Mmla'n 18:3 - NYANMIƐN NDƐ'N 1998

³ Like ng'ɔ ti bɔ Izraɛlfuɛ'm be `fa man Nyanmiɛn nyrun jranfuɛ'm be yɛ: sɛ be kun nannin tola, annzɛ bua, annzɛ boli be fa yi tɛ be man Anannganman'n, i walɛ'n nin i aoje'n, ɔ nin i fle'n be ti be liɛ.

Mmla'n 18:3 ပူးပေါင်းရင်းမြစ်များ

Ezipt Lɔ Tulɛ'n 29:27

Kɛn i weiin kɛ bua nene i wue'n bɔ be toto i Anannganman i nyrun'n, ɔ nin i walɛ bɔ be fa kleli i'n, be ti i liɛ klonglo.

Ezipt Lɔ Tulɛ'n 29:28

I sɔ'n ti, blɛ kwlaa nun'n, kɛ Izraɛlfuɛ'm be ´yi bo kun yolɛ i su tɛ'n, man be yi nnɛn i lika sɔ mun be fa man Aarɔn nin i osu'n nunfuɛ mun tititi, afin be ti be liɛ.

Saun Yolɛ 22:7

I liɛ'n kɛ be ´se kɛ wia'n ɔ'a tɔ cɛ'n, wuun fiɛn'n ɔ'a wie i wun. Ɔ kwla di ninnge nga be mannin min'n wie, afin ninnge diwa sɔ'm be ti i liɛ.

Kalɛ 18:11

Amun `fa cɛlɛ ninnge nga Izraɛlfuɛ'm be fa man min sran'm be kwlakwla be nyrun'n i bue be uka amun liɛ'n su. Amun liɛ lika nga n ´fa man amun, a nin ɔ osu nun sran mun tititi'n yɛ ɔ o lɛ-ɔ. Be kwlaa nga be ti saun'n, be yɛ be `di-ɔ.

Kalɛ 18:12

Fie su ninnge klikli'n, n ´fa man amun: sɛ ngo o, sɛ nzan o, sɛ ble o, ninnge sɔ'm be klikli'n bɔ Izraɛlfuɛ'm be fa man min'n, n ´fa man amun.

Mmla'n 12:27

Sɛ tɛ nga be yra be nnɛn'n kɔlikɔli'n yɛ amun yi'n, amun `fa nnɛn ba'n be sie i Anannganman amun Nyanmiɛn'n i sɔwlɛ'n su, yɛ amun `fa nnɛn'n i mmoja'n be guɛ i Nyanmiɛn sɔwlɛ kunngba'n su. Sɛ tɛ uflɛ yɛ amun yi'n, amun `fa nnɛn'n i mmoja'n be guɛ i Anannganman amun Nyanmiɛn'n i sɔwlɛ'n su kpɛkuun amun `di nnɛn ba'n.