Mmla'n 20:15 - NYANMIƐN NDƐ'N 1998

¹⁵ Klɔ nga be nun-man sran nga Anannganman fali be mɛn'n mannin amun'n be lika'm be nun'n, bɔ be o amún wun mmua'n, sɛ amun nin be kun'n, amun `yo be sɔ.

Mmla'n 20:15 ပူးပေါင်းရင်းမြစ်များ

Ezekiɛl 20:11

N fali mín nuan su ndɛ nin min mmla'n n kleli be kɛ ɔ ´yo nan be nga be fa su'n b'a nyan nguan'n ti.

Mmla'n 20:14

Bla mun, nin ba kanngan mun'n, nin nnɛn mun'n, ɔ nin klɔ'n nun ninnge'm be liɛ'n, amun `fa be. Amun kpɔfuɛ nga Anannganman amun Nyanmiɛn'n fa be man amun'n, an `fa bé bo ninnge mun, be ti amun liɛ.

Mmla'n 20:16

Sanngɛ mɛn nga Anannganman amun Nyanmiɛn'n fa mannin amun kɛ amun fa be'n, be liɛ'n, sɛ amun nin klɔ kun sufuɛ'm be kun alɛ'n, nán amun yaci like ba kun sa nguan nun.

Zozie 9:24

Be tɛli i su kɛ: «Sa ti bɔ e yoli sɔ'n yɛlɛ kɛ e tili i kɛ Anannganman ɔ Nyanmiɛn'n ɔ seli i sufuɛ Moiz kɛ ɔ ´fa mɛn nga kwlaa man amun. E tili i ekun kɛ, sɛ amun ba'n, amun wa nunnun mɛn nga nunfuɛ'm be kwlaa. Kɛ e tili i sɔ'n, srɛ dan kpa kunnin ye amun wun. Kɛ ɔ kɔ yo nan y'a nyan nguan'n ti yɛ e yoli sɔ-ɔ.

Zozie 9:9

Be tɛli i su kɛ: «Nannan, e fin mɛn mmua kpa kun nun. Sa nga ti bɔ e ba'n, yɛlɛ Anannganman ɔ Nyanmiɛn i ngan bɔ e tili'n. E tili atrɛ ng'ɔ yili i Ezipt lɔ'n,