Mmla'n 18:10 - NYANMIƐN NDƐ'N 1998

¹⁰ Nán amun nun wie fɛ i wa yasua annzɛ i wa bla ɔ yi i sin nun kɛ ɔ fa sɔ amuɛn. Nán amun nun wie di bae annzɛ ɔ yi wunnzue.

Mmla'n 18:10 ပူးပေါင်းရင်းမြစ်များ

Bo Bolɛ 44:5

?Klowa nga i nun yɛ min min'n nɔn'n, bɔ i kunngba'n yɛ ɔ fa yi wunnzue'n, kpɛkuun i yɛ an wunnin i be fali-ɔ? ?Sa kpa yɛ amun yoli i lɛ-ɔ? Nga an yoli i lɛ'n, amu'an yo-mɛn i kpa mlɔnmlɔn.› »

2 Famiɛn Mun 16:3

Ɔ niannin Izraɛl famiɛn'm be nantilɛ'n su yɛ ɔ nantili-ɔ. Ɔ yoli nvle nga Anannganman fuannin be Izraɛlfuɛ'm be nyrun'n be tete ninnge'm be wie. Ɔ fɛli i wa'n yili tɛ. Be yrɛli i.

2 Famiɛn Mun 17:15

Anannganman i mmla'n, ɔ nin aenguɛ ng'ɔ nin be nannan'm be trali'n, ɔ nin i afɔtuɛ ng'ɔ mannin be'n, be guɛli i kwlakwla i ase. Be fali bé wun wlali ninnge ngbɛn-ngbɛn'm bé sa nun, ɔ man be bɔbɔ be yoli ngbɛnfuɛ. Nvle nga be mantan be lɛ'n, bɔ Anannganman seli be kɛ nán be sɔnnzɔn be'n, be fali be nzuɛn'n.

2 Famiɛn Mun 17:17

Be fali be mma'm be yili tɛ, be yrali be. Be yili wunnzue wafa-wafa'n kwlaa. Be fali bé wun mannin ninnge nga be yo-man Anannganman fɛ'n be yolɛ. Ɔ man be kunnin i ya.

2 Famiɛn Mun 21:6

Ɔ fɛli i wa'n yili tɛ nga be yrɛ i nnɛn'n kɔlikɔli'n, ɔ yili wunnzue fanunfanun mun. Ɔ lɛ i sran mun yɛ be nin wunmiɛn mun be ijɔ-ɔ. Ɔ yoli sa sunman bɔ Anannganman klo-man be'n fa fɔkɔli i anwlɛn.

2 Famiɛn Mun 23:24

Zozias nunnunnin be bɔ be nin wunmiɛn'm be ijɔ'n, nin wunnzue yifuɛ mun, nin awlo amuɛn mun, nin amuɛn uflɛ mun, ɔ nin tete ninnge bɔ be o Zida mɛn'n nun nin Zerizalɛm klɔ'n su'n be kwlaa. Mmla b'ɔ ti klɛwa fluwa nga Ilkiza b'ɔ ti Nyanmiɛn nyrun jranfuɛ'n wunnin i Anannganman i sua'n nun lɔ'n, i su yɛ Zozias niannin nunnunnin i kwlaa sɔ nin-ɔn.

1 Be Nyoliɛ 10:13

Sa ti bɔ Sail wuli'n yɛlɛ kɛ ɔ kacili i sin sili Anannganman. Ɔ'a fɛ-mɛn i ndɛ'n su. Yɛ ɔ ɔli be nga be nin wunmiɛn'm be ijɔ'n bé sin bɔbɔ .

2 Be Nyoliɛ 28:3

Ɔ yrali ansans fa yili sraka Inɔm i mma'm be kongo'n nun lɔ. Ɔ yoli nvle nga Anannganman fuannin be Izraɛlfuɛ'm be nyrun'n be tete ninnge'm be wie. Ɔ fɛli i mma mun yili tɛ. Be yrali be.

2 Be Nyoliɛ 33:6

Ɔ fɛli i mma mun yili tɛ Inɔm i wa'n i kongo'n nun lɔ. Be yrali be mlɔnmlɔnmlɔn. Ɔ yili wunnzue fanunfanun mun. Ɔ sieli sran mun yɛ be nin wunmiɛn mun be ijɔ-ɔ. Ɔ yoli sa sunman bɔ Anannganman klo-man be'n, ɔ fa be fɔkɔli i anwlɛn.

Ezipt Lɔ Tulɛ'n 22:17

Nán yaci baefuɛ bla kun sa nguan nun.

Ezipt Lɔ Tulɛ'n 22:18

Sran ng'ɔ nin nnɛn be la'n, man be kun sran sɔ'n.

Ezai 47:13

A kleli ɔ́ wun yalɛ yili wunnzue mun lele. Be nga be nian nyanmiɛn b'ɔ la nglo lɔ plaii'n su be yi wunnzue'n, be nga be nian nzraama'm be su be yi wunnzue'n, be nga be nian anglo su be yi wunnzue'n, man be yi bé wun nglo nan be de wɔ.

Zeremi 27:10

Ndɛ nga be kan kle amun'n ti ato, sɛ amun tie-ɔ, be ´tra amun kɔ mɛn wie nun. N ´fuan amun wa, amun ´wu.

Zeremi 27:9

Nan i ti'n, sɛ amun kɔmiɛn mun, nin amun ngɔnyinman yifuɛ mun, nin amun laliɛ cɛnfuɛ mun, nin amun nzraama kannganfuɛ mun, ɔ nin amun bae difuɛ'm be se amun kɛ: ‹Amun su ko su-man Babilɔni famiɛn'n,› nán amun fa su.

Zeremi 32:35

Be kplannin amuɛn Baal i sua Bɛn-Inɔm kongo'n nun yɛ be fa be mma bla nin be mma yasua mun be yi tɛ be man Mɔlɔk-ɔ. Kusu wuun m bɔbɔ min m'an se-man kɛ be yo i sɔ man min. I sɔ akunndan bɔbɔ nian ba-man mín ti nun le. Be yoli tete sa sɔ mun man Zidafuɛ'm be yoli sa tɛ.

Zeremi 7:31

Be kplannin sraka yiwlɛ lika Tɔfɛt b'ɔ o Bɛn-Inɔm kongo'n nun lɔ'n nun, yɛ be fa be mma yasua mun nin bla mun be yra be be yi sraka. Kusu wuun n nian se-man be kɛ be yo i sɔ like le. I sɔ akunndan nian ba-man mín ti nun le.»

Saun Yolɛ 19:26

Kan bɔ amun kunnin nnɛn lɛ bɔ i mmoja'n ɔ guali lɛ'n, nán amun di i lika kunngba sɔ'n nun lɛ. Nán amun yo bae dilɛ ninnge mun, nán amun yi wunnzue.

Saun Yolɛ 19:31

Sran nga be nin wunmiɛn be ijɔ'n, ɔ nin wunnzue yifuɛ mun'n, nán amun nin be di mɛn. Sɛ ɔ ti-mɛn i ti-ɔ, fiɛn ɔ ´kan amun . Min yɛ n ti Anannganman amun Nyanmiɛn nin-ɔn.

Saun Yolɛ 20:6

Sran nga ɔ nin wunmiɛn'n ijɔ annzɛ ɔ yi wunnzue'n, i sɔfuɛ ɔ ti amuɛn sɔfuɛ, i sɔfuɛ'n, e nin i e lɛ i. N ´kɛn i bo Izraɛl nvle'n nun.

Mise 5:12

N ´nunnun amun amuɛn nga amun kplan be'n, nin amun waka sran mun. An su koto-man amun bɔbɔ amún sa nuan ninnge'm be bo kun.

Malasi 3:5

Anannganman'n b'ɔ sie mɛn wunmuan'n wan yoo: «N su wa ko tran amun afiɛn lɔ nan n ´di amun jɔlɛ. Wunnzue yifuɛ nin be nga be kunndɛ be wiengu'm bé yi mun, ɔ nin bé wun mun'n, n ´kan mín wun ndɛndɛ m ´ba nan n ´fɛ i sɔ ndɛ'n m ´mian bé sa. Be nga be ta ato nda, kpɛkuun i sɔ like'n be yo-mɛn i kun'n, ɔ nin be nga be mianmian bla nga be o angboti nun'n, ɔ nin aika mma mun'n, wie kusu-ɔ be bu aofuɛ'm be lufle'n, ɔ nin be nga be bu-man min like fi bɔ kaan sa'n, n ´kan mín wun m ´ba ndɛndɛ nan n ´fɛ i sɔ ndɛ'n m ´mian bé sa.»

Sa nga bé yôli'n 19:19

Sran tinwafuɛ bɔ be yo abonuan sa mun'n be nun kpanngban be fa be fluwa mun bali, be yrali be sran'm be kwlaa be nyrun lɛ, be buli i sika'n niannin, ɔ ju jɛtɛ ufue akpi-akpi ablenun (50.000).

Sa nga bé yôli'n 8:9

Bian kun o klɔ sɔ'n su, be flɛ i kɛ Simɔn, ɔ yi atrɛ ɔ man Samarifuɛ'm bé nuan bo bé wun, ɔ yo i wun sran dan.

Galasifuɛ Mun 5:20

amuɛn sɔlɛ, bae dilɛ, sran kpɔlɛ, ɔ nin utre. Bé nyin ci be wiengu, be fa ya, bé bo ti-man kun, be bubu bé wun nun,

Mmla'n 12:31

Nán amun su Anannganman amun Nyanmiɛn'n kɛ be fa sɔ be amuɛn'm be sa. Afin tete sa nga Anannganman klo-mɛn i'n yɛ be yo man be amuɛn mun-ɔn. Be yi be mma yasua nin bla mun sin nun be fa yi sraka man be amuɛn sɔ mun bɔbɔ.

1 Samiɛl 15:23

Nyin kekle nin wunnzue yilɛ'n be sɛ. Bé wun bɔ be kɛn-mɛn i ase'n kusu nin amuɛn sɔlɛ'n be sɛ. Kɛ bɔ a yili Anannganman i ndɛ'n i blo'n, i ti i kusu ɔ'a yi wɔ blo wie. Ɔ man a su yo-mɛn i nvle'n i su famiɛn kun.»

1 Samiɛl 28:3

Kɛ ɔ ´yo sɔ'n, wuun Samiɛl ɔ'a wu, wuun Izraɛlfuɛ'm be kwlaa b'a yo i sɛ'n. Be sieli i i klɔ Rama lɔ. Sail kusu tanninnin kɛ nán sran fi nin wunmiɛn'm be ijɔ, yɛ nán sran fi yi wunnzue Izraɛl mɛn'n nun . Sran ng'ɔ yo sɔ'n be ´kun i.

1 Samiɛl 28:7

Yɛ Sail seli i sonja kpɛn'm be kɛ: «Amun `kunndɛ bla ng'ɔ nin wunmiɛn'm be ijɔ'n kun man n ko wun i wun.» Yɛ be tɛli i su kɛ: «Kun o An-Dɔr.»

1 Samiɛl 28:8

Yɛ Sail yoli i wun kɛ sran ngbɛn wie sa. Ɔ wlɛli i wun tralɛ kɛ sran kun nga'm be sa, yɛ ɔ nin sran nnyɔn be ɔli-ɔ. Be ko toli bla'n kɔnguɛ yɛ Sail seli i kɛ: «N klo kɛ a usa wunmiɛn kun sa a man min. N ´kle wɔ sran nga a ´usɛ i sa'n nan flɛ i.»

1 Samiɛl 28:9

Bla'n seli i kɛ: «Ɔ bɔbɔ a si kɛ Sail kunnin be nga be nin wunmiɛn'm be ijɔ'n ɔ nin wunnzue yifuɛ mun. ?A klo kɛ a ´sua mín nganzua nan a ´kun min ti-ɔ?»