Mmla'n 2:37 - NYANMIƐN NDƐ'N 1998

³⁷ Sanngɛ y'a kan-man Amɔnfuɛ'm be mɛn'n, y'a kan-man lika ng'ɔ o Zabɔk nzue ba'n i wia afiliɛ lɔ'n nin oka'm bé su klɔ mun. Lika nga Anannganman e Nyanmiɛn'n waan nán e kan be'n, y'a kan-man wie fi.

Mmla'n 2:37 ပူးပေါင်းရင်းမြစ်များ

Bo Bolɛ 32:22

Be fali ninnge sɔ'm be dunnin mmua. Le kun sɔ i bɔbɔ kusu lali ngblaliɛ'n nun lɔ.

Kalɛ 21:24

Izraɛlfuɛ'm be kwlali be, be fali be mɛn wunmuan b'ɔ fɛ i Arnɔn nzue'n su fa ju Zabɔk nzue'n su'n, lele ɔ fa ju Amɔnfuɛ'm be anyialiɛ'n su lika ng'ɔ kpɛ wia afiliɛ lɔ'n b'ɔ ti talɛ tɛɛn'n su.

Mmla'n 2:19

Amun ´kpɛn Amɔnfuɛ'm be mɛn'n i nyrun ndɛnman su, sanngɛ nán amun klɔklɔ be, nán amun se kɛ amun nin be ´kun alɛ. N su fa-man be osu nunfuɛ'm be mɛn'n nun lika'n wie m man-man amun. Lika sɔ'n ɔ ti Lɔt i osu nunfuɛ'm be liɛ, n fa mannin be.»

Mmla'n 2:5

Nán amun se kɛ amun nin be ´kun alɛ. Afin n su fa-man be mɛn'n i lika fi man-man amun, n su man-man amun lika bɔ kaan sa bɔ amun taka be ja su-ɔ. Seir oka'n ti Ezau liɛ, n fa mɛnnin i.

Mmla'n 2:9

Yɛ Anannganman seli min kɛ: «Nán amun klɔklɔ Moabfuɛ mun. Nán amun se kɛ amun nin be ´kun alɛ. N su man-man amun lika fi be mɛn'n nun. Afin Ar mɛn'n ti Lɔt i osu nunfuɛ'm be liɛ, n fa mannin be.»

Mmla'n 3:16

N fali lika ng'ɔ o Galaad nin Arnɔn nzue ba'n be afiɛn'n m mannin Ribɛnfuɛ mun nin Gadfuɛ'm be osu nunfuɛ mun. Be lika'n i nuan su yɛlɛ Arnɔn nzue ba'n. Zabɔk nzue ba'n kusu ti be nin Amɔnfuɛ'm be awɛ.

Zozie 12:2

I klikli'n yɛlɛ Siɔn, Amɔrfuɛ'm be famiɛn ng'ɔ tran Ɛsbɔn lɔ'n. Lika ng'ɔ sie'n, ɔ fɛ i Arnɔn i kongo'n i bue, ɔ bo i bo Arɔɛr klɔ'n su lɛ, i kunngba'n, ɔ fa Galaad mɛn'n i bue, ɔ kɔ lele ju Zabɔk nzue ba'n i nuan. Nzue sɔ'n yɛ ɔ ti be nin Amɔnfuɛ'm be awɛ nin-ɔn.

Jɔlɛ Difuɛ Mun 11:15

I waan be ko se i kɛ: «Izraɛlfuɛ'm b'a fa-man Moabfuɛ'm be lika annzɛ Amɔnfuɛ'm be lika.

Jɔlɛ Difuɛ Mun 11:22

Izraɛlfuɛ'm be fali Amɔrfuɛ'm be lika ngba. Lika sɔ'n i tɛnndɛn nun'n fɛ i Arnɔn nzue ba'n i nuan su fa ju Zabɔk nzue ba'n nuan su. Yɛ i tɛtrɛ nun'n fɛ i aawlɛ flɛnnɛn'n nun fa ju Zurdɛn'n nuan.