Man manmanlɛ'n yo Nyanmiɛn b'ɔ o like'n kwlaa ti su'n i liɛ. Afin i yɛ ɔ fali ɔ kpɔfuɛ mun wlali ɔ́ sa nun-ɔn .» Nan Abram ɔ'a fa ninnge ng'ɔ nyɛnnin i'n i kwlaa i blusu'n ɔ'a mɛn i.
Amun mɛn liɛ'n ´bo i bo ndɛma jenvie'n su lele ´fa ju Mediterane jenvie'n su, yɛ ɔ ´fɛ i Sinai aawlɛ flɛnnɛn'n su lele fa ju Efrat nzue ba'n su. Afin n wa fa be nga be o lika sɔ'm be nun'n n ´wla amún sa nun nan amun kan bé bo.
Izraɛlfuɛ'm be kwlali be, be fali be mɛn wunmuan b'ɔ fɛ i Arnɔn nzue'n su fa ju Zabɔk nzue'n su'n, lele ɔ fa ju Amɔnfuɛ'm be anyialiɛ'n su lika ng'ɔ kpɛ wia afiliɛ lɔ'n b'ɔ ti talɛ tɛɛn'n su.
Sanngɛ mɛn nga Anannganman amun Nyanmiɛn'n fa mannin amun kɛ amun fa be'n, be liɛ'n, sɛ amun nin klɔ kun sufuɛ'm be kun alɛ'n, nán amun yaci like ba kun sa nguan nun.
Anannganman man be trannin fɔuun nun be nvle'n kwlaa nun, kɛ ɔ fa boli bé nannan'm be kasiɛ'n sa. Ɔ man be yoli kwlafuɛ be kpɔfuɛ'm be kwlaa be su. Be nun kun sa ɔ'a kwla jran-man be nyrun.
Zida akpasua'n nin Simeɔn akpasua'n be fali alɛ'n wlali Kanaanfuɛ nin Ferezfuɛ'm bé sin. Anannganman yili sran sɔ mun mannin be nan b'a kun be nun sran akpi blu (10.000) Bezɛk lɔ.
Anannganman seli Zedeɔn kɛ: «Sran nga be o ɔ́ sa nun'n be sɔnnin ngboko. Sɛ n yi Madian m man Izraɛlfuɛ mun'n, be wa fa di bé nuan be ´se kɛ: ‹E bɔbɔ é sa kekle yɛ e fa nyannin e ti-ɔ.› Kpɛkuun be ´kpi min dunman'n i ase.