Mmla'n 17:20 - NYANMIƐN NDƐ'N 1998

²⁰ I liɛ'n, ɔ su tu-mɛn i wun guɛ-mɛn i wiengu'm bé su, kpɛkuun ɔ su fɔn-man mmla'n i nun ndɛ'm be nun. Ɔ man ɔ nin i osu nunfuɛ mun be ´cɛ Izraɛl bia'n su.

Mmla'n 17:20 ပူးပေါင်းရင်းမြစ်များ

2 Samiɛl 22:23

N fɛ i ndɛ'm be kwlaa n sie. I mmla'm be kpɔci-man min.

1 Famiɛn Mun 11:34

sanngɛ n su de-man mɛn'n kwlaa i sa nun. N ´yo man ɔ ´yo famiɛn lele i nguan'n i awieliɛ David b'ɔ ti min sufuɛ'n bɔ n kpɛli i'n, b'ɔ fali min mmla fanunfanun'm bé su'n ti.

1 Famiɛn Mun 11:36

Yɛ n ´fa akpasua kun m ´mɛn i wa'n, kɛ ɔ ´yo nan David b'ɔ ti min sufuɛ'n i osu'n nunfuɛ kun ɔ'a yo famiɛn Zerizalɛm lɛ blɛ kwlaa'n ti. Zerizalɛm klɔ sɔ'n yɛ n kpɛli i kɛ i nun yɛ n ´tran-an.

1 Famiɛn Mun 15:3

Sa tɛ nga i si yoli be'n, ɔ yoli i kunngba'n wie. Ɔ suli Anannganman i Nyanmiɛn'n kun nin bue. Ɔ'a yo-man kɛ i nannan David sa,

1 Famiɛn Mun 15:5

afin David nantili seiin Anannganman nyrun. Ɔ'a yi-man ndɛ ng'ɔ kan kleli i'n wie fi ase i nguan'n kwlaa nun. I sa tɛ kunngba b'ɔ yoli'n yɛlɛ Iri b'ɔ ti Ɛtfuɛ'n i ndɛ'n su'n.

1 Famiɛn Mun 2:3

Nanti Anannganman ɔ Nyanmiɛn'n i atin'n su sɛsɛsɛ. Niɛn i nuan ndɛ'n su yo ng'ɔ kan kle wɔ'n. Fɛ i mmla fanunfanun'm bɔ be ti klɛwa Moiz i fluwa nun'n bé su. I liɛ'n, lika kwlaa nga a wo'n, sɛ a gugu kɛ a ´yo like wie'n, ɔ wa yo kpa man wɔ.

2 Famiɛn Mun 10:30

Anannganman seli Zei kɛ: «Sa nga n wunnin i kɛ ɔ ti kpa'n, yɛlɛ nga a yoli i lɛ'n, afin akunndan nga m buli i min klun wa'n, yɛ a fa yoli Akab i awlofuɛ mun lɛ-ɔ. I ti'n, ɔ osu'n nunfuɛ mun'n, kɛ ɔ fɛ i ɔ mma'm be su b'ɔ ´fa ju wɔ anunman siansiansian'm be su lɔ'n, be ´tran Izraɛl famiɛn bia'n su .»

2 Famiɛn Mun 14:10

Nan yoo, kɛ a kwlali Edɔmfuɛ mun'n ti, a yo ɔ wun kpakpa. Ka ɔ klɔ lɔ, nan ɔ nyrun bɔ a nyɛnnin i'n, fa di ɔ nuan. ?A su wa kunndɛ-man ndɛnngan yi-man a nin Zidafuɛ mun amún su yɛ ɔ o lɛ-ɔ? ?A nin Zidafuɛ mun, amun su wa wu yɛ a ´yo i lɛ-ɔ?»

2 Be Nyoliɛ 25:19

Ɔ waan w'a kwla Edɔmfuɛ mun. I ti a tu wɔ wun, yɛ a di ɔ nuan. Sɛ a ka wɔ awlo lɔ'n, ɔ flunman. ?Ɔ yo sɛ ti yɛ ɔ waan a ´kun alɛ bɔ i bo su gua-man kpa, man-man wɔ nin-ɔn? A nin Zidafuɛ mun amun mlinlɛ atin yɛ amun su kpɛ i lɛ-ɔ.»

2 Be Nyoliɛ 26:16

I nyrun b'ɔ nyɛnnin i'n ti'n, ɔ tuli i wun. Ɔ man ɔ yoli sa tɛ. Ɔ fɔnnin Anannganman b'ɔ ti i Nyanmiɛn'n wun. Cɛn kun ɔ wluli Anannganman i sua'n nun lɔ. I bɔbɔ ko yrali ansans kan be yrɛ i lɛ'n.

2 Be Nyoliɛ 33:12

Kɛ Manase ´wun nyrɛnnɛn'n, ɔ kpan flɛli Anannganman i Nyanmiɛn'n. Ɔ kɛnnin i wun ase i nannan'm be Nyanmiɛn'n nyrun.

2 Be Nyoliɛ 33:19

I Nyanmiɛn srɛlɛ'n nin wafa nga Anannganman fa tɛli i su'n, i sa tɛ b'ɔ yoli'n, ɔ nin i wun bɔ ɔ'a fa mantan-man Nyanmiɛn'n, sraka yiwlɛ lika mun ng'ɔ yoli be'n, ɔ nin lika ng'ɔ kplannin waka nga be sɔ be'n, yɛ lika ng'ɔ takali amuɛn mun kwlaa nan ɔ'a kɛn i wun ase Nyanmiɛn nyrun'n, i kwlaa sɔ'n wo Ozai fluwa'n nun.

2 Be Nyoliɛ 33:23

Ɔ'a bu-mɛn i wun fɔ Nyanmiɛn nyrun kɛ i si Manase liɛ'n sa. I sa tɛ ng'ɔ yoli ɔ tratrali i si liɛ'n su.

2 Be Nyoliɛ 34:27

Kɛ a tili klɔ nga nin i nun sran'm bé wun ndɛ bɔ n kannin'n, ɔ wluli ɔ́ wun. Ɔ man a kannin ɔ wun ase min bo, a titili ɔ́ wun tralɛ'm be nun, yɛ a sunnin. I sɔ'n ti, m'an ti ndɛ nga a kannin'n. Min Anannganman yɛ n kan sɔ-ɔ.

Jue Mun 119:102

Sa nga a kan be kle min'n, n yi-man be ase, afin wɔ yɛ a ti min ngwlɛlɛ klefuɛ-ɔ.

Jue Mun 132:12

Aenguɛ nga e nin wɔ e trali'n, yɛ mmla nga n fa mannin ɔ mma mun'n, sɛ be nian su'n, be mma liɛ'm be kusu be yɛ be ´tran be osu tititi-ɔ.»

Jue Mun 19:11

Jɔlɛ ng'ɔ di be sɔ'n be kpa tra sika ɔkwlɛ. Sika ɔkwlɛ nga bɔ b'a tɔn'n, sɛ ɔ sɔnnin kpa bɔbɔ'n, ɔ nin be sɛ-man. Be yo fɛ tra awɛma nzue. Be fɛ'n tra awɛma nzue nga b'a yi i uflɛ-uflɛ'n bɔbɔ.

Nyanndra Mun 10:27

Sɛ ɔ nyin yi Anannganman'n, a cɛ mɛn'n nun. Sanngɛ klunwifuɛ'm be nguan liɛ'n be kpɛ i sin.

Nyanndra Mun 27:24

Afin anyanbeun'n ka-man sran kun sa nun mlɔnmlɔn. Ɔ bɔbɔ a si jrɛiin kɛ famiɛn kle'n ka-man awlo kunngba nun tititi.

Akunndanfuɛ'n 8:13

Klunwifuɛ'n ɔ nyan-man muae yɛ i nguan nyanman'n yo-man tɛnndɛn. I nguan sɔ'n ɔ yo vɛɛ kan kɛ fɔnvɔ sa yɛlɛ kɛ i nyin yi-man Nyanmiɛn mlɔnmlɔn .

Ezai 2:12

Anannganman b'ɔ sie mɛn wunmuan'n ɔ'a sie cɛn kun. Cɛn sɔ nun'n, ɔ ´kan be nga be tu bé wun'n be ase, ɔ ´kan be nga be yo bé wun dandan'n be ase, ɔ ´kan be nga be man bé wun su'n be ase .

Abakik 2:4

Klɛ i kɛ: Nian, wun tufuɛ'n, i klun akunndan'n ti-man kpa. Sanngɛ sran ng'ɔ lafi n su b'ɔ man ɔ kaci sran kpa'n, ɔ ´nyan nguan .

2 Korɛntfuɛ Mun 12:7

Kɛ ɔ ko yo nan m'an tu-man min wun abonuan sa bɔ Nyanmiɛn yi be nglo kleli min ti'n, ɔ man tukpacɛ wie tɔli n su ɔ kali min kplo'n nun. Ɔ ti kɛ Satan i anz sa, ɔ ba m bolɛ nan m'an tu-man min wun .

Mmla'n 12:25

Sɛ amun waan amun nin amun osu nunfuɛ amun wun jɔ amun fɔuun nán amun di mmoja. Amun `yo sa ng'ɔ ti kpa Anannganman nyrun'n.

Mmla'n 12:28

Amun `tie ndɛ nga n ´kan kle amun yɛ'n kpa, amun `fa sie nan amun nin amun osu nunfuɛ mun amun wun jɔ amun fɔuun tititi. Afin sɛ amun yo i sɔ'n, wuun amu'an yo sa kpa ng'ɔ nin Anannganman amun Nyanmiɛn'n i nyrun fata'n.

Mmla'n 17:11

Amun `nian mmla nga be kleli amun'n nin ndɛ'n i buwlɛ nga be kleli amun'n i su be `yo. Nán amun yi wie fi ase.

Mmla'n 4:2

Ndɛ nga n fa sie amun nyrun'n, nán amun kpɛ wie gua nun, nán amun yi wie ase. Sanngɛ amun `nian Anannganman amun Nyanmiɛn'n i nuan ndɛ nga n fa sie amun nyrun'n su.

Mmla'n 5:32

Moiz seli Izraɛlfuɛ'm be kɛ: «Amun `fa ndɛ nga Anannganman amun Nyanmiɛn'n fa mannin amun'n i su kpa. Nán amun yi i ase.

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

1 Samiɛl 10:25

Samiɛl kannin famiɛn sielɛ'n i su mmla'n kleli Izraɛlfuɛ mun. Ɔ klɛli i fluwa kun nun ɔ fa sieli i Anannganman nyrun, kpɛkuun Samiɛl man Izraɛlfuɛ'm be ɔli be klɔ kunngun'm bé su.

1 Samiɛl 15:23

Nyin kekle nin wunnzue yilɛ'n be sɛ. Bé wun bɔ be kɛn-mɛn i ase'n kusu nin amuɛn sɔlɛ'n be sɛ. Kɛ bɔ a yili Anannganman i ndɛ'n i blo'n, i ti i kusu ɔ'a yi wɔ blo wie. Ɔ man a su yo-mɛn i nvle'n i su famiɛn kun.»