Mmla'n 18:16 - NYANMIƐN NDƐ'N 1998

¹⁶ Kɛ e yiali Orɛb lɔ'n, ndɛ nga amun bɔbɔ amun kan kleli Anannganman amun Nyanmiɛn'n yɛ ɔ lɛ-ɔ. Amun seli i kɛ: «E su kwla tie-man Anannganman i nɛn'n sa cɛn'n kwlakwla. E su kwla nian-man sin dan nga sa titi. Ɔ ´yo sɔ san e ´wu.»

Mmla'n 18:16 ပူးပေါင်းရင်းမြစ်များ

Ezipt Lɔ Tulɛ'n 20:18

Izraɛlfuɛ'm be kwlaa be tili nyanmiɛn b'ɔ kpan kplannan kplannan i ngan ɔ nin awɛ b'ɔ tɛ'n. Be kwlaa be wunnin nyanmiɛn'n i sin b'ɔ kpa piapia'n, ɔ nin oka'n b'ɔ ti sin wɛnsrɛn ngunmin'n, yɛ be tɔli usulɛ'n su-ɔ srɛ b'ɔ kun be'n ti. Be jran mmua lɔ.

Ezipt Lɔ Tulɛ'n 20:19

Be seli Moiz kɛ: «Ɔ bɔbɔ kan ndɛ'n kle ye. Nán Nyanmiɛn bɔbɔ kan ndɛ'n kle ye kun. Sɛ ɔ'a yo-man sɔ'n, e ´wu .»

Zeremi 1:9

Yɛ Anannganman tinngɛli i sa'n nun nan ɔ'a kan mín nuan'n, yɛ ɔ seli min kɛ: «M'an fa min ndɛ'n m'an wla ɔ́ nuan.

Mmla'n 1:6

Moiz waan: «Kɛ e o Orɛb oka'n su lɔ'n, Anannganman e Nyanmiɛn'n seli e kɛ: Amu'an tran oka nga bo wa b'a cɛ dan.

Mmla'n 10:4

Nan Anannganman ɔ'a klɛ yɛbuɛ paplaapla nnyɔn'm bé su kɛ ɔ fa klɛli klikli liɛ'm bé su'n sa. Ɔ klɛli mmla blu yɛbuɛ sɔ'm be su. Kɛ amun yiali'n, mmla sɔ'n yɛ ɔ jrannin sin nun kan kleli amun nin-ɔn. Kɛ ɔ ´kan'n, wuun ɔ o oka'n su lɔ. I sin ɔ fali be mannin min.

Mmla'n 9:10

Nan Anannganman ɔ'a fa yɛbuɛ paplaapla nnyɔn sɔ mun ɔ'a man min. I bɔbɔ fɛli i sama klɛli be su. Ndɛ nga ɔ jrannin sin nun kɛnnin i oka'n su lɔ'n i nun b'ɔ yiali amun'n, i kwlaa o yɛbuɛ sɔ'm be su.

Hébreu 12:19

Be tili awɛ tɛlɛ, ɔ nin sran kun nɛn. Kɛ be tili i nɛn'n, be waan nán man ɔ kan ndɛ kle be kun