Mmla'n 2:30 - NYANMIƐN NDƐ'N 1998

³⁰ Sanngɛ Siɔn b'ɔ ti Ɛsbɔn famiɛn'n waan nán i yɛ ɔ ko yaci e nun e ko sin-ɔn. Kannzu Anannganman amun Nyanmiɛn'n yɛ ɔ keteli i anwlɛn nin-ɔn, kɛ ɔ ´yo nan amu'an kwlɛ i nan amu'an fɛ i mɛn nga amun o nun ndɛkɛn yɛ'n ti.

Mmla'n 2:30 ပူးပေါင်းရင်းမြစ်များ

1 Famiɛn Mun 12:15

Famiɛn'n ɔ'a kplin-man like nga nvlefuɛ'm be usɛli'n i su. Anannganman yɛ man ɔ yoli sɔ-ɔ, kɛ ɔ ´yo nan ndɛ ng'ɔ fa wlali Asiza b'ɔ ti Silofuɛ'n i nuan kɛ ɔ kan kle Nɛbat i wa Zeroboam'n i nuan ɔ'a yia'n ti.

2 Be Nyoliɛ 10:15

Famiɛn'n ɔ'a kplin-man like nga nvlefuɛ'm be usali'n su. Anannganman yɛ man ɔ yoli sɔ-ɔ. Kɛ ɔ ´yo nan ndɛ ng'ɔ fa wlali Asiza b'ɔ ti Silofuɛ'n i nuan kɛ ɔ kan kle Nɛbat wa Zeroboam'n, i nuan ɔ'a yia'n ti yɛ ɔ yoli sɔ-ɔ.

Ezipt Lɔ Tulɛ'n 11:10

Moiz nin Aarɔn b'a dun mmua b'a yi atrɛ kpanngban kpa famiɛn'n nyrun, sanngɛ Anannganman yoli man i anwlɛn'n keteli. I sɔ'n ti, ɔ'a yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 4:21

Anannganman seli i ekun kɛ: «Abonuan ninnge wafa-wafa nga n yoli man a kwlali be yo lɛ'n, kɛ a ´sa ɔ́ sin Ezipt lɔ yɛ'n, yo i sɔ abonuan sa mun Ezipt famiɛn'n i nyrun. N wa yo man ɔ su sie-mɛn i su ɔ ndɛ'm bé bo, ɔ su yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 7:14

Anannganman seli Moiz kɛ: «Famiɛn'n su yo nyin kekle mín su, yɛ i waan ɔ man-man Izraɛlfuɛ'm be atin kɛ be wɔ.

Ezai 48:4

Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Ngwlɛ Yilɛ 3:65

Bo be sannzan, kete be anwlɛn'n.

Kalɛ 21:23

Siɔn ɔ'a kplin-man su kɛ Izraɛlfuɛ'm be sin i mɛn'n nun. Ɔ yiɛli i sonja mun, be ko buli Izraɛlfuɛ'm be nyrun nan be nin be ´kun alɛ aawlɛ flɛnnɛn'n nun lɔ. Be juli Zaaz yɛ be nin Izraɛlfuɛ mun be kunnin-ɔn.

Kalɛ 21:33

Be fali atin uflɛ, be fali Bazan atin'n. Kpɛkuun Ɔg b'ɔ ti Bazan famiɛn'n, ɔ nin i sonja'm be kwlaa be buli Izraɛlfuɛ'm be nyrun. Be waan be nin be be ´kun alɛ Edrei lɛ.

Kalɛ 21:34

Anannganman seli Moiz kɛ: «Nán sro i. N wa yo man a ´kwlɛ nin i alɛ kunfuɛ mun, ɔ nin i mɛn wunmuan'n bɔbɔ. Kɛ a fa yoli Amɔrfuɛ'm be famiɛn'n b'ɔ tran Ɛsbɔn'n, i sɔ yɛ a wa fa yo i-ɔ.»

Mmla'n 2:31

Anannganman seli min kɛ: «Nian, kɛ ɔ fin ndɛ'n, m'an fa Siɔn nin i mɛn'n m'an man amun. An `bo be lika'n i falɛ bo.»

Jɔlɛ Difuɛ Mun 11:20

Siɔn ɔ'a kplin-man su kɛ be sin i nvle'n nun, afin ɔ lafi-man be su. Kpɛkuun Siɔn flɛli i nvlefuɛ'm be kwlakwla ɔ man be ko boli be nanmue Zaaz. Be nin Izraɛlfuɛ mun be ko kunnin.