Mmla'n 20:20 - NYANMIƐN NDƐ'N 1998

²⁰ Waka nga amun si kɛ be di-man bé su mma'n, be yɛ amun `kpɛ be bo-ɔ. Amun `fa kplan klɔ nga amun nin i kun'n i wun like wie bɔ amun fu su nan amu'an nyɛn i.

Mmla'n 20:20 ပူးပေါင်းရင်းမြစ်များ

2 Famiɛn Mun 3:19

Amun ´kwla klɔ nga be sisili bé wun'n, ɔ nin klɔ nga be lɛ nyrun'n be nun sran'm be ngba. Amun `kpɛ waka kpakpa nga be di bé su mma'm be kwlaa bé bo. Amun `tannin nzue ti'm be ngba. Amun `isa yɛbuɛ guɛ i be fie kpakpa'm be nun amun `saci be.»

2 Be Nyoliɛ 26:15

Ɔ yoli man sran kun b'ɔ si ngwlɛlɛ kpa'n yili mannzin wie mun Zerizalɛm lɔ. Be fa be sieli sua fleiin'm bé su nin talɛ'n i cɔnjɔ'm be su kɛ be ´fa to ta nin yɛbuɛ dandan mun. Nyanmiɛn ukali Ozias dan kpa, ɔ man i sielɛ'n takali kpa, yɛ i dunman'n fu ɔli mmua kpa.

Akunndanfuɛ'n 9:14

Klɔ kaan kun wo lɛ, i su sran'm b'a sɔn-man. Famiɛn kun b'ɔ kwla'n, ɔ ɔli kɛ ɔ nin i nunfuɛ'm be ´kun alɛ. Ɔ nin i sran'm be sin yiali klɔ'n. Be kplannin alɛ kunlɛ talɛ'n sin yiɛli i.

Ezai 37:33

Anannganman kan ndɛ ng'ɔ o yɛ'n ekun man Asiri famiɛn'n, i wan yoo: «Asiri famiɛn'n su wlu-man klɔ nga nun, ɔ su to-man ta wa, ɔ su kplan-man nyrɛn wa, ɔ su kplan-man kpata nga be jran su be kun alɛ'n i wa.

Zeremi 33:4

Min Anannganman bɔ n ti Izraɛl Nyanmiɛn'n, ndɛ nga n kan'n yɛ. Klɔ nga nun sua mun nin Zida famiɛn'n i sua nga be nin Babilɔnifuɛ mun be ´ko kun alɛ bɔ fuɛn'm be ´yi be'n, bé wun ndɛ yɛ n wa kan kle wɔ-ɔ. N ´fa ya n ´kun sran mun be ´yi sua sɔ mun. Klɔ nga sufuɛ'm be aeliɛ tɛtɛ'n ti n su nian-man be nyrun.

Zeremi 6:6

Anannganman b'ɔ sie mɛn wunmuan'n waan: ‹An `kpɛ waka nan an `fa kplan akpa Zerizalɛm wun.› Klɔ sɔ'n nin fɔ bulɛ fata. Sran mianmianlɛ'n yɛ ɔ ti i nunfuɛ'm be junman-an.

Ezekiɛl 17:17

Kannzɛ bɔ Ezipt famiɛn'n ɔ fali alɛ kunfuɛ kpanngban fa mɛnnin i'n, be su kwlɛ-mɛn i uka, blɛ bɔ Babilɔnifuɛ'm be ´kplan be nyrɛn, be ´fu kunman nan be ´nunnun sran kpanngban'n.

Mmla'n 1:28

?Ninfan cɛ yɛ e ´sin bɔ e ´kpɛn lɔ-ɔ?› E niaan'm be bubuli é sa sin. Be waan: ‹Lɔ sran'm be tɛnndɛn tra ye, yɛ be lɛ wunmiɛn tra ye. Be klɔ'm be ti dandan, talɛ ng'ɔ si klɔ sɔ'm bé wun'n be ti nglo-nglo kpa, be to nyanmiɛn'n lɔ. Yɛ e wunnin Anak i anunman'm bɔ be ti sran blamiɛn'n be lɔ wie bɔbɔ.› »

Mmla'n 20:19

Sɛ amun waan amun nin klɔ kun amun ´kun'n nan amun ´fa'n, kɛ amun ´kpɛ i wun ngblaliɛ'n, nán amun saci i fie'm bé su waka mun. Nán amun bu be. Amun `di bé su mma mun, sanngɛ nán amun kpɛ bé bo. ?Waka b'ɔ o fie'n su lɔ'n, sran-an nan se kɛ a nin i be ´kun alɛ?

Mmla'n 21:1

Sɛ amun wo mɛn nga Anannganman amun Nyanmiɛn'n ɔ'a fa man amun kɛ amun fa'n i nun'n, nan amun ´nian-an, fuɛn yɛ ɔ la asiɛ wun yɛ'n, bɔ wienun-ɔn be si-man sran ng'ɔ kunnin i'n,