Mmla'n 18:2 - NYANMIƐN NDƐ'N 1998

² Be su nyan-man asiɛ'n wie Izraɛlfuɛ'm be nun. Be like liɛ bɔ be lɛ i'n, yɛlɛ Anannganman i sulɛ kɛ ɔ fa kan kleli be'n sa.

Mmla'n 18:2 ပူးပေါင်းရင်းမြစ်များ

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Jue Mun 119:57

Ee Anannganman, like ng'ɔ nin min ka bɔ n kɛn i ndɛ titi'n, yɛlɛ ɔ ndɛ'm be su falɛ'n.

Jue Mun 16:5

Anannganman, min like liɛ nga n nyɛnnin i'n, yɛlɛ wɔ. Wɔ yɛ a ti min wun nyan-man nun-ɔn. Ɔ sa nun yɛ min nguan'n ɔ wo-ɔ.

Jue Mun 84:11

Nanwlɛ, sɛ be tran ɔ sua'n i awlo'n nun cɛn ba kunngba cɛ bɔbɔ'n, ɔ ti kpa tra kɛ b'a di cɛn akpi lika uflɛ'n. Sran nga be bu-man wɔ like fi'n, bɔ be bu-man ɔ nuan ndɛ'n i like fi'n, kɛ e nin be e ko tran'n, ɔ flunman kɛ n tran ɔ sua'n i anuan'n nun lɛ.

Ezai 61:6

Sanngɛ amun liɛ'n, be ´flɛ amun kɛ Anannganman i Nyrun Jranfuɛ mun. Be ´se kɛ amun liɛ'n, amun ti Nyanmiɛn'n i junman difuɛ mun. Amun ´di nvle-nvle'm be nunfuɛ'm bé bo ninnge'm bé su. Yɛ be nyrun bɔ be lɛ i'n, ɔ ´kaci amun liɛ .

Ngwlɛ Yilɛ 3:24

N wan yoo: «Anannganman ti min like kpa yɛ m'an nyɛn i-ɔ. Nga ti bɔ mín wla'n ɔ o i su'n yɛ ɔ o lɛ-ɔ.»

Ezekiɛl 44:28

«M bɔbɔ min yɛ n ti be like liɛ nin-ɔn. Be like liɛ'n nga be nyɛnnin i yɛ ɔ o lɛ-ɔ. Nán amun man be asiɛ Izraɛl lɔ. M bɔbɔ yɛ n ´kaci be asiɛ liɛ nin-ɔn .

Kalɛ 18:20

Yɛ Anannganman seli Aarɔn kɛ: «Asiɛ nga n wa fa man Izraɛlfuɛ mun, n su man-man wɔ wie. Min yɛ n ti ɔ lika liɛ bɔ a ko nyɛn i nin-ɔn, min yɛ n ti wɔ anyanbeun like liɛ Izraɛlfuɛ'm be afiɛn-ɔn.»

Kalɛ 18:7

Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Mmla'n 10:9

I sɔ'n ti yɛ Levifuɛ'm b'a nyan-man asiɛ kɛ be niaan'm be sa nin-ɔn. Be like liɛ nga be nyɛnnin i'n yɛlɛ Anannganman i sulɛ kɛ Anannganman amun Nyanmiɛn'n kan kleli be'n sa.

Zozie 13:14

Levi akpasua'n i ngunmin yɛ b'a mɛn-mɛn i asiɛ'n wie-ɔ. I lika liɛ ng'ɔ ko nyɛn i'n yɛlɛ tɛ nnɛn nga be yrɛ i sin su be man Anannganman b'ɔ ti Izraɛl Nyanmiɛn'n, kɛ Anannganman bɔbɔ kannin sɔ-ɔ.

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .