ɔ kaci i-ɔ, yɛlɛ kɛ i yɛ ɔ ti ba kpɛnngbɛn nin-ɔn.

Rɔmfuɛ Mun 8:29

Afin e bɔ Nyanmiɛn dun mmua fali ye'n, ɔ sieli e kɛ e kaci kɛ i Wa'n ti'n sa, nan i Wa'n nyan niaan kpanngban, nan ɔ yo be nyrun kpɛn.

Mmla'n 21:15

Sɛ sran kun lɛ bla nnyɔn nan ɔ klo kun kpɛkuun ɔ klo-man kun'n, sɛ ɔ nin bla nnyɔn sɔ'm be wu ba yasua'n, sɛ bla ng'ɔ lɛ-man klolɛ'n i wa liɛ'n yɛ ɔ ti kpɛnngbɛn'n,

Mmla'n 21:17

Man ɔ si kɛ bla ng'ɔ klo-mɛn i'n i wa liɛ'n yɛ ɔ ti kpɛnngbɛn-ɔn. Sɛ ɔ bu i sa nun ninnge'm be nun'n, man ɔ fɛ i bue nnyɔn mɛn i, afin i yɛ ɔ ti i gbanflɛn'n nun ba nin-ɔn. Ɔ man ba yasua kpɛnngbɛn'n i aja'n ti i bɔbɔ i liɛ.

Filipfuɛ Mun 4:8

Aniaan mun, min ndɛ'n i atabo'n yɛ: man amun akunndan'n tran like kwlaa ng'ɔ ti kpa'n, nin sa kwlaa bɔ sran yo-ɔ ɔ ti kpa'n bé su, yɛlɛ: ndɛ nanwlɛ'n, nin like nga be bu i like kpa'n, nin like ng'ɔ ti i nuan su'n, nin sa ng'ɔ ti-man tɛ mlɔnmlɔn'n, nin like ng'ɔ ti klanman'n, yɛ ndɛ nga be ti-ɔ ɔ jɔ be klun'n.