Mmla'n 21:14 - NYANMIƐN NDƐ'N 1998

¹⁴ Sɛ yasua'n waan ɔ klo-mɛn i kun'n, ɔ `yaci i nun man ɔ wɔ. Sanngɛ ɔ lɛ-man atin ɔ yo-mɛn i atɛ fa nyan-man sika su, kusu ɔ lɛ-man atin fɛ-mɛn i yo-mɛn i kanga, afin ɔ'a dun mmua ɔ'a miɛn i ɔ'a jɛ i kekle nun.

Mmla'n 21:14 ပူးပေါင်းရင်းမြစ်များ

Bo Bolɛ 34:2

Kpɛkuun Amɔr b'ɔ ti Evfuɛ'm be kpɛnngbɛn'n i wa Sisɛm ɔ'a wun i. Ɔ trɛli i, ɔ nin i be lali kekle nun.

Mmla'n 21:15

Sɛ sran kun lɛ bla nnyɔn nan ɔ klo kun kpɛkuun ɔ klo-man kun'n, sɛ ɔ nin bla nnyɔn sɔ'm be wu ba yasua'n, sɛ bla ng'ɔ lɛ-man klolɛ'n i wa liɛ'n yɛ ɔ ti kpɛnngbɛn'n,

Mmla'n 22:19

Izraɛl talua kun bɔ ɔ'a saci i dunman'n ti be `de i like, be `de i jɛtɛ mma ya. Be `fɛ i sɔ sika'n be `man talua'n i si'n. Man ɔ jɛ i. Kɛ b'a ja lɛ yɛ b'a ja-a, ɔ yaci i-ɔ ɔ yo-man ye kun.

Mmla'n 22:24

amun `fa be sran nnyɔn'n be wɔ klɔ'n i anuan'n nun lɔ, amun `finfin be yɛbuɛ man be wu. Talua'n i kunlɛ liɛ'n, i bo yɛlɛ kɛ ɔ'a kpan-man man klɔ'n nunfuɛ'm b'a ti-man. Yasua'n i liɛ'n yɛlɛ kɛ ɔ'a sokpa i wiengu kun i bla'n bɔ ɔ'a trɛ i ase'n. Amun `tu sa tɛ'n amun afiɛn kɛ ng'ɔ o lɛ'n sa.

Mmla'n 22:29

man sran ng'ɔ nin i be lali'n, ɔ `fa jɛtɛ mma ablenun man talua'n i si'n. Man ɔ `ja bla'n. Kɛ ɔ nin i lali kekle nun'n ti, kɛ b'a ja lɛ'n yɛ b'a ja-a, ɔ yaci i-ɔ ɔ yo-man ye.

Jɔlɛ Difuɛ Mun 19:24

Mín wa bla b'ɔ nian si-man yasua le'n, ɔ nin bian'n i soman'n be o wa. Man n fa be m blɛ amun nan amun nin be la, amun nin be yo kwlaa nga amun klo'n, nan sanngɛ nán amun fa bian'n be bo tete nga .»