Mmla'n 18:1 - NYANMIƐN NDƐ'N 1998

¹ Nyanmiɛn nyrun jranfuɛ bɔ be ti Levifuɛ'n, be nin Levi akpasua sufuɛ'm be kwlakwla, be liɛ nun-man Izraɛl asiɛ'n nun wie. Be like liɛ nga be ´nyɛn i'n, yɛlɛ ndidiɛ ninnge nga be o yɛ mun'n: tɛ nga be yi be man Anannganman, ɔ nin ninnge uflɛ nga be ti Anannganman liɛ mun.

Mmla'n 18:1 ပူးပေါင်းရင်းမြစ်များ

Zeremi 33:18

Levifuɛ nga be ti Nyanmiɛn nyrun jranfuɛ'n be kusu be ´nyan sran ´tran be ajalɛ nun titi ɔ ´yi tɛ nga be yra be nnɛn'n kɔlikɔli'n, ɔ ´yra ansans ɔ ´yi bo kun yolɛ i su tɛ mun, ɔ ´yi tɛ aliɛ ba blu-nin-nso nun.› »

Ezekiɛl 44:28

«M bɔbɔ min yɛ n ti be like liɛ nin-ɔn. Be like liɛ'n nga be nyɛnnin i yɛ ɔ o lɛ-ɔ. Nán amun man be asiɛ Izraɛl lɔ. M bɔbɔ yɛ n ´kaci be asiɛ liɛ nin-ɔn .

Kalɛ 18:20

Yɛ Anannganman seli Aarɔn kɛ: «Asiɛ nga n wa fa man Izraɛlfuɛ mun, n su man-man wɔ wie. Min yɛ n ti ɔ lika liɛ bɔ a ko nyɛn i nin-ɔn, min yɛ n ti wɔ anyanbeun like liɛ Izraɛlfuɛ'm be afiɛn-ɔn.»

Kalɛ 26:62

Yasua nga b'a di anglo kun nin anglo kun gua su bɔ be klɛli be dunman'n, be kwlaa be ti sran akpi-akpi ablaɔn-nin-nsan (23.000). B'a klɛ-man be dunman Izraɛlfuɛ'm be nun wie, afin b'a man-man be asiɛ kɛ Izraɛlfuɛ kun nga'm be sa.

Mmla'n 10:9

I sɔ'n ti yɛ Levifuɛ'm b'a nyan-man asiɛ kɛ be niaan'm be sa nin-ɔn. Be like liɛ nga be nyɛnnin i'n yɛlɛ Anannganman i sulɛ kɛ Anannganman amun Nyanmiɛn'n kan kleli be'n sa.

Mmla'n 12:19

Sɛ an tɛ kpɛ tɛ di'n, nán amun yi Levifuɛ'm be ase amun mɛn'n nun mlɔnmlɔn.

Zozie 13:14

Levi akpasua'n i ngunmin yɛ b'a mɛn-mɛn i asiɛ'n wie-ɔ. I lika liɛ ng'ɔ ko nyɛn i'n yɛlɛ tɛ nnɛn nga be yrɛ i sin su be man Anannganman b'ɔ ti Izraɛl Nyanmiɛn'n, kɛ Anannganman bɔbɔ kannin sɔ-ɔ.

Zozie 13:33

Ɔ'a fa-man lika fi ɔ'a man-man Levi akpasua sufuɛ mun. Ɔ seli be kɛ be liɛ nga be ko nyɛn i'n yɛlɛ Anannganman b'ɔ ti Izraɛl Nyanmiɛn'n i sulɛ.

Zozie 18:7

Levifuɛ'm be su nyan-man lika'n wie. Ng'ɔ ti be liɛ'n yɛlɛ Anannganman i nyrun jranlɛ junman'n. Gad nin Ribɛn be akpasua mun ɔ nin Manase i akpasua'n i bue be kusu be dun mmua nyannin be lika liɛ Zurdɛn'n i wia afiliɛ lɔ. Moiz bɔbɔ b'ɔ ti Anannganman i sufuɛ'n yɛ ɔ fa mannin be-ɔ.»