Mmla'n 17:8 - NYANMIƐN NDƐ'N 1998

⁸ Sɛ ndɛ tɛ tɔ klɔ kun su nan be kwla di-man'n, sɛ be kunnin sran, sɛ kannin yɛ be boli sran, annzɛ sɛ ndɛ uflɛ wie yɛ ɔ tɔ'n, amun `fɛ i sɔ ndɛ liɛ'n be `wɔ lika nga Anannganman amun Nyanmiɛn'n ko kle'n nun lɔ.

Mmla'n 17:8 ပူးပေါင်းရင်းမြစ်များ

2 Samiɛl 15:2

Nglɛmun'n Absalɔm jaso ndɛ kpa'n. Ɔ ko jran atin nga be fa wlu klɔ'n nun'n i nuan lɛ. Sran kwlaa ng'ɔ lɛ ndɛ bɔ i waan ɔ ´ba nan famiɛn'n di mɛn i'n, Absalɔm flɛ i usɛ i kɛ: «?A fin é sɛ?» Sɛ sran'n tɛ i su kɛ Izraɛl akpasua nga sa su yɛ n fin'n,

1 Be Nyoliɛ 26:29

Zizear osu nun'n, Kɛnania nin i mma'm be liɛ'n, nán Nyanmiɛn i sua'n nun yɛ be di be junman liɛ nin-ɔn. Be nian mmla'n su, yɛ be ti jɔlɛ difuɛ.

Ezipt Lɔ Tulɛ'n 18:15

Moiz tɛli i sia'n su kɛ: «Sa nga ti yɛ n yo i sɔ'n yɛlɛ kɛ sran'm be ba mín sin nan be ´wun nun weiin kɛ Nyanmiɛn yɛ o bu be ndɛ mun ti-ɔ.

Ezipt Lɔ Tulɛ'n 18:26

Be yɛ be siesie ndɛ nga be tɔ Izraɛlfuɛ'm be afiɛn nin-ɔn. Ndɛ nga i kanlɛ ti kekle'n, be fa blɛ Moiz, sanngɛ be bɔbɔ be di jɔlɛ kannganfuɛ mun.

Ezipt Lɔ Tulɛ'n 21:20

Sɛ sran kun fa waka bo i kanga yasua annzɛ i kanga bla nan ɔ kun i'n, man be tu i fɔ.

Ezipt Lɔ Tulɛ'n 21:22

Sɛ sran yasua wie'm be su tu ngondin nan be ko si bla wunnzɛfuɛ bɔ i ba wulɛ cɛn nian ju-man nan ɔ wu ba'n, kannzɛ bɔ kekle ɔ'a ju-man bla'n su'n, bla'n i wun'n ɔ `de be like jɔlɛ difuɛ'm be nyrun.

Ezipt Lɔ Tulɛ'n 21:28

Sɛ nannin kun si sran kun'n, sɛ bla o, sɛ yasua o nan ɔ kun i'n, man be to nannin sɔ'n i yɛbuɛ be kun i. Yɛ nán man be di i nnɛn'n. Nán be man sran ng'ɔ lɛ i'n i ndɛ kun.

Ezipt Lɔ Tulɛ'n 22:2

Sanngɛ sɛ wia'n ɔ'a jaso yɛ i sɔ sa'n ju'n, ɔ ti sran kunlɛ. Sɛ awiefuɛ kun wua like kun'n, ɔ `sie like sɔ'n i osu. Sɛ ɔ lɛ-man like fi'n, be `yo i atɛ kɛ kanga sa awie'n b'ɔ wuali'n ti.

Ezipt Lɔ Tulɛ'n 22:8

Ndɛ kwlaa nga ɔ'a tɔ akplowa'n, nannin su ndɛ o, aflunmun su ndɛ o, bua su ndɛ o, boli su ndɛ o, tralɛ su ndɛ o, man be fa ndɛ sɔ'n be to Nyanmiɛn lɔ. Man sran nga i ndɛ yo-man fɛ'n yi like sɔ'n i wunsu nnyɔn fa man i wiengu kun'n.

Ezekiɛl 44:24

Be yɛ be wa di ndɛ nga be tɔ mun-ɔn, mmla nga n kpɛli be'n, be su yɛ be ´jran be di ndɛ mun-ɔn. Mín nuan su ndɛ nin min mmla nga m mannin be'n, be su yɛ be ´nian be di min cɛn mun-ɔn. Be `nian su kpa man wunmiɛn-delɛ-cɛn'n ɔ `yo min liɛ klonglo.

Ndɛ Nga Nyanmiɛn I Nuan Ijɔfuɛ Aze Kannin'n 2:11

I waan: «Aze, se min nyrun jranfuɛ mun man be kpɛ ndɛ yɛ'n nun.

Malasi 2:7

Min nyrun jranfuɛ mun yɛ be kle sran'm be ngwlɛlɛ atin nin-ɔn. Min mmla nun ndɛ'n, be yɛ sran'm be wa usa be-ɔ. Afin be ti min Anannganman bɔ n sie mɛn wunmuan'n min nuan ijɔfuɛ.

Kalɛ 35:11

amun `kpa klɔ wie mun nan amun `fa yo fiawlɛ klɔ. I liɛ'n, sran nga sanvuɛsa nyɛn i nan ɔ kun sran'n, bɔ nán i nyinfu'n, ɔ ´ko fia be su.

Kalɛ 35:16

Sɛ sran kun fa blalɛ like wie fin sran nan ɔ wu'n, ɔ ti sran kunfuɛ, man be kun i wie.

Mmla'n 1:17

Nán amun nian sran'm be nyrun be bu ndɛ. Amun `tie sran ng'ɔ lɛ-man nyrun'n i ndɛ'n kɛ amun fa tie sran dan'n i liɛ'n sa. Nán amun yo srongble. Nyanmiɛn dunman nun yɛ amun di ndɛ mun-ɔn. Ndɛ nga amun nian nan amun kwlɛ-mɛn i di'n, amun wa `kan kle min.

Mmla'n 12:11

Kpɛkuun lika nga Anannganman amun Nyanmiɛn'n ko kle kɛ lɛ yɛ ɔ ´tran'n, amun `fa ninnge nga n su bobo be yɛ mun bla lɛ. Ninnge sɔ'm be yɛ: tɛ nga be yra be nnɛn'n kɔlikɔli'n, nin sraka mun, nin blusu mun, nin amun fie su ninnge klikli mun, ɔ nin amun nnɛn'm be mma klikli mun, ɔ nin nda nga amun ta Anannganman i nuan'n ninnge mun.

Mmla'n 12:14

Lika nga Anannganman bɔbɔ nian akpasua'm be lika'm be nun kle'n, i nun yɛ amun `yi tɛ sɔ mun-ɔn. I nun yɛ amun `yo like nga n kan kleli amun kɛ amun yo'n i kwlaa-a.

Mmla'n 12:5

Lika nga Anannganman amun Nyanmiɛn'n ko kle amun kɛ lɛ yɛ be `bo i dunman nan lɛ yɛ ɔ ´tran'n, lɛ kunngba yɛ amun `ko su i-ɔ.

Mmla'n 19:17

nan akplowa tɔ be afiɛn'n, man be sran nnyɔn'm be wɔ Nyanmiɛn i sua'n nun lɔ, nan be kan be ndɛ Nyanmiɛn nyrun jranfuɛ mun nin jɔlɛ difuɛ nga be o lɛ'n be nyrun.

Mmla'n 19:4

Sran ng'ɔ kun i wiengu b'ɔ ´wanndi b'ɔ ´nyɛn i ti'n, yɛlɛ sran nga i sran kunlɛ sɔ'n yoli sanvuɛsa, bɔ ɔ'a bu-man sran'n i wun akunndan tɛ laa'n.

Mmla'n 21:5

Kpɛkuun man Nyanmiɛn nyrun jranfuɛ bɔ be ti Levi i osu nunfuɛ mun'n be bla. Afin be yɛ Anannganman amun Nyanmiɛn'n ɔ kpali be kɛ be su i nan be yra sran'm be nguan i dunman nun nin-ɔn. Sɛ akplowa tɔ'n, annzɛ sɛ be yo sran wie like'n, be yɛ be ´kɛn i nun ndɛ nin-ɔn.

Mmla'n 25:1

Sɛ ndɛ tɔ sran nnyɔn be afiɛn'n nan be fa kɔ jɔlɛ difuɛ'm be ja su'n, nán be bu sran nga i ndɛ'n ɔ yo fɛ'n i fɔ, sanngɛ man be bu ndɛ be yi sran nga i ndɛ yo-man fɛ'n i su.