Mmla'n 17:9 - NYANMIƐN NDƐ'N 1998

⁹ Amun `ko wun Levifuɛ bɔ be ti Nyanmiɛn nyrun jranfuɛ mun'n ɔ nin jɔlɛ difuɛ ng'ɔ o lɛ'n be wun. Amun `kan ndɛ'n be kle be man be kle amun i buwlɛ.

Mmla'n 17:9 ပူးပေါင်းရင်းမြစ်များ

1 Be Nyoliɛ 26:29

Zizear osu nun'n, Kɛnania nin i mma'm be liɛ'n, nán Nyanmiɛn i sua'n nun yɛ be di be junman liɛ nin-ɔn. Be nian mmla'n su, yɛ be ti jɔlɛ difuɛ.

Ezipt Lɔ Tulɛ'n 18:16

Sɛ ndɛ tɔ sran nnyɔn be afiɛn'n, be ba mín sin, n siesie be afiɛn, kpɛkuun n fa Nyanmiɛn i mmla mun nin i atin'n sie be nyrun.»

Ezipt Lɔ Tulɛ'n 22:8

Ndɛ kwlaa nga ɔ'a tɔ akplowa'n, nannin su ndɛ o, aflunmun su ndɛ o, bua su ndɛ o, boli su ndɛ o, tralɛ su ndɛ o, man be fa ndɛ sɔ'n be to Nyanmiɛn lɔ. Man sran nga i ndɛ yo-man fɛ'n yi like sɔ'n i wunsu nnyɔn fa man i wiengu kun'n.

Zeremi 18:18

Be wie'm be se kɛ: «An man e cici Zeremi i wun ndɛ, afin i kunngba'n ti man Nyanmiɛn nyrun jranfuɛ'n su wie-man nan se kɛ mmla'n ´ka lɛ mlin. Ngwlɛlɛfuɛ'm be kusu be su wie-man nan se kɛ e su nyan-man afɔtuɛ manfuɛ kun. Nyanmiɛn nuan ijɔfuɛ'm be su wie-man nan se kɛ e su ti-man Nyanmiɛn nuan ndɛ'n kun. Man e saci i wun. Sɛ ɔ kan ndɛ siɛn'n, nán e sie é su kun.»

Ezekiɛl 44:24

Be yɛ be wa di ndɛ nga be tɔ mun-ɔn, mmla nga n kpɛli be'n, be su yɛ be ´jran be di ndɛ mun-ɔn. Mín nuan su ndɛ nin min mmla nga m mannin be'n, be su yɛ be ´nian be di min cɛn mun-ɔn. Be `nian su kpa man wunmiɛn-delɛ-cɛn'n ɔ `yo min liɛ klonglo.

Ndɛ Nga Nyanmiɛn I Nuan Ijɔfuɛ Aze Kannin'n 2:11

I waan: «Aze, se min nyrun jranfuɛ mun man be kpɛ ndɛ yɛ'n nun.

Zakari 3:7

Anannganman b'ɔ sie mɛn wunmuan'n wan yoo: «Min atin nga n kle wɔ'n, sɛ a fa su'n, yɛ sɛ a fa mín nuan su ndɛ'n, a ´yo mín sua nin min awlo'n bé su kpɛn. M ´man wɔ su, ɔ man a nin min sufuɛ nga be o wa yɛ mun be ´sɛ.»

Zakari 7:3

Be waan be ´usa Nyanmiɛn nyrun jranfuɛ nin Nyanmiɛn nuan ijɔfuɛ nga be tran Anannganman b'ɔ sie mɛn wunmuan'n i sua'n nun'n be kɛ: «?Sunlɛ nga e sun i anglo nnun'n su'n, ɔ nin nglɛmun nga e ci bɔ e sɔ i yolɛ lele ɔ'a fa ju ndɛ yɛ'n, e ´yo sɔ tititi?»

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Mmla'n 16:18

Klɔ nga Anannganman amun Nyanmiɛn'n fa man amun'n, amun `sie be kwlaa su jɔlɛ difuɛ mun, nin mmla su nianfuɛ mun amun akpasua kunngun'm bé su. Man be di sran'm be ndɛ mun nanwlɛ su.

Mmla'n 17:10

Kpɛkuun ndɛ nga be kan kleli amun lika nga Anannganman kleli'n nun lɔ'n, amun `niɛn i kwlaa su kan.

Mmla'n 21:5

Kpɛkuun man Nyanmiɛn nyrun jranfuɛ bɔ be ti Levi i osu nunfuɛ mun'n be bla. Afin be yɛ Anannganman amun Nyanmiɛn'n ɔ kpali be kɛ be su i nan be yra sran'm be nguan i dunman nun nin-ɔn. Sɛ akplowa tɔ'n, annzɛ sɛ be yo sran wie like'n, be yɛ be ´kɛn i nun ndɛ nin-ɔn.

Mmla'n 25:1

Sɛ ndɛ tɔ sran nnyɔn be afiɛn'n nan be fa kɔ jɔlɛ difuɛ'm be ja su'n, nán be bu sran nga i ndɛ'n ɔ yo fɛ'n i fɔ, sanngɛ man be bu ndɛ be yi sran nga i ndɛ yo-man fɛ'n i su.

Mmla'n 33:10

Be yɛ be fa ɔ mmla'n nun ndɛ mun be kle Izraɛlfuɛ mun-ɔn. Ansans b'ɔ bɔn ɔ bue nun fanninfannin'n, be yɛ be fa sie ɔ nyrun nin-ɔn. Be yɛ be yi tɛ bɔ be yra be nnɛn'n kɔlikɔli'n ɔ sɔwlɛ'n su nin-ɔn.