Mmla'n 20:16 - NYANMIƐN NDƐ'N 1998

¹⁶ Sanngɛ mɛn nga Anannganman amun Nyanmiɛn'n fa mannin amun kɛ amun fa be'n, be liɛ'n, sɛ amun nin klɔ kun sufuɛ'm be kun alɛ'n, nán amun yaci like ba kun sa nguan nun.

Mmla'n 20:16 ပူးပေါင်းရင်းမြစ်များ

Kalɛ 21:35

Izraɛlfuɛ'm be kwlali Ɔg nin i bo mma mun, ɔ nin i alɛ kunfuɛ'm be kwlaa. B'a yaci-man ba kun sa nun, be fɛli i mɛn'n.

Kalɛ 31:17

I sɔ'n ti, amun `kun yasua kanngan'm be kwlaa nin bla nga b'a si bian mun.

Kalɛ 33:52

amun `kan lɔfuɛ nga be o amun nyrun'n bé bo, amun `bubu amuɛn nga be fali yɛbuɛ annzɛ blalɛ yoli'n mun, amun `saci be sraka yiwlɛ lika bɔ be o kpɔlɛ'm be su mun.

Mmla'n 20:15

Klɔ nga be nun-man sran nga Anannganman fali be mɛn'n mannin amun'n be lika'm be nun'n, bɔ be o amún wun mmua'n, sɛ amun nin be kun'n, amun `yo be sɔ.

Mmla'n 20:17

Ɛtfuɛ mun, nin Amɔrfuɛ mun, nin Kanaanfuɛ mun, nin Ferezfuɛ mun, nin Evfuɛ mun, nin Zɛbisfuɛ mun'n, amun `bo be mɛn'n kɛ Anannganman amun Nyanmiɛn'n kan kleli amun'n sa.

Mmla'n 24:4

bian klikli ng'ɔ dun mmua yrɛli i'n, ɔ lɛ-man atin kɛ ɔ ko fɛ i yo i yi ekun. Kɛ bɔ sran uflɛ nin i b'a la'n, ɔ'a yo fiɛn. Sɛ ɔ yo sɔ'n ɔ ti tete Anannganman nyrun. Nán amun saci asiɛ bɔ Anannganman amun Nyanmiɛn'n wa fa man amun'n.

Mmla'n 31:5

Anannganman ´fa be ´man amun. Mmla nga m mannin amun'n, amun `nian su sɛsɛ amun ´yo be.

Mmla'n 4:21

Amun dunman nun ti Anannganman fali ya mín wun. Ɔ tali nda kɛ n su kpɛ-man Zurdɛn nzue ba'n nan n su ju-man mɛn klanman bɔ ɔ'a fa man amun'n nun lɔ.

Mmla'n 7:16

Amun `nunnun nvle nga Anannganman amun Nyanmiɛn'n fa be man amun'n be kwlakwla. Nán amun si be aunnvuɛ. Nán amun sɔ be amuɛn'm be wie. Sɛ amun yo sɔ-ɔ, amuɛn sɔlɛ ɔ ´tra amun kɛ aya sa.

Zozie 10:20

Zozie nin Izraɛlfuɛ'm be kwlali be kwlalɛ kpa. Be kwlali be mlɔnmlɔn. Be kunngun nga be kwla wanndili'n, be ɔli klɔ nga be si bé wun'n be su.

Zozie 10:28

Le kunngba sɔ'n nun Zozie fali Makeda klɔ'n. Ɔ kunnin i famiɛn'n ɔ nin i su sran'm be kwlaa. Sran ba kun a ka-man lɔ. Sa ng'ɔ fa yoli Zeriko famiɛn'n, i kunngba'n yɛ ɔ fa yoli Makeda famiɛn nin-ɔn.

Zozie 10:40

Zozie fali mɛn'n i ngba. Ɔ kwlali famiɛn nga be o oka-oka lika'm be nun'n, nin be nga be o ngua lɔ lika'm be nun'n, nin be nga be o lika kpɛtɛkplɛɛ nun'n, ɔ nin be nga be o kpɔlɛ nga be o jenvie i nuan lɔ'n. Ɔ'a yaci-man sran fi lɛ, ɔ nunnunnin sran'm be ngba kɛ Anannganman b'ɔ ti Izraɛl Nyanmiɛn'n seli kɛ be yo'n sa .

Zozie 11:14

Izraɛlfuɛ'm be fali ninnge ɔ nin nnɛn nga be wunnin i klɔ sɔ'm bé su'n, sanngɛ be kunnin klɔ'n sufuɛ mun, sran fi a ka-man.

Zozie 6:24

I sin be wɔli klɔ'n nin i nun ninnge'n kwlaa be nun, san jɛtɛ ufue nin sika ɔkwlɛ, ɔ nin blalɛ mun yɛ be kali lɛ-ɔ. Be liɛ'n, be sieli be Anannganman i bɔlɛ siewlɛ'n nun.

Zozie 8:25

Aifuɛ'm be bla nin be yasua'm be ju sran akpi-akpi blu-nin-nnyɔn (12.000). Be kunnin be kwlaa sɔ'n le kun sɔ'n nun.

Zozie 8:8

Kɛ amun fa klɔ'n cɛ'n, amun `wɔ nun kɛ Anannganman kannin'n sa. Amun `niɛn i kwlaa nga n ´kɛn yɛ'n su yo.»

Zozie 9:24

Be tɛli i su kɛ: «Sa ti bɔ e yoli sɔ'n yɛlɛ kɛ e tili i kɛ Anannganman ɔ Nyanmiɛn'n ɔ seli i sufuɛ Moiz kɛ ɔ ´fa mɛn nga kwlaa man amun. E tili i ekun kɛ, sɛ amun ba'n, amun wa nunnun mɛn nga nunfuɛ'm be kwlaa. Kɛ e tili i sɔ'n, srɛ dan kpa kunnin ye amun wun. Kɛ ɔ kɔ yo nan y'a nyan nguan'n ti yɛ e yoli sɔ-ɔ.

Zozie 9:27

ɔ seli be kɛ be kpɛ yie nan be sa nzue man Izraɛl nvle'n, ɔ seli be ekun kɛ be `sa nzue nan be fa kplan Anannganman i sɔwlɛ'n kan Anannganman bɔbɔ ´kle kɛ be kplɛn i lɛ'n. Lele nin ndɛ be anunman'm be tɛ di i sɔ junman liɛ'n.

Zozie 9:7

Izraɛlfuɛ'm be tɛli be su kɛ: «Atrɛkpa-a, amun fin e wun koko wa, yɛ e nin amun e wa tra aenguɛ-ɔ!»

1 Samiɛl 15:3

I ti kɔ ko kun Amalɛkfuɛ mun, nunnun Amalɛkfuɛ'm bé sa nun ninnge'n kwlaa. Nán kun sa ka lɛ. Kun sran'm be kwlaa, i bla o, i yasua o, i ba kanngan o, i ba nɔnman o! Kun nnɛn'm be kwlaa, i nannin o, i bua o, i nyɔnngɔnmɛn o, i aflunmun o!› »