Mmla'n 18:18 - NYANMIƐN NDƐ'N 1998

¹⁸ N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.

Mmla'n 18:18 ပူးပေါင်းရင်းမြစ်များ

Jue Mun 110:4

Anannganman ɔ tali nda. Ɔ lɛ-man kɛ ɔ ko yo-man. I waan: «A ti Nyanmiɛn nyrun jranfuɛ bɔ a ´ka lɛ titi kɛ Mɛlkizedɛk liɛ'n sa .»

Jue Mun 2:6

I waan: «M bɔbɔ min yɛ n sieli famiɛn'n bɔ n fɛli i Siɔn b'ɔ ti min oka'n i su lɔ nin-ɔn.»

Ezipt Lɔ Tulɛ'n 4:12

Kɔ siɛn'n, kɛ a ´ijɔ'n, n ´uka wɔ, n ´kle wɔ ndɛ nga ɔ fata kɛ a kan'n.»

Ezipt Lɔ Tulɛ'n 4:15

Kan ndɛ'n kle i, ndɛ nga ɔ fata kɛ ɔ kan'n, kan kle i. Blɛ bɔ amun ´ijɔ'n, m bɔbɔ n ´jran amun sran nnyɔn'n amun sin. N wa kle amun like nga ɔ fata kɛ amun yo'n.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Ezai 51:16

N ´fa min ndɛ'n n wla amún nuan. N ´fa mín sa'n i fɔnvɔ'n n kata amún su, nan n ´tinngɛ nyanmiɛn'n b'ɔ la nglo lɔ plaii'n nun kɛ bɛ sa, nan n ´wla asiɛ'n i bo ase. N se Siɔnfuɛ'm be kɛ: «Amun ti min nvle'n nunfuɛ mun .»

Ezai 51:4

Anannganman waan: «Min sran mun, amun `sie amun su mín nuan bo! Min nvle'n nunfuɛ mun, amun `tie ndɛ bɔ n kan'n! Afin n wa sie mmla. N wa di jɔlɛ, jɔlɛ dilɛ sɔ'n, ɔ ´yo kɛ nvle-nvle'm be like b'ɔ kpaja'n sa.

Zeremi 1:9

Yɛ Anannganman tinngɛli i sa'n nun nan ɔ'a kan mín nuan'n, yɛ ɔ seli min kɛ: «M'an fa min ndɛ'n m'an wla ɔ́ nuan.

Ndɛ Nga Nyanmiɛn I Nuan Ijɔfuɛ Oze Kannin'n 12:14

Anannganman sunmannin i nuan ijɔfuɛ kun, i yɛ ɔ ko fali Izraɛlfuɛ mun Ezipt lɔ bali-ɔ. Nyanmiɛn nuan ijɔfuɛ kun kusu yɛ ɔ sieli i kɛ ɔ niɛn i sran'm be su-ɔ.

Amɔs 2:11

N kpali amun mma yasua'm be wie mun n fa yoli min nuan ijɔfuɛ. N kpali amun nvle'n nun gbanflɛn'm be wie mun. N fali be n yoli m bɔbɔ min Nyanmiɛn min liɛ klonglo. ?Izraɛlfuɛ mun, ɔ'a yo-man sɔ?» Anannganman'n yɛ ɔ usa amun sɔ-ɔ !

Malasi 3:1

Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

Kalɛ 12:13

Yɛ Moiz sun flɛli Anannganman-an, ɔ seli kɛ: «Ee Anannganman, n ´srɛ wɔ kpa ti-ɔ, yo i juejue.»

Kalɛ 23:16

Anannganman yili i wun nglo kleli Balaam, ɔ fɛli i ndɛ'n wlɛli i nuan, nan ɔ'a se i kɛ ɔ `sɛ i sin Balak wun lɔ.

Kalɛ 23:5

Ndɛ ng'ɔ fata kɛ Balaam kan'n, Nyanmiɛn fa wlɛli i nuan, nan ɔ'a se i kɛ ɔ `sɛ i sin Balak wun lɔ.

JÉSUS-CHRIST I DYASIN FE'N BO LUC KLELI'N 24:19

Yɛ ɔ usali be kɛ: «?Nguɛ sa-a?» Yɛ be seli i kɛ: «Sa nga be yoli Jésus b'ɔ fin Nazarɛt'n, i ndɛ yɛ e kan-an. Ɔ ti Nyanmiɛn nuan ijɔfuɛ b'ɔ yo sa kekleekle b'ɔ si ijɔ kpa Nyanmiɛn nin sran'm be nyrun.

Jean 1:21

Yɛ be usɛli i ekun kɛ: «?Wuun, wan yɛlɛ wɔ? ?Eli yɛlɛ wɔ ?» Ɔ seli be kɛ nɛ́n i yɛlɛ i. Be usɛli i ekun kɛ: «?Nyanmiɛn nuan ijɔfuɛ'n yɛlɛ wɔ?» Ɔ seli be kɛ: «Cɛcɛ.»

Jean 1:25

be usali Zan kɛ: «?Sɛ a ti-man Krist nin Eli nin Nyanmiɛn nuan ijɔfuɛ'n, nguɛ ti yɛ a yo sran'm be batɛm nin-ɔn?»

Jean 1:45

Filip ko toli Natanaɛl, yɛ ɔ seli i kɛ: «Y'a wun sran nga e kɛnngɛn i ndɛ Moiz mmla fluwa'n nin Nyanmiɛn nuan ijɔfuɛ'm be liɛ'n nun'n, yɛlɛ Zozɛf i wa Jésus b'ɔ fin Nazarɛt.»

Jean 12:48

Sran ng'ɔ sɔ-man min nun b'ɔ fa-man min ndɛ'n su'n, sran ng'ɔ nin i be ´di jɔlɛ'n wo lɛ. Ndɛ nga n kannin'n su yɛ be wa jran bu i fɔ mɛn'n i awieliɛ-ɔ.

Jean 15:15

N flɛ-man amun n sran kun, afin kanga'n si-man like nga i min'n yo'n. Sa ti bɔ n flɛ amun n janvuɛ'n yɛlɛ kɛ like nga n suɛnnin n Si sa nun'n, n kleli amun i kwlaa.

Jean 17:18

Kɛ a fa sunman min mɛn'n nun'n, n kusu n fa sunmannin be mɛn'n nun sɔ.

Jean 17:8

afin ndɛ nga a kan kleli min'n, n kan kleli be, yɛ be fali su. B'a wun i wlɛ weiin kɛ n fin ɔ wun lɔ, yɛ b'a lafi su kɛ wɔ yɛ a sunmannin min-ɔn.

Jean 4:25

Bla'n seli i kɛ: «N si kɛ Mɛsi bɔ be flɛ i Krist'n ɔ ´ba. Sɛ ɔ ba'n, ɔ ´kan ndɛ'n kwlaa kle ye.»

Jean 8:28

I sɔ'n ti ɔ seli be kɛ: «Cɛn nga an man m bɔ n kacili Sran'n n su'n, i cɛn sɔ'n nun yɛ amun ´si n wafa nga n ti nin-ɔn. I cɛn sɔ'n nun yɛ amun ´si kɛ m bɔbɔ n kpɛ-man n klun n yo-man like fi san ndɛ nga n Si kan kle min'n yɛ n kan-an.

Sa nga bé yôli'n 3:22

Moiz seli kɛ: ‹Amun Min Nyanmiɛn wa sie amun niaan'm be nun kun i nuan ijɔfuɛ kɛ ɔ sieli min'n sa ´fa man amun, ndɛ kwlaa ng'ɔ kan kle amun'n, amun ´fa su.

Sa nga bé yôli'n 7:37

Moiz sɔ'n yɛ ɔ kan ndɛ kleli Izraɛlfuɛ mun nin-ɔn. I waan: ‹Nyanmiɛn wa fa amun niaan'm be nun kun sie i i nuan ijɔfuɛ kɛ ɔ fa min sieli'n sa ´man amun.›

Mmla'n 18:15

Anannganman amun Nyanmiɛn'n ɔ wa man amun i nuan ijɔfuɛ kun kɛ min sa b'ɔ ti amun nvle'n nunfuɛ. Amun `fa ndɛ ng'ɔ ´kan'n su.

Mmla'n 33:5

I nun bɔ Izraɛl kpɛnngbɛn'm be yiali'n, bɔ Izraɛl akpasua-akpasua be sufuɛ'm be yiali'n, yɛ ɔ yoli Izraɛl'n i famiɛn nin-ɔn.

Mmla'n 34:10

Kɛ ɔ fɛ i lɛ'n, Nyanmiɛn nuan ijɔfuɛ bɔ Anannganman jran sa ɔ nin i koko yalɛ kɛ Moiz liɛ'n sa'n, b'a wun-mɛn i sɔ Izraɛl mɛn'n nun kun.

Mmla'n 5:5

Kɛ ɔ ´yo sɔ'n, wuun n jin Anannganman nin amun be afiɛn, yɛ n kan i nuan ndɛ'n n kle amun-ɔn. Afin kɛ amun wunnin sin'n, srɛ kunnin amun. Amun waan amun fu-man oka'n su lɔ. Anannganman seli amun kɛ:

1 Timote 2:5

Afin Nyanmiɛn'n ti kun, yɛ kpatafuɛ ng'ɔ jran sran'm bé nuan kpata Nyanmiɛn'n ti kun kusu, yɛlɛ Krist-Jésus, ɔ ti sran.

Hébreu 7:22

I sɔ'n ti'n, Jésus man e si kɛ sa nga Nyanmiɛn se kɛ ɔ ´yo man ye'n ti kpa tra laa liɛ ng'ɔ yoli'n.