Mmla'n 19:15 - NYANMIƐN NDƐ'N 1998

¹⁵ Sɛ sran kun ɔ kun sran annzɛ sɛ ɔ yo sa tɛ uflɛ wie'n, nan sran kunngba yɛ ɔ di i wun lalo'n, be kwla jran-man su be bu-mɛn i fɔ. San sɛ sran nnyɔn, annzɛ sran nsan yɛ be di i wun lalo'n, yɛ be kwla jran su-ɔ.

Mmla'n 19:15 ပူးပေါင်းရင်းမြစ်များ

1 Famiɛn Mun 21:10

Man finfinfuɛ nnyɔn be trɛn i nyrun ndɛnman su lɛ, yɛ man be tɔn i suɛn be se kɛ: ‹A boli Nyanmiɛn nin famiɛn'n be sannzan.› Kpɛkuun amun `yi i klɔ'n nun fite, yɛ man be finfin i yɛbuɛ be kun i.»

1 Famiɛn Mun 21:13

Sran finfinfuɛ nnyɔn be bali be wa trannin i nyrun ndɛnman su lɛ, kpɛkuun be tɔnnin i suɛn nzrafuɛ'm be nyrun. Be waan: «Nabɔt boli Nyanmiɛn nin famiɛn'n be sannzan.» Yɛ be fali Nabɔt klɔ'n nun fiteli, nan b'a ko finfin i yɛbuɛ b'a kun i.

Kalɛ 35:30

Sɛ sran kun ɔ kun sran'n, bɔ a ´wun kɛ be ´kun i wie'n, wuun b'a ti i wun ndɛ lalofuɛ kaka be nuan nun. Lalofuɛ kunngba cɛ i ndɛ'n ju-man.

Matthieu 18:16

Sanngɛ sɛ ɔ wun-mɛn i wlɛ'n, fa sran kun annzɛ nnyɔn uka ɔ su, afin san sran nnyɔn annzɛ nsan be ndɛ'n yɛ be bu i nanwlɛ-ɔ .

Jean 7:51

«E mmla'n nun sran nga be nian ti-mɛn i nuan nun ndɛ bɔ be nian wun-man sa ng'ɔ yoli'n, be bu-mɛn i fɔ.»

Jean 8:17

Be klɛli amun mmla'n nun kɛ, sɛ sran nnyɔn be kan ndɛ kun'n, ɔ ti nanwlɛ .

2 Korɛntfuɛ Mun 13:1

Amun wun lɔ balɛ bɔ m ´ba'n, i kpɛ nsan yɛ. Be klɛli i kɛ: «Ndɛ kwlaa nga be kan'n, sɛ sran kunngba yɛ ɔ kan'n, be fa-man san sran nnyɔn annzɛ nsan be ndɛ'n yɛ be bu i nanwlɛ-ɔ .»

Mmla'n 17:6

Sran nga be ´kun i'n man i wun lalo difuɛ'n yo nnyɔn annzɛ nsan. Sɛ sran kunngba yɛ ɔ di i wun lalo'n, be kun i-ɔ ɔ yo-man ye .

1 Timote 5:19

Sɛ be kan asɔnun kpɛnngbɛn wie wun ndɛ kle wɔ'n, sɛ w'a tie-mɛn i sran nnyɔn annzɛ nsan bé nuan nun'n, nán fa su .

Hébreu 10:28

Sran kwlaa ng'ɔ tɔn Moiz mmla'n, sɛ sran nnyɔn annzɛ nsan be kan'n, be si-mɛn i aunnvuɛ, be kun i .