Mmla'n 17:16 - NYANMIƐN NDƐ'N 1998

¹⁶ Sanngɛ nán man ɔ nyan nnɛn kpanngɔ kpanngban, nán ɔ sunman sran Ezipt lɔ kɛ be ko to wie nan ɔ nyan wie kpanngban. Anannganman seli amun kɛ nán amun sa amún sin be ɔ Ezipt lɔ kun.

Mmla'n 17:16 ပူးပေါင်းရင်းမြစ်များ

2 Samiɛl 8:4

David trɛli i nnɛn kpanngɔ fufuɛ akpi-kun-nin-ya nso (1.700), ɔ trɛli i alɛ kunfuɛ nga be nanti be ja nun'n akpi-akpi ablaɔn (20.000) ekun. Ɔ kpɛli nnɛn kpanngɔ nga be cuɛn kakaklolo'm be kwlaa be jasin ndin'n nun, san kakaklolo ya be nnɛn kpanngɔ liɛ nga be cuɛn be'n yɛ ɔ yacili be lɛ nan ɔ'a fa be.

1 Famiɛn Mun 1:5

I blɛ kunngba'n nun, David nin Agit bé wa Adɔniza jasoli, ɔ sili i wue'n nun kɛ i bɔbɔ yɛ ɔ ´yo famiɛn nin-ɔn. Yɛ ɔ kunndɛli kakaklolo kun nin nnɛn kpanngɔ fufuɛ mun. Ɔ kunndɛli sran ablenun ekun. Ɔ sie be kɛ be yɛ be wanndi dun mmua i kakaklolo'n i nyrun titi-ɔ.

1 Famiɛn Mun 5:6

Salomɔn lɛ nnɛn kpanngɔ akpi-akpi blu-nin-nnyɔn (12.000), ɔ nin nnɛn kpanngɔ'm bé sua mun bɔ be kwla fa nnɛn kpanngɔ akpi-akpi ablanan (40.000) sie be nun. Nnɛn kpanngɔ sɔ'm be cuɛn i alɛ kakaklolo mun .

2 Be Nyoliɛ 1:16

Salomɔn i nnɛn kpanngɔ mun ɔ man be nin be fin Ezipt lɔ yɛ be fa ba-a . I aata difuɛ'm be ko to be yɛ be fa blɛ i-ɔ.

2 Be Nyoliɛ 9:25

Salomɔn lɛ sua akpi nnan (4.000) b'ɔ fa kakaklolo mun nin nnɛn kpanngɔ mun sie be nun. Ɔ lɛ nnɛn kpanngɔ akpi-akpi blu-nin-nnyɔn (12.000). Ɔ fali be siesieli klɔ wie b'ɔ ti be siewlɛ'm be su. Yɛ ɔ sieli wie Zerizalɛm, i bɔbɔ wun lɛ.

Jue Mun 20:7

Siɛn'n m'an wun i kɛ Anannganman de famiɛn b'ɔ sieli i'n. Kɛ ɔ o nyanmiɛn su lɔ kan ɔ tran lɔ'n, ɔ tie i srɛlɛ'n yɛ ɔ tɛ i su. Ɔ tu i klun ukɛ i, ɔ de i.

Ezipt Lɔ Tulɛ'n 13:17

Kɛ Ezipt famiɛn'n yacili Izraɛlfuɛ'm be nun kɛ be wɔ'n, Nyanmiɛn ɔ'a fa-man be ɔ'a sin-man Filistifuɛ'm be mɛn'n i atin'n su, sanngɛ atin sɔ'n yɛ ɔ ti koko-ɔ. Nyanmiɛn seli i klun lɔ kɛ: «Sɛ be ko tɔ alɛ nun nan srɛ kun be'n, be ´sa bé sin Ezipt lɔ.»

Ezipt Lɔ Tulɛ'n 13:18

I sɔ'n ti yɛ ɔ fali be sinnin atin klɛklɛ wie b'ɔ o aawlɛ flɛnnɛn'n nun lɔ'n su nin-ɔn. Atin sɔ'n kɔ ndɛma jenvie'n su lɔ'n. Kɛ Izraɛlfuɛ'm be ´jaso Ezipt lɔ'n, be siesieli bé wun alɛ kunlɛ'n ti.

Ezipt Lɔ Tulɛ'n 14:13

Moiz tɛli bé su kɛ: «Nán srɛ kun amun. Amun `jran kan amun o lɛ'n, an wa wun wafa nga Anannganman wa fa de amun ndɛ'n. Afin Eziptfuɛ nga amun wun be ndɛ yɛ'n, amun su wun-man be kun mlɔnmlɔn.

Ezai 2:7

Be di-man sika ɔkwlɛ'n nin jɛtɛ ufue'n be yalɛ bé mɛn'n nun. Be ninnge kpakpa'm be sɔnnin tratra su. Be nnɛn kpanngɔ be sɔnnin kpa. Be alɛ kakaklolo'm be ti kpokpaa sɔ ngbɛn .

Zeremi 42:19

Zeremi kɛnnin i ekun kɛ: «Amun bɔ amun ti Zidafuɛ'm be onga'n, Anannganman'n kan ndɛ kle amun. I waan nán amun wɔ Ezipt, amun tie i kpa, yɛ n ´kan kle amun kpongbogbo ndɛ yɛ.

Ezekiɛl 17:15

Sanngɛ famiɛn uflɛ'n jasoli ng'ɔ kwlali i'n i wun, ɔ sunmannin sran Ezipt lɔ kɛ be kɔ srɛ nnɛn kpanngɔ nin sonja kpanngban kpa. ?Sran ng'ɔ yoli sa sɔ'n, ɔ ´fite nun? Ɔ sacili aenguɛ'n, i ti ɔ su fite-man nun.

Ndɛ Nga Nyanmiɛn I Nuan Ijɔfuɛ Oze Kannin'n 11:5

Izraɛlfuɛ'm be su sa-man be sin Ezipt lɔ, sanngɛ Asiri'n yɛ ɔ ´sie be-ɔ, afin be waan be sa-man bé sin mín wun wa.

Ndɛ Nga Nyanmiɛn I Nuan Ijɔfuɛ Oze Kannin'n 14:3

An `sa amun sin bla Anannganman'n i wun. An `se i kɛ yoo: «Yaci é sa tɛ'm be kwlaa cɛ ye, manmanlɛ nga e manman wɔ'n, man ɔ yo wɔ fɛ! Nán yi ɔ́ nyin é wun, tɛ nga e ko yi e ko man wɔ'n, yɛlɛ wɔ ayɛ yilɛ nga e ´yi i yɛ'n.

Mise 5:10

N ´nunnun amun mɛn'n nun klɔ mun, m ´bubu amun klɔ nga be sili be wun mun.

Mmla'n 28:68

Anannganman ɔ ´yo man amun ´fu mmeli nun amun ´kɔ Ezipt mɛn'n nun lɔ. Ezipt atin sɔ b'ɔ seli amun kɛ nán amun fɛ kun'n, yɛ amun ´fa su-ɔ. Sɛ amun ju lɔ'n, i yasua o, i bla o, amun ´ko yo amún wun atɛ amun kpɔfuɛ'm bé sa nun nan amun ´kaci kanga, sanngɛ sran fi su to-man amun.

1 Samiɛl 8:11

Ɔ seli be kɛ: «Famiɛn ng'ɔ wa sie amun'n, sa ng'ɔ wa fa yo amun'n yɛ. Ɔ ´fa amun mma'm be sonja kɛ be tinngɛ i kakaklolo mun, nan be fu i nnɛn kpanngɔ'm bé su. Be wie'm be ´wanndi dun mmua i bɔbɔ i kakaklolo'n i nyrun.