Mmla'n 20:19 - NYANMIƐN NDƐ'N 1998

¹⁹ Sɛ amun waan amun nin klɔ kun amun ´kun'n nan amun ´fa'n, kɛ amun ´kpɛ i wun ngblaliɛ'n, nán amun saci i fie'm bé su waka mun. Nán amun bu be. Amun `di bé su mma mun, sanngɛ nán amun kpɛ bé bo. ?Waka b'ɔ o fie'n su lɔ'n, sran-an nan se kɛ a nin i be ´kun alɛ?

Mmla'n 20:19 ပူးပေါင်းရင်းမြစ်များ

2 Famiɛn Mun 3:19

Amun ´kwla klɔ nga be sisili bé wun'n, ɔ nin klɔ nga be lɛ nyrun'n be nun sran'm be ngba. Amun `kpɛ waka kpakpa nga be di bé su mma'm be kwlaa bé bo. Amun `tannin nzue ti'm be ngba. Amun `isa yɛbuɛ guɛ i be fie kpakpa'm be nun amun `saci be.»

2 Famiɛn Mun 3:25

Be sacili klɔ mun. Be kwlakwla be fali yɛbuɛ fa guali fie kpakpa'm be kwlaa be su, ɔ man yɛbuɛ'n truli fie'm be nun sɔ trutrɛɛ. Be tanninnin nzue ti'm be ngba. Be kpɛli waka kpakpa nga be di be su mma'm be kwlaa bé bo. Klɔ kunngba nga i talɛ'm be kali lɛ'n yɛlɛ Kir-Erɛs, sanngɛ kpafloko tofuɛ'm be sin yiɛli i nan b'a bubu i. Klɔ sɔ'n, yɛbuɛ ngunmin yɛ ɔ kali su-ɔ.

Zeremi 6:6

Anannganman b'ɔ sie mɛn wunmuan'n waan: ‹An `kpɛ waka nan an `fa kplan akpa Zerizalɛm wun.› Klɔ sɔ'n nin fɔ bulɛ fata. Sran mianmianlɛ'n yɛ ɔ ti i nunfuɛ'm be junman-an.

Matthieu 21:19

Ɔ wunnin figie bo kun atin'n nun, ɔ ɔli i bo lɔ, ɔ'a wun-man mma su, san nnya yɛ ɔ o su-ɔ. Yɛ ɔ seli kɛ: «Ɔ waka nga, a su su-man kun le! Kpɛkuun figie sɔ'n wuli kee be osu kunngba'n nun lɛ.»

Matthieu 3:10

Kpɛliɛ'n ɔ'a kan waka olui'n, ɔ man waka kwlaa nga i mma'n ti-man kpa'n, be ´kpɛ i gua sin'n nun.

Mmla'n 20:18

Sɛ ɔ yo sɔ'n, i liɛ'n, be su kle-man amun tete sa bɔ be yo be man be amuɛn mun'n, yɛ amun su yo-man sa tɛ Anannganman amun Nyanmiɛn'n i wun.

Mmla'n 20:20

Waka nga amun si kɛ be di-man bé su mma'n, be yɛ amun `kpɛ be bo-ɔ. Amun `fa kplan klɔ nga amun nin i kun'n i wun like wie bɔ amun fu su nan amu'an nyɛn i.

Mmla'n 26:6

Eziptfuɛ'm be kleli e yalɛ, be mianmiannin e. Be fali e yoli be kanga, be man e dili junman kekleekle mun.