Mmla'n 2:25 - NYANMIƐN NDƐ'N 1998

²⁵ Kɛ ɔ fin ndɛ'n, n wa yo man asiɛ wunmuan'n su nvle'm be nunfuɛ'm be kwlaa be ´sro amun. Kɛ be ti amun ngan'n, be ´usu, be wla'n ´bo.»

Mmla'n 2:25 ပူးပေါင်းရင်းမြစ်များ

Bo Bolɛ 35:5

Kɛ Zakɔb nin i mma'm be ´tu lɛ be kɔ'n, Nyanmiɛn man srɛ kunnin klɔ nga be mantan lɛ'n be sufuɛ mun. Ɔ man b'a kan-man be su sulɛ ndɛ.

1 Be Nyoliɛ 14:17

Kɛ ɔ fin lɛ'n, David dunman'n fuli lele juli mɛn'm be kwlaa be nun, kpɛkuun Anannganman yoli man mɛnmɛn'm be nunfuɛ'm be kwlaa be sroli i.

Jue Mun 105:38

Bé bo tulɛ Ezipt mɛn'n nun lɔ'n ɔ yoli lɔfuɛ'm be fɛ dan, be klun jɔli. Be klun'n b'ɔ ´jɔ'n yɛlɛ srɛ dan b'ɔ kunnin be Izraɛlfuɛ'm bé wun'n b'ɔ su kun-man be kun'n.

Ezipt Lɔ Tulɛ'n 23:27

Srɛ dan kpa ´kun nvle nga be ´ti i kɛ amun su ba'n be nunfuɛ mun. N ´sanngan nvle nga amun ´wlu nun'm be nun. Amun kpɔfuɛ'm be kɔmin sin'n yɛ amun ´wun i-ɔ, afin be ´wanndi amun nyrun.

Zeremi 33:9

Kpɛkuun klɔ nga man n klun wa jɔ, ɔ wa man min kɔmin su, ɔ wa yo kɛ min kɔmin njuaba sa asiɛ'n su nvle'm be nunfuɛ'm be nyrun. Kɛ nvle'm be nunfuɛ sɔ'm be wa ti nɛnnɛn dan nga n wa di klɔ sɔ'n, be akunndan'n ´sanngan bé wun. Be ´usu kpa.»

Mmla'n 11:25

Sran fi su kwla jran-man amun nyrun. Lika kwlaa nga amun ´kɔ lɛ'n, Anannganman amun Nyanmiɛn'n ɔ ´yo man be ´sro amun yɛ be ´usu amun nyrun kɛ ɔ kan kleli amun'n sa.

Mmla'n 28:10

Kɛ mɛn'n nun nvle'm be ´wun kɛ Anannganman i dunman'n yɛ ɔ o amún su'n, kpɛkuun be ´sa amun nyan.

Zozie 10:2

Sa sɔ'm be sanngannin Zerizalɛmfuɛ'm be akunndan afin Gabaɔn i dan tra Ai, kusu famiɛn klɔ'm be nyrun ba-man nyan trɛ-mɛn i. Yɛ Gabaɔn sonja'm be ti alɛ kunfuɛ kpakpa ngunmin.

Zozie 9:24

Be tɛli i su kɛ: «Sa ti bɔ e yoli sɔ'n yɛlɛ kɛ e tili i kɛ Anannganman ɔ Nyanmiɛn'n ɔ seli i sufuɛ Moiz kɛ ɔ ´fa mɛn nga kwlaa man amun. E tili i ekun kɛ, sɛ amun ba'n, amun wa nunnun mɛn nga nunfuɛ'm be kwlaa. Kɛ e tili i sɔ'n, srɛ dan kpa kunnin ye amun wun. Kɛ ɔ kɔ yo nan y'a nyan nguan'n ti yɛ e yoli sɔ-ɔ.

Sa nglô yile 3:9

An `nian, Satan i minniɛn atofuɛ'm bɔ be tɔn bé wun suɛn kɛ be ti Zuif'n, n ´yo man be wa koto amun bo, yɛ be ´si kɛ n klo amun .