Mmla'n 17:17 - NYANMIƐN NDƐ'N 1998

¹⁷ Nán ɔ ja bla kaka nan i ti nun saci. Nán man jɛtɛ ufue nin sika ɔkwlɛ kaka trɛn i sa nun .

Mmla'n 17:17 ပူးပေါင်းရင်းမြစ်များ

Bo Bolɛ 2:24

I sɔ'n ti yɛ ɔ fata kɛ yasua kpaci i si nin i nin, yɛ ɔ fɛ i wun mɛntɛn i yi nan be nnyɔn'n be kaci sran wunmuan nin-ɔn .

2 Samiɛl 12:11

Min wan yo, sa yalɛ nga n ´fa yi ɔ su'n, ɔ ´fin wɔ awlo'n nun. N ´fa ɔ́ yi mun ɔ nyrun lɛ, n ´fa man ɔ osufuɛ'n kun, ɔ nin be wa la wia klakla kpa'n nun.

2 Samiɛl 5:13

Kɛ David fɛli i Ebrɔn lɔ bali'n, ɔ wa boli Zerizalɛm bla wie'm be soman, yɛ ɔ jali wie mun ekun. Yɛ ɔ wuli ba yasua nin ba bla mun ekun.

1 Famiɛn Mun 10:21

Salomɔn i klowa'm be kwlaa be ti sika ɔkwlɛ. Yɛ i ninnge nga be o «Liban bo'n» nun lɔ'n, atiɛ o, ninnge nga be ti kɛ i kpongbo sa o, be kwlaa be ti sika ɔkwlɛ jrɛiin. Wie fi ti-man jɛtɛ ufue. Salomɔn blɛ su'n, be bu-man jɛtɛ ufue'n i like.

1 Famiɛn Mun 10:27

Salomɔn man Zerizalɛm lɔ sika'n truli kɛ yɛbuɛ sa. Yɛ ɔ man sɛdri waka'n kusu truli kɛ sikomɔr waka'm bɔ be o lika kpɛtɛkplɛɛ nun lɔ'n sa.

1 Be Nyoliɛ 14:3

David wa jali bla mun ekun Zerizalɛm lɛ, yɛ ɔ wuli ba yasua mun, nin ba bla mun ekun.

2 Be Nyoliɛ 1:15

Famiɛn'n man jɛtɛ ufue'n nin sika ɔkwlɛ'n be truli Zerizalɛm lɔ kɛ yɛbuɛ sa. Yɛ ɔ man sɛdri waka'n kusu truli kɛ sikomɔr waka'n b'ɔ o lika kpɛtɛkplɛɛ nun lɔ'n sa.

2 Be Nyoliɛ 11:21

Rɔbɔam kloli Absalɔm wa Maaka sa trɛli i yi nin i soman'm be kwlaa. I yi nga be trannin i bo'n be ti blu-nin-mɔcuɛ, yɛ i soman'm be yoli ablesiɛn. I mma yasua'm be yoli ablaɔn-nin-mɔcuɛ, yɛ bla'm be yoli ablesiɛn.

Neemi 13:26

N seli be kɛ: «Nán sa nga b'ɔ man Salomɔn b'ɔ ti Izraɛl famiɛn'n ɔ fɔnnin'n yɛ? Nvle kpanngban nga be o mɛn'n nun'n, famiɛn'n wie fi nin i sɛ-man. I Nyanmiɛn'n klo i, i ti ɔ sieli i Izraɛl'n wunmuan'n i su famiɛn, sanngɛ ɔ nin i sɔ'n ngba'n, nvle nun bla mun man ɔ fɔnnin .

Jue Mun 62:10

Klɔ sran'm be lɛ-man nyrun, be ti kɛ aunngban sa. Sran kpakpa mun bɔbɔ be yo-man sa fi ye. Sɛ be sie be kwlakwla toe su'n, be nɔnnin'n ngba ti kɛ kpukpuwa sa.

Nyanndra Mun 31:3

Nán saci ɔ wunmiɛn'n bla'm bé su. Wɔ atin nga a fa be'n, nán kle be bɔ be lakalaka famiɛn mun bɔ be mlin be'n.

Malasi 2:15

?Anannganman ɔ'a fa-man amun, ɔ nin amún yi'm be wunnɛn'n, ɔ nin amun wawɛ'n ɔ'a yo-man sran wunmuan kun? ?Nguɛ ti-ɔ? ?Nán ba wulɛ ti-ɔ? Amun `nian amun wun kpa, nán amun yra amun gbanflɛn nun bla mun.

Matthieu 13:22

Yɛ nduin'n bɔ awie'n tɔli nun'n, yɛlɛ sran ng'ɔ ti Nyanmiɛn ndɛ'n, sanngɛ mɛn'n nun ninnge'n i ngokoɛ'n nin anyanbeun'n i klolɛ'n ɔ tra Nyanmiɛn ndɛ'n, ɔ man ndɛ sɔ'n yo-man kpa.

JÉSUS-CHRIST I DYASIN FE'N BO LUC KLELI'N 12:15

I sin ɔ seli be kɛ: «An `nian amún wun kpa konvi kpli yolɛ'n i lika, afin man sran nyɛn i wun ɔ nyɛn i wun sɛ, nán ninnge sɔ mun yɛ be mɛn i nguan-an.»

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

1 Timote 6:9

Sanngɛ be nga be klo kɛ be ´nyan bé wun'n, lakafuɛ'n ´laka be. Ninnge ngbɛn-ngbɛn bɔ be konvi sɔ be'n nin bé nyin b'ɔ blo ninnge tɛtɛ kpanngban b'ɔ saci sran b'ɔ man be agualiɛ'n ɔ gua-man be kpa be wu'n, be ´kaci kɛ aya sa, be ´tɔ nun ɔ ´tra be.