Mmla'n 2:14 - NYANMIƐN NDƐ'N 1998

¹⁴ Kɛ e fɛli i Kadɛs-Barnea lɔ bɔ e ´fa kpɛ Zerɛd nzue ba'n, e dili afuɛ ablasan-nin-mɔcuɛ. Kɛ ɔ ´ju sɔ'n, wuun alɛ kunfuɛ nga be o lɛ i sɔ blɛ'n nun'n be akpasua liɛ'n ɔ'a wie kɛ Anannganman kan kleli be'n sa .

Mmla'n 2:14 ပူးပေါင်းရင်းမြစ်များ

Jue Mun 106:26

Anannganman mɛnnin i sa su ɔ tali nda kɛ ɔ ´yo man be wu aawlɛ flɛnnɛn'n nun lɔ,

Jue Mun 90:15

Blɛ'n kwlaa nga a fa sokpali ye'n, man e klun jɔ ju sɔ. Blɛ'n kwlaa nga e fa wunnin e nyrun'n, man e klun jɔ ju sɔ.

Jue Mun 90:3

Wɔ yɛ man sran sɛ i sin asiɛ'n bo lɔ-ɔ. A se klɔ sran'n kɛ: «Sa ɔ́ sin kan a fin lɔ ba'n!»

Jue Mun 90:9

Ɔ ya'n ti, e nguan'n ti juɛɛ kan sa. E nyin bɔ e ´bo i-ɔ, ɔ'a wie kɛ aunngban fɛɛ kan wie sa .

Jue Mun 95:11

N fali be wun ya kpa nan m'an ta nda kɛ be su ju-man wunmiɛn delɛ lika nga m'an siesie'n nun lɔ .»

Ezekiɛl 20:15

Aawlɛ flɛnnɛn nun lɔ'n, m bɔbɔ min ekun yɛ n tali be nda kɛ n fa-man be n kɔ-man mɛn klanman nga min waan n ´fa man be i nun lɔ kun nin-ɔn. Mɛn sɔ'n i nun lɔ asiɛ'n ɔ yo like ye kpa, yɛ i kunngba'n ɔ ti nnɛn tawlɛ klanman. Mɛn sɔ'n i klanman tra mɛn'm be kwlaa.

Kalɛ 1:1

Kɛ Izraɛlfuɛ'm be tuli Ezipt lɔ'n, i afuɛ nnyɔn'n su i anglo nnyɔn su, i cɛn ba klikli'n su'n, Anannganman kannin ndɛ kleli Moiz Sinai aawlɛ flɛnnɛn'n nun lɔ tannin sua bɔ Nyanmiɛn yi i wun nglo nun'n i nun. Ɔ seli i kɛ:

Kalɛ 13:26

Kɛ be sali bé sin'n, be toli Moiz nin Aarɔn, ɔ nin Izraɛlfuɛ'm be kwlakwla Kadɛs lɔ Paran aawlɛ flɛnnɛn'n nun lɛ. Be kannin like nga be wunnin i lɔ'n i ndɛ kleli be, kpɛkuun be fali lɔ waka mma'n kleli be.

Kalɛ 32:11

‹Be nga be fin Ezipt lɔ be bali bɔ be lɛ afuɛ ablaɔn nin afuɛ ablaɔn gua su'n, be nun kun sa su wun-man mɛn nga min waan n ´fa man Abraam, nin Izaak, nin Zakɔb'n. Afin bé nyin a yi-man min.

1 Korɛntfuɛ Mun 10:5

Sanngɛ Nyanmiɛn klun a jɔ-man be kpanngban lika bé wun, ɔ man be fuɛn'n kali blo .

Mmla'n 1:19

«I sin e jasoli Orɛb lɔ, e nantili aawlɛ flɛnnɛn dan sroesroe nga amun wunnin i lɛ'n nun, e fali Amɔrfuɛ'm be oka'n i wun lɔ atin'n kɛ Anannganman e Nyanmiɛn'n kan kleli ye'n sa. Yɛ e juli Kadɛs-Barnea lɔ-ɔ.

Mmla'n 1:2

Kɛ a fɛ i Orɛb oka'n su lɔ bɔ a ´fa ju Kadɛs-Barnea lɛ'n, sɛ a fa Seir oka'm be atin'n, ɔ ti cɛn ba blu-nin-kun nantilɛ.

Mmla'n 1:46

Amun trannin Kadɛs lɛ cɛli lɛ lɔuun kpa.

Mmla'n 2:13

Anannganman seli e kɛ: «Siɛn'n, amun `jaso be `kpɛ Zerɛd nzue ba'n,» yɛ e kpɛli i-ɔ.

Mmla'n 2:16

Kɛ wie'n kunnin alɛ kunfuɛ akpasua sɔ'n bɔ be tuli lɛ'n,

Mmla'n 2:7

Afin like nga amun yoli bɔ Anannganman amun Nyanmiɛn'n man ɔ'a yo-man ye'n ɔ nun-man lɛ. Ɔ niannin amun su aawlɛ flɛnnɛn dan nga i kpɛlɛ'n nun. Afuɛ ablanan nga amun dili'n nun'n, Anannganman amun Nyanmiɛn ɔ'a kpɔci-man amun le. Like fi ɔ'a mian-man amún sa.

Zozie 24:7

Yɛ be kpan flɛli min kɛ n `uka be, nan m'an fa nyanmiɛn ble m'an sie amun nvlefuɛ'm be nin Eziptfuɛ'm be afiɛn. I sin, n yoli man nzue'n katali Eziptfuɛ'm bé su. Ɔ dili be. Amun bɔbɔ amun si sa nga n fa yoli Eziptfuɛ mun'n. Kɛ ɔ yoli sɔ'n, amun nvle'n cɛli aawlɛ flɛnnɛn nun kpa,

Zozie 5:4

Sa nga ti b'ɔ yoli sɔ'n yɛlɛ kɛ blɛ nga Izraɛlfuɛ'm be fin Ezipt lɔ be ´ba'n, wuun b'a wla sran yasua nga b'a ju alɛ kunlɛ'n be klɛn, sanngɛ be kwlaa sɔ'm be wuli aawlɛ flɛnnɛn'n nun. Ba nga be wuli be atin nun'n b'a wla-man be klɛn.

Zozie 5:6

Izraɛlfuɛ'm be nantili aawlɛ flɛnnɛn'n nun afuɛ ablanan. Be kwlaa nga kɛ be fin Ezipt be ´ba'n, wuun b'a jran alɛ kunlɛ sɔ'n, kɛ afuɛ ablanan'n ´wie'n, wuun b'a wie wu nyin kekle bɔ be yoli i Anannganman su'n ti. I sɔ'n ti kusu ɔ tali be nda kɛ ɔ su ko man-man be atin kɛ be wun mɛn fɛfɛ ng'ɔ fua kleli be nannan mun kɛ ɔ ´fa man be'n .

Jude 1:5

Ndɛ nga m ma kɛn i lɛ'n, an si i kpa, sanngɛ m ´bo su ekun. E Min Nyanmiɛn deli Izraɛlfuɛ mun Ezipt lɔ, sanngɛ i sin'n, be nga b'a lafi-mɛn i su kun'n, ɔ nunnunnin be.