Mmla'n 19:19 - NYANMIƐN NDƐ'N 1998

¹⁹ sa nga i waan ɔ ´tɔn i niaan'n i suɛn nan be `fa yo i'n, yɛ be `fa yo i bɔbɔ-ɔ. Amun `yo man sa tɛ'n tu amun afiɛn kɛ ng'ɔ o lɛ'n sa.

Mmla'n 19:19 ပူးပေါင်းရင်းမြစ်များ

Nyanndra Mun 19:5

Lalofuɛ ng'ɔ bua ato'n, san be ´tu i fɔ. Fɔ ng'ɔ fata kɛ be tu gblɛfuɛ'n, san be ´tu i.

Nyanndra Mun 19:9

Lalofuɛ ng'ɔ bua ato'n, san be ´tu i fɔ. Gblɛfuɛ'n i bɔbɔ wun mlinlɛ yɛ ɔ mlin-ɔn.

Zeremi 14:15

I sɔ'n ti, nga n kan man be'n yɛ: «Be nga m'an sunman-man be bɔ be tɔn be wun suɛn kɛ be ijɔ mín nuan'n bɔ be kɛn i kɛ: ‹Alɛ su tɔ-man mɛn nga nun, awe su kpɛn-man mɛn nga nun.›, be nga be tɔn be wun suɛn kɛ be ti min nuan ijɔfuɛ'n, alɛ'n nin awe'n yɛ ɔ ´kun be-ɔ.

Daniɛl 6:24

Famiɛn'n i klun jɔli dan kpa, nan ɔ'a se kɛ be `yi Daniɛl kunman'n nun fite. Be yili Daniɛl kunman'n nun fiteli. Kɛ be niɛn-niɛnnin i wun'n, b'a wun-man kɛ i lika kaan sa ti kplowa. Afin ɔ fɛli i wla'n kwlaa guɛli i Nyanmiɛn'n su.

Daniɛl 6:25

Famiɛn'n waan be `tra be nga bɔ be fali Daniɛl ko kpɛli i'n be nin bé yi mun, nin be mma mun, nan be `fa be yi asɔmɔli'm be sin kunman'n nun lɔ. I sin nan b'a ju kunman'n i bo lɔ bɔbɔ'n, lalaa kpa asɔmɔli'm b'a sɔ be nun b'a titi be nun trɛtrɛtrɛ, yɛ b'a bubu be owie'm be kwlaa be nun.

Mmla'n 13:5

Anannganman amun Nyanmiɛn'n yɛ amun `su i-ɔ. Amun nyin `yi i, amun `fɛ i mmla'm bé su, amun `tie i aniɛn'n, amun `su i, yɛ amun `fa amún wun mɛntɛn i kpa.

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 17:7

Sɛ ɔ ti i kunlɛ'n, lalofuɛ'm be yɛ be `dun mmua fin i yɛbuɛ nan sran'm be kwlaa b'a fin i wie-ɔ. Amun `yi sa tɛ'n amun afiɛn kɛ ng'ɔ o lɛ'n sa.

Mmla'n 19:20

Kɛ be nga'm be ´ti'n, srɛ wa kun be. Kpɛkuun be su yo-mɛn i sɔ sa tɛ'n amun afiɛn kun.

Mmla'n 22:21

man be fɛ i wɔ i si i sua'n nyrun lɔ, nan klɔ'n sufuɛ'm be `finfin i yɛbuɛ be `kun i. Kɛ b'ɔ o i si awlo lɔ bɔ tekle yɛ ɔ bo'n, b'ɔ yo tete sa Izraɛl mɛn'n nun'n, i ti man ɔ wu. Amun `tu sa tɛ'n amun afiɛn kɛ ng'ɔ o lɛ'n sa.

Mmla'n 22:24

amun `fa be sran nnyɔn'n be wɔ klɔ'n i anuan'n nun lɔ, amun `finfin be yɛbuɛ man be wu. Talua'n i kunlɛ liɛ'n, i bo yɛlɛ kɛ ɔ'a kpan-man man klɔ'n nunfuɛ'm b'a ti-man. Yasua'n i liɛ'n yɛlɛ kɛ ɔ'a sokpa i wiengu kun i bla'n bɔ ɔ'a trɛ i ase'n. Amun `tu sa tɛ'n amun afiɛn kɛ ng'ɔ o lɛ'n sa.

Mmla'n 24:7

Sɛ amun wun sran kun kɛ ɔ'a trɛ i niaan Izraɛlfuɛ kun je, nan ɔ'a fɛ i ɔ'a yo i kanga'n annzɛ kusu ɔ'a yo i atɛ'n, amun `kun i sɔfuɛ'n. Amun `yi sa tɛ'n amun afiɛn kɛ ng'ɔ o lɛ'n sa.