Mmla'n 2:19 - NYANMIƐN NDƐ'N 1998

¹⁹ Amun ´kpɛn Amɔnfuɛ'm be mɛn'n i nyrun ndɛnman su, sanngɛ nán amun klɔklɔ be, nán amun se kɛ amun nin be ´kun alɛ. N su fa-man be osu nunfuɛ'm be mɛn'n nun lika'n wie m man-man amun. Lika sɔ'n ɔ ti Lɔt i osu nunfuɛ'm be liɛ, n fa mannin be.»

Mmla'n 2:19 ပူးပေါင်းရင်းမြစ်များ

2 Be Nyoliɛ 20:10

Siɛn'n nian, Amɔnfuɛ mun nin Moabfuɛ mun, ɔ nin Edɔmfuɛ'm be yɛ b'a ba e su tɔlɛ yɛ. Kɛ e nannan'm be jasoli Ezipt lɔ bɔ be ´ba'n, w'a kplin-man su kɛ be sin sran sɔ'm be lika'n nun. E nannan'm be sinnin lika uflɛ, ɔ man e nannan'm b'a nunnun-man be .

Ezai 15:1

Sa ng'ɔ tɔli Moabfuɛ'm be su'n yɛ. Kɔnguɛ afiɛn kunngba bɔ be sacili Ar-Moab'n, ɔ kali lɛ nunnunnin. Kɔnguɛ afiɛn kunngba bɔ be sacili Kir-Moab'n, ɔ kali lɛ mlinnin sa weiin.

Mmla'n 2:37

Sanngɛ y'a kan-man Amɔnfuɛ'm be mɛn'n, y'a kan-man lika ng'ɔ o Zabɔk nzue ba'n i wia afiliɛ lɔ'n nin oka'm bé su klɔ mun. Lika nga Anannganman e Nyanmiɛn'n waan nán e kan be'n, y'a kan-man wie fi.

Mmla'n 2:5

Nán amun se kɛ amun nin be ´kun alɛ. Afin n su fa-man be mɛn'n i lika fi man-man amun, n su man-man amun lika bɔ kaan sa bɔ amun taka be ja su-ɔ. Seir oka'n ti Ezau liɛ, n fa mɛnnin i.

Mmla'n 2:9

Yɛ Anannganman seli min kɛ: «Nán amun klɔklɔ Moabfuɛ mun. Nán amun se kɛ amun nin be ´kun alɛ. N su man-man amun lika fi be mɛn'n nun. Afin Ar mɛn'n ti Lɔt i osu nunfuɛ'm be liɛ, n fa mannin be.»

Zozie 13:10

Amɔrfuɛ'm be famiɛn bɔ be flɛ i Siɔn'n i klɔ ng'ɔ sie be kɛ ɔ fɛ i Ɛsbɔn lele fa ju Amɔnfuɛ'm be lika'n i nuan'n, be o nun wie.