Mmla'n 20:4 - NYANMIƐN NDƐ'N 1998

⁴ Afin Anannganman amun Nyanmiɛn'n ɔ nin amun yɛ ɔ ´kɔ-ɔ. Sɛ amun nin amun kpɔfuɛ mun amun ´kun'n, ɔ ´uka amun, ɔ ´man amun kwlalɛ .»

Mmla'n 20:4 ပူးပေါင်းရင်းမြစ်များ

1 Be Nyoliɛ 14:15

Sɛ a ti i kɛ like su tɛ waka'm be ti su lɔ kɛ sran su nanti sa'n, fite nan a nin be kun, afin n ´dun mmua ɔ nyrun m ´bo Filistifuɛ'm be alɛ kunfuɛ mun m ´man wɔ.»

2 Be Nyoliɛ 13:12

Amun `nian, Anannganman bɔbɔ dun e nyrun mmua. I nyrun jranfuɛ'm be o wa, awɛ'm be o bé sa nun, kɛ be bo'n, wuun e nin amun e su ko kun. Izraɛlfuɛ mun, nán amun nin Anannganman amun nannan'm be Nyanmiɛn'n amun kun, afin amun su nyan-man jranwlɛ.»

Ezipt Lɔ Tulɛ'n 14:14

Anannganman'n wa kun amún ti alɛ. I ti amun `gua bliin.»

Rɔmfuɛ Mun 8:37

Kannzɛ sa sɔ'n kwlaa tɔ e su'n, Jésus b'ɔ kloli ye'n ti, e tra safunyrɛn.

Mmla'n 1:30

Anannganman amun Nyanmiɛn b'ɔ dun mmua amun nyrun'n, i bɔbɔ ɔ ´kun amún ti alɛ kɛ ɔ fa yoli i Eziptfuɛ'm bé su amun bɔbɔ amun nyrun'n sa,

Mmla'n 11:25

Sran fi su kwla jran-man amun nyrun. Lika kwlaa nga amun ´kɔ lɛ'n, Anannganman amun Nyanmiɛn'n ɔ ´yo man be ´sro amun yɛ be ´usu amun nyrun kɛ ɔ kan kleli amun'n sa.

Mmla'n 3:22

Nán amun sro be. Anannganman amun Nyanmiɛn'n bɔbɔ yɛ ɔ ´kun amún ti alɛ-ɔ.»

Mmla'n 31:6

Amun `jran kekle, amun `tra amun anwlɛn. Nán amun usu be nyrun, nán srɛ kun amun afin Anannganman amun Nyanmiɛn'n ɔ nin amun wo nun, ɔ su kpɔci-man amun. Ɔ su yi-man amun ase.»

Mmla'n 32:30

?Sran kunngba cenje kwla fuan sran akpi? ?Sran nnyɔn cɛ be kwla fuan sran akpi blu? N ´tɛ su kɛ: Ɛɛn! Sɛ min Anannganman bɔ n ti kɛ yɛbuɛ sa bɔ be talo min'n, sɛ n fa be n wla be kpɔfuɛ'm be sa nun'n, be kwla yo be sɔ.

Zozie 10:11

Amɔrfuɛ'm be wie'm be wanndi kpɛnnin Bɛt-Ɔrɔn sin lɔ. Kɛ be fɛ lɛ lele ´ju Azeka'n, Anannganman man nzraama dandan kpa bɔ kɛ nzue tɔ'n be gua'n be guali be su lele fa juli Azeka. Ɔ man sran nga nzraama sɔ'm be kunnin be'n, be sɔnnin tra be nga Izraɛlfuɛ'm be kunnin be tokofi nun'n.

Zozie 10:42

Ɔ fali lika sɔ'm be ngba. Ɔ kwlali be famiɛn mun likawlɛ afin Anannganman bɔbɔ yɛ ɔ uka Izraɛl-ɔ.

Zozie 23:10

Amun nun sran kunngba fuan amun kpɔfuɛ akpi, afin Anannganman amun Nyanmiɛn'n kun amún ti alɛ kɛ ɔ fa kannin'n sa.

1 Samiɛl 14:23

Kɛ Anannganman man Izraɛlfuɛ'm be kwlali le kun sɔ'n nun sa. Be kunnin alɛ'n lele be kpɛli Bɛt-Avɛn klɔ'n.