Mmla'n 2:15 - NYANMIƐN NDƐ'N 1998

¹⁵ Anannganman bɔbɔ yoli man be kwlaa sɔ'n be wieli wu be tuli lɛ.

Mmla'n 2:15 ပူးပေါင်းရင်းမြစ်များ

Jue Mun 106:26

Anannganman mɛnnin i sa su ɔ tali nda kɛ ɔ ´yo man be wu aawlɛ flɛnnɛn'n nun lɔ,

Jue Mun 32:4

Afin i wia nun o, i kɔnguɛ o, a fa sa mun yi min su. Kpɛkuun min wunmiɛn'n ɔ wie, yɛ n yo kɛ waka b'ɔ wu kee wawa nun'n sa.

Jue Mun 78:33

Ɔ man ɔ fita be guali. Kɛ ɔ kunnin be kɛ nga sa. Ɔ yoli nyrɛnnɛn sɔ ngbɛn.

Ezai 66:14

N ´yo i sɔ sakpa, amun ´wun i, yɛ amun klun wa jɔ, yɛ amun wunnɛn'n nun wa yo amun kpa kɛ munngun nun ijre uflɛ'n sa.» Anannganman ɔ ´yi i kwlalɛ b'ɔ kwla'n i nglo ´kle i sufuɛ mun, yɛ ɔ ´yi i ya'n kusu i nglo ´kle i kpɔfuɛ mun.

Kalɛ 14:28

Se be kɛ m bɔbɔ min Anannganman n wan yoo: ‹N ti Nyanmiɛn bɔ n lafi-man, yɛ wafa nga amun fa kannin min ndɛ bɔ n tili'n, i su sa yɛ n fa ´yo amun-ɔn.

1 Korɛntfuɛ Mun 10:5

Sanngɛ Nyanmiɛn klun a jɔ-man be kpanngban lika bé wun, ɔ man be fuɛn'n kali blo .

Jude 1:5

Ndɛ nga m ma kɛn i lɛ'n, an si i kpa, sanngɛ m ´bo su ekun. E Min Nyanmiɛn deli Izraɛlfuɛ mun Ezipt lɔ, sanngɛ i sin'n, be nga b'a lafi-mɛn i su kun'n, ɔ nunnunnin be.

Jɔlɛ Difuɛ Mun 2:15

Alɛ kwlaa nga be kunnin'n, Anannganman ɔ'a jran-man bé sin kɛ Anannganman bɔbɔ dun mmua kan kleli be'n sa. Ɔ'a jran-man be sin kɛ ɔ tali nda kleli be'n sa. I sɔ'n ti awlaboɛ dan kpa tɔli be su .

1 Samiɛl 5:11

Be sunmannin sran kɛ be ko flɛ Filistifuɛ'm be kpɛnngbɛn'm be ngba. Kɛ be bali'n, be seli be kɛ: «Amun `fa Izraɛlfuɛ'm be Nyanmiɛn'n i alaka'n be sɛ i sin i osu, kɛ ɔ yo nan ɔ'a kun-man e nin e nvlefuɛ mun ti.» Kɛ ɔ ´yo sɔ'n, wuun be wun-mɛn i yowlɛ bɔ kunngba klɔ'n nun, b'a wu be klun sɔ mlɔnmlɔnmlɔn'n, wuun Nyanmiɛn kle-man be yalɛ ngowa.

1 Samiɛl 5:6

Anannganman kleli Asdɔdfuɛ'm be yalɛ kpa, ɔ man be wunnin nyrɛnnɛn. Ɔ yoli man putɛputɛ wun-wunnin Asdɔd nin i asa'n sufuɛ mun bé wun.

1 Samiɛl 5:9

Kɛ be fa ɔli Gat'n, Anannganman kleli Gat klɔ'n sufuɛ'm be yalɛ. Be wun-mɛn i yowlɛ kunngba. Sɛ e ´kwla se'n, Anannganman sunmannin putɛputɛ ɔ wa yoli be, i sran dan o, i sran nga be lɛ-man nyrun o! Ɔ lɛ-man kun.

1 Samiɛl 7:13

Filistifuɛ'm bé nyin guali ase. Anannganman i fanngan'n ti be yacili Izraɛl nvle'n i sin alɛ wlalɛ Samiɛl i nyin su.