Mmla'n 18:20 - NYANMIƐN NDƐ'N 1998

²⁰ Sran nga kusu b'ɔ di wlɛwlɛ ɔ fa min dunman'n fa kan ndɛ nga m'an se-mɛn i kɛ ɔ kan'n, annzɛ b'ɔ kan ndɛ amuɛn wie dunman nun'n, i sɔfuɛ'n be ´kun i.»

Mmla'n 18:20 ပူးပေါင်းရင်းမြစ်များ

1 Famiɛn Mun 13:19

Nyanmiɛn nuan ijɔfuɛ'n ɔ nin i be sali bé sin. Ɔ ko dili like, ɔ nɔnnin nzue bian'n i awlo lɔ.

1 Famiɛn Mun 18:19

I sɔ'n ti sunman sran man be ko sese Izraɛlfuɛ'm be kwlaa kɛ e `yia Karmɛl oka'n su lɔ. Baal i nuan ijɔfuɛ ya-nnan-ablenun, ɔ nin waka nga be taka bɔ be sɔ'n i nuan ijɔfuɛ ya nnan bɔ bé nin Zezabɛl be yia be di like'n, man be bla wie.»

1 Famiɛn Mun 18:27

Kɛ wia'n juli bé ti afiɛn'n, Eli yoli be fiaan, ɔ seli be kɛ: «Amun `kpan kekle! Ɔ ti amun amuɛn'n, wienun-ɔn, ɔ su bu like wie akunndan, annzɛ i sa ti mianwa, annzɛ kusu ɔ'a tu ajalɛ. Wienun-ɔn, ɔ su lafi, yɛ ɔ fata kɛ be tinnge i.»

1 Famiɛn Mun 18:40

Yɛ Eli seli be kɛ: «Amun `tra Baal i nuan ijɔfuɛ mun, nán ba kun sa wanndi!» Yɛ be trali be-ɔ. Eli fali be ɔli Kizɔn nzue ba'n nuan lɔ nan ɔ'a kpɛ be kɔmin.

Zeremi 2:8

Nyanmiɛn nyrun jranfuɛ'm b'a usa-man kɛ: ‹?Anannganman kpa'n wo nin?› Be bɔ mmla'n wo bé sa nun'n, b'a si-man min. Amun su kpɛnngbɛn'm be jasoli mín wun. Nyanmiɛn nuan ijɔfuɛ'm be yoli Baal nuan ijɔfuɛ. Like nga be yo-man like fi ye'n, bé wun yɛ be fali bé wun mantannin-ɔn.

Zeremi 23:30

Anannganman waan: «Ɔ man min Anannganman'n e nin be nga be tɔn bé wun suɛn kɛ be ijɔ min nuan'n, bɔ be wua min nuan ndɛ nga min nuan ijɔfuɛ'n be kan'n, e wa yia nun.

Zeremi 23:31

Min Anannganman, be nga be fa be bɔbɔ be ndɛ'n be fa yo min ndɛ be kan'n, e nin be e wa yia nun.

Zeremi 26:11

Yɛ Nyanmiɛn nyrun jranfuɛ mun nin Nyanmiɛn nuan ijɔfuɛ'm be seli famiɛn'n i awlo lɔ sran dandan mun nin sran nga be o lɛ'm be kɛ: «Ɔ kannin klɔ nga i wun ndɛ tɛ, yɛ amun bɔbɔ be tili i lɛ-ɔ, ɔ man i ti be `kun i.»

Zeremi 27:15

Anannganman wan yoo: «M'an sunman-man be. Bé wun suɛn yɛ be tɔn i kɛ be ijɔ mín nuan lɛ ngbɛn-ɔn. Sɛ amun tie be ndɛ'n, n ´fuan amun, amun ´wu, amun nin be nga be tɔn bé wun suɛn kɛ be ti min nuan ijɔfuɛ sɔ mun yɛ amun ´wu-ɔ.»

Ezekiɛl 13:6

Be aolia nun sa nga be wun be'n be ti ngbɛn-ngbɛn, wunnzue nga be yi'n ɔ ti ato. Be se kɛ: Ndɛ nga Anannganman kan'n yɛ, kusu wuun nán Anannganman'n yɛ ɔ sunmannin be-ɔ. Be yo man sran'm be fa bé wla gua su kɛ be ndɛ'n i nuan wa yia.

Zakari 13:2

«I sɔ blɛ nun'n, n ´yo man amuɛn'm be dunman'n ´nunnun mɛn'n nun, ɔ man be su bo-man be dunman be di-man jɔlɛ kun. Be nga be tɔn bé wun suɛn kɛ be ti min nuan ijɔfuɛ'n, n ´nunnun be. Kpɛkuun amuɛn'm be akunndan bulɛ'n, n ´yi i sran'm bé ti nun.» Anannganman b'ɔ sie mɛn wunmuan'n yɛ ɔ kan sɔ-ɔ.

Zakari 13:3

«Sran ng'ɔ di wlɛwlɛ kɛ ɔ ´ijɔ min nuan ekun'n, i si nin i nin nga be wuli i'n be ´se i kɛ yoo: ‹Kɛ bɔ a bua ato guɛ i Anannganman wun'n, wulɛ yɛ a ´wu-ɔ.› Ɔ man sɛ i si nin nin be ´nian nan ɔ su kɛn i ndɛ sɔ mun'n, be ´wɔ i cua be ´kun i.

Matthieu 7:15

«An `sasa amún wun be nga be tɔn bé wun suɛn kɛ be ti Nyanmiɛn nuan ijɔfuɛ'n be lika. Be fa bua kplo wla bé wun, be ba amún wun, sanngɛ be ti gboklo be saci nnɛn mun .

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 17:12

Ndɛ nga Nyanmiɛn nyrun jranfuɛ b'ɔ di junman Anannganman amun Nyanmiɛn'n i sua'n nun'n annzɛ jɔlɛ difuɛ'n be kan'n, sɛ wun tufuɛ wie fa-man su'n, man be kun i sɔfuɛ'n. Amun `yi sa tɛ'n Izraɛl mɛn'n nun kɛ ng'ɔ o lɛ'n sa.

Mmla'n 18:21

Wienun-ɔn, amun ´usa amún wun kɛ: «?E ´yo sɛ nan y'a si kɛ nán Anannganman yɛ ɔ kannin ndɛ nga-a, annzɛ i yɛ ɔ kannin-ɔn?

Mmla'n 18:22

Sran nga i waan ɔ ti Anannganman nuan ijɔfuɛ b'ɔ fa Anannganman dunman fa kan ndɛ wie kpɛkuun ndɛ sɔ'n ɔ'a kpɛn-man su'n, wuun nán Anannganman yɛ ɔ kannin-ɔn. Sran sɔ'n bɔbɔ yɛ ɔ dili wlɛwlɛ kannin ndɛ sɔ nin-ɔn. Nán srɛ kun amun i wun.»

2 Piɛr 2:12

Sanngɛ sran sɔ'm be yo sa kɛ blo nnɛn bɔ be wun-man sa wlɛ bɔ be wu be kɛ be tra be be kun be'n, be liɛ'n sa, yɛ like nga be wun-mɛn i wlɛ'n, be kɛn i ndɛ kɛ ɔ ti-man kpa. Be ´wu kɛ blo nnɛn'm be liɛ'n sa.

Sa nglô yile 19:20

Be trali nnɛn'n, nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ b'ɔ yili atrɛ nnɛn'n i nyrun'n. I atrɛ sɔ'n yɛ ɔ fa laka be bɔ nnɛn'n i nzɔliɛ'n wo be wun'n, nin be nga be koto nnɛn'n i wunsu bɔ be yoli'n i bo nin-ɔn. Be trali be nnyɔn'n be guali be sin dan bɔ sufru o nun, b'ɔ jue'n nun.

Jɔlɛ Difuɛ Mun 2:15

Alɛ kwlaa nga be kunnin'n, Anannganman ɔ'a jran-man bé sin kɛ Anannganman bɔbɔ dun mmua kan kleli be'n sa. Ɔ'a jran-man be sin kɛ ɔ tali nda kleli be'n sa. I sɔ'n ti awlaboɛ dan kpa tɔli be su .