Mmla'n 2:21 - NYANMIƐN NDƐ'N 1998

²¹ Be nvle'n ti dan, be sɔnnin, kpɛkuun be ti jajraajra kɛ Anakfuɛ'm be sa. Anannganman nunnunnin be mannin Amɔnfuɛ mun. Amɔnfuɛ'm be deli sran sɔ'm be lika'n be trannin be osu.

Mmla'n 2:21 ပူးပေါင်းရင်းမြစ်များ

Mmla'n 1:28

?Ninfan cɛ yɛ e ´sin bɔ e ´kpɛn lɔ-ɔ?› E niaan'm be bubuli é sa sin. Be waan: ‹Lɔ sran'm be tɛnndɛn tra ye, yɛ be lɛ wunmiɛn tra ye. Be klɔ'm be ti dandan, talɛ ng'ɔ si klɔ sɔ'm bé wun'n be ti nglo-nglo kpa, be to nyanmiɛn'n lɔ. Yɛ e wunnin Anak i anunman'm bɔ be ti sran blamiɛn'n be lɔ wie bɔbɔ.› »

Mmla'n 2:20

Lika sɔ'n, sran'm be waan ɔ ti Rɛfafuɛ'm be liɛ laa, afin lalafuɛ nun'n Rɛfafuɛ'm be trannin lɛ. Amɔnfuɛ'm be flɛ be kɛ Zamzimfuɛ.

Mmla'n 2:22

Like nga Anannganman yoli mannin Ezau i osu nunfuɛ bɔ be o Seir'n yɛ ɔ o lɛ-ɔ. Ɔ nunnunnin Ɔrfuɛ mun mannin be. Yɛ be kusu be fuannin Ɔrfuɛ sɔ mun, nan b'a tran be osu. Lele ndɛ be tɛ o lɛ.

Mmla'n 3:11

Ɔg b'ɔ ti Bazan famiɛn'n yɛ ɔ ti Rɛfafuɛ'm be kasiɛn b'ɔ kali-ɔ. I li bɔ be sieli i su'n ɔ ti blalɛ. Kɛ e se yɛ'n, ɔ o Raba b'ɔ ti Amɔnfuɛ'm be famiɛn klɔ'n su lɔ. I tɛnndɛn nun'n ti mɛtri nnan, yɛ i tɛtrɛ nun'n ti mɛtri nnyɔn.

Jɔlɛ Difuɛ Mun 11:24

?Lika nga Kɛmɔs b'ɔ ti wɔ amuɛn'n fa man wɔ kɛ a tran nun'n, nɛ́n i yɛ a tran nun-ɔn? ?Yɛ e li yɛ lika kwlaa nga Anannganman b'ɔ ti e Nyanmiɛn'n fa man e kɛ e tran nun'n yɛ e su tran-man nun-ɔn?