Mmla'n 18:11 - NYANMIƐN NDƐ'N 1998

¹¹ Nán amun nun wie cici sran annzɛ ɔ nin wunmiɛn be ijɔ. Nán amun yo fuɛn kannganfuɛ.

Mmla'n 18:11 ပူးပေါင်းရင်းမြစ်များ

Ezipt Lɔ Tulɛ'n 22:18

Sran ng'ɔ nin nnɛn be la'n, man be kun sran sɔ'n.

Ezai 8:19

Sran wie'm be se kɛ: «Be nga be nin wunmiɛn mun ijɔ'n, bɔ be tu be aswre'n, bɔ be ijɔ blɛblɛblɛ be kan sa nga be wa ju'n, amun `wɔ bé sin.» Be se ekun kɛ: «Sɛ sran'm be usa be amuɛn'm be sa-a ɔ ti-man tɛ. Yɛ sɛ sran kun usa wunmiɛn'm be sa sran wie'm be dunman nun'n, ɔ ti-man sa.» Sɛ be se amun sɔ'n,

Saun Yolɛ 19:26

Kan bɔ amun kunnin nnɛn lɛ bɔ i mmoja'n ɔ guali lɛ'n, nán amun di i lika kunngba sɔ'n nun lɛ. Nán amun yo bae dilɛ ninnge mun, nán amun yi wunnzue.

Saun Yolɛ 19:31

Sran nga be nin wunmiɛn be ijɔ'n, ɔ nin wunnzue yifuɛ mun'n, nán amun nin be di mɛn. Sɛ ɔ ti-mɛn i ti-ɔ, fiɛn ɔ ´kan amun . Min yɛ n ti Anannganman amun Nyanmiɛn nin-ɔn.

Saun Yolɛ 20:27

Sɛ yasua kun annzɛ kusu bla kun nin wunmiɛn be ijɔ'n, sɛ wie kusu-ɔ ɔ ti wunnzue yifuɛ'n, ɔ fata kɛ be kun i. Be `finfin i yɛbuɛ be `kun i. I bɔbɔ yɛ ɔ kunndɛli i wun wie nin-ɔn.»

Saun Yolɛ 20:6

Sran nga ɔ nin wunmiɛn'n ijɔ annzɛ ɔ yi wunnzue'n, i sɔfuɛ ɔ ti amuɛn sɔfuɛ, i sɔfuɛ'n, e nin i e lɛ i. N ´kɛn i bo Izraɛl nvle'n nun.

Sa nga bé yôli'n 16:16

Kɛ e ´kɔ lika nga be nin Nyanmiɛn koko yalɛ lɔ'n, afanniɛn kun b'ɔ ti wunnzue yifuɛ'n, bɔ i wunnzue yilɛ sɔ'n nun ɔ nyan sika kpanngban man i min mun'n, ɔ bali ye atin kpalɛ.

1 Samiɛl 28:8

Yɛ Sail yoli i wun kɛ sran ngbɛn wie sa. Ɔ wlɛli i wun tralɛ kɛ sran kun nga'm be sa, yɛ ɔ nin sran nnyɔn be ɔli-ɔ. Be ko toli bla'n kɔnguɛ yɛ Sail seli i kɛ: «N klo kɛ a usa wunmiɛn kun sa a man min. N ´kle wɔ sran nga a ´usɛ i sa'n nan flɛ i.»