Mmla'n 19:13 - NYANMIƐN NDƐ'N 1998

¹³ Nán amun si i sɔfuɛ'n i aunnvuɛ. Sran nga i wiengu ɔ'a yo-man sa, b'ɔ kun i'n, amun `kun i wie man ɔ tu Izraɛl mɛn'n nun, nan amu'an di alaje.

Mmla'n 19:13 ပူးပေါင်းရင်းမြစ်များ

Bo Bolɛ 9:6

Sran ng'ɔ guɛ i wiengu mmoja ase'n, sran uflɛ ´guɛ i mmoja liɛ'n i ase yɛlɛ kɛ Nyanmiɛn yili sran kɛ i bɔbɔ sa.

2 Samiɛl 14:7

Kpɛkuun min osufuɛ'm b'a jaso mín wun kpan. Be waan: ‹Fa ba ng'ɔ kunnin i niaan'n fa bla man e kun i e sie i osu, nan aja difuɛ sɔ'n tu lɛ.› Ɔ ti kɛ min osu kan'n yɛ be waan be ´nunnun i-ɔ. Be klo kɛ mín wun i dunman'n nunnun mlɔnmlɔn asiɛ'n su.»

2 Samiɛl 21:1

David i blɛ su'n, awe kun kpɛnnin. Ɔ dili afuɛ klonglo nsan, nan David ɔ'a srɛ Anannganman, yɛ Anannganman tɛli i su kɛ: «Sail nin i awlofuɛ'm be sran kunlɛ'n ti-ɔ. Gabaɔnfuɛ'm bɔ be kunnin be'n i ti-ɔ.»

2 Samiɛl 21:14

I sin be ko sieli Sail nin i wa Zonatan be owie'n Bɛnzamɛn nvle'n nun Sela lɔ Sail i si Kis i asieliɛ'n nun. I kwlaa nga famiɛn'n kannin'n, be niannin su be yoli. Kɛ ɔ yoli sɔ'n, yɛ Nyanmiɛn nin mɛn sɔ nunfuɛ'm be dili-ɔ.

1 Famiɛn Mun 2:31

Famiɛn'n seli i kɛ: «Yoo! Kun i e, kun i nan sie i. Kɛ ɔ ko yo sɔ'n, wuun sran nnyɔn nga b'a fɔn-man b'ɔ kunnin be'n be sannzan liɛ'n ɔ'a tu e nin mín si e osu'n i su.

Ezekiɛl 16:5

Sran ba kun sa ɔ'a si-man wɔ aunnvuɛ nan ɔ'a yo ninnge sɔ'm be nun kun ɔ'a man wɔ. Wɔ aunnvuɛ b'ɔ b'a si-man wɔ'n ti, kɛ be wuli wɔ'n, be yili wɔ blo ijre nun, yɛlɛ kɛ ɔ́ wun yoli be tɛ.

Saun Yolɛ 24:17

Sɛ sran kun ɔ kun i wiengu sran'n, ɔ fata kɛ be kun i wie.

Saun Yolɛ 24:21

Sran ng'ɔ kun nnɛn kun'n, ɔ fata kɛ ɔ sie i osu. Sanngɛ sran nga kusu b'ɔ kun sran'n, ɔ fata kɛ be kun i wie.

Kalɛ 35:31

Nán amun sɔ sran b'ɔ kunnin sran b'ɔ fata kɛ be kun i wie'n i ti kpatalɛ like'n nun, ɔ fata kɛ ɔ wu.

Mmla'n 19:12

klɔ'n su kpɛnngbɛn'm be `sunman sran kɛ be ko trɛ i, kpɛkuun be `fɛ i wla sran ng'ɔ wuli'n i klunngbɔ tufuɛ'n i sa nun, nan ɔ kun i.

Mmla'n 19:21

Nán amun si i sɔ abɔlɛfuɛ'm be aunnvuɛ. Amun `tu be fɔ. Sɛ sran kun ɔ kun sran'n, be `kun i wie sie i osu. Sɛ ɔ bo sran kun nyinma'n, be `bo i liɛ'n wie sie i osu. Sɛ ɔ tu sran je'n, be `tu i liɛ'n wie sie osu. Sɛ ɔ bu sran sa'n, be `bu i liɛ'n wie sie osu. Sɛ ɔ bu sran ja'n, be `bu i liɛ'n wie sie osu.

Mmla'n 21:9

I sɔ nun'n, wuun amun ´yo ng'ɔ ti sɛsɛ Anannganman nyrun'n, amun ´yi sran ng'ɔ kunnin sran nga ɔ'a yo-man sa'n, i fɔ'n amún su.

Mmla'n 25:12

man be kpɛ bla sɔ'n i sa'n, nán be si i aunnvuɛ.

Mmla'n 7:16

Amun `nunnun nvle nga Anannganman amun Nyanmiɛn'n fa be man amun'n be kwlakwla. Nán amun si be aunnvuɛ. Nán amun sɔ be amuɛn'm be wie. Sɛ amun yo sɔ-ɔ, amuɛn sɔlɛ ɔ ´tra amun kɛ aya sa.

Mmla'n 7:2

Sɛ Anannganman amun Nyanmiɛn'n fa be man amun nan amun kwla be'n, amun `nunnun be mlɔnmlɔn. Nán amun nin be tra aenguɛ, nán amun si be aunnvuɛ.