Mmla'n 2:29 - NYANMIƐN NDƐ'N 1998

²⁹ Like nga Ezau i osu nunfuɛ bɔ be tran Seir'n nin Moabfuɛ bɔ be tran Ar mɛn'n nun'n be yo mannin ye'n, i kunngba'n yɛ e waan a `yo man ye-ɔ. I liɛ'n, e ´kpɛ Zurdɛn'n e ´kpɛn lika nga Anannganman e Nyanmiɛn'n fa mannin ye'n nun.»

Mmla'n 2:29 ပူးပေါင်းရင်းမြစ်များ

Bo Bolɛ 19:37

Kpɛnngbɛn'n wuli ba yasua kun nan ɔ'a tɔn i dunman kɛ Moab. I yɛ ɔ ti Moabfuɛ nga be o lɛ ndɛ yɛ'n be nannan nin-ɔn.

Ezipt Lɔ Tulɛ'n 20:12

Bu ɔ́ si nin ɔ nin be sran, kɛ ɔ ´yo nan ɔ nguan nyanman'n ɔ'a yo tɛnndɛn mɛn nga min Anannganman Nyanmiɛn n fa man wɔ'n i nun'n ti .

Kalɛ 20:18

Edɔm famiɛn'n tɛli be su kɛ: «Sɛ amun klo-man kɛ e nin amun e kun alɛ'n, nán amun sin min mɛn'n nun.»

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 2:9

Yɛ Anannganman seli min kɛ: «Nán amun klɔklɔ Moabfuɛ mun. Nán amun se kɛ amun nin be ´kun alɛ. N su man-man amun lika fi be mɛn'n nun. Afin Ar mɛn'n ti Lɔt i osu nunfuɛ'm be liɛ, n fa mannin be.»

Mmla'n 23:5

Afin i nun nga amun fin Ezipt lɔ amun ´ba'n, kɛ be `fa aliɛ nin nzue be `kpa amun atin nan be `sɔ amun nun'n, b'a yo-mɛn i sɔ. Be tuli Bɛɔr i wa Balaam b'ɔ o Pɛtɔr'n Mezopotami mɛn'n nun lɔ'n, kɛ ɔ wa bo amun sannzan. I ti be mɛnnin i sika.

Mmla'n 25:15

Man amun jayɛbuɛ'n ɔ yo sɛsɛ, man amun ninnge sunnzunliɛ'n ɔ yo sɛsɛ nan amu'an cɛ asiɛ nga Anannganman amun Nyanmiɛn'n ´fa man amun'n su.

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Mmla'n 4:21

Amun dunman nun ti Anannganman fali ya mín wun. Ɔ tali nda kɛ n su kpɛ-man Zurdɛn nzue ba'n nan n su ju-man mɛn klanman bɔ ɔ'a fa man amun'n nun lɔ.

Mmla'n 4:40

Ɔ man i mmla nin i ndɛ bɔ n ´fa man amun yɛ'n, amun `fa bé su. I liɛ'n, amun nin amun osu nunfuɛ nga be wa jaso su'n, amun ´nyan ye, yɛ amun nguan nyanman'n ɔ ´yo tɛnndɛn mɛn nga Anannganman amun Nyanmiɛn'n ɔ'a fa man amun mlɔnmlɔn'n i nun.

Mmla'n 5:16

Bu ɔ́ si nin ɔ́ nin be sran kɛ min Anannganman ɔ Nyanmiɛn'n n kan kleli wɔ'n sa, nan ɔ nguan nyanman'n ɔ'a yo tɛnndɛn nan ɔ wun ɔ'a jɔ wɔ fɔuun mɛn nga min Anannganman ɔ Nyanmiɛn'n fa man wɔ'n i nun'n ti.

Mmla'n 9:6

Man amun si kɛ sɛ Anannganman amun Nyanmiɛn'n fa mɛn klanman nga man amun kɛ amun tran nun'n, nán kpa yɛ amun ti i ti yɛ ɔ fa mannin amun-ɔn, afin amun ti nyin keklefuɛ.